Galaktion Tabidze Quotes

“სულში ნისლის ტბებია და ქაოსის მხატვარი”
― Galaktion Tabidze

“ფიქრი ჩადგა ქარივით შემოდგომის ნაპირთან”
― Galaktion Tabidze

“ჯვარს ეცვი! თუ გინდა! საშველი არ არის, არ არის, არ არის!”
― Galaktion Tabidze

“შენ არ გინახავს კაცის ღიმილი,
შურმა და მტრობამ ისე მიგინდო,
შენი ცხოვრება და სიმძიმილიარის ეს ქუჩა და სამიკიტნო.
შენი ცხოვრება არის ეს ძაღლი,
რომელიც კვდება ცივი, ბებერი,
მისთვის ამ ქვეყნად არ არის სახლი,
არც კარებია შესაღებელი.
შენი ცხოვრება არის ეს ბუჩქი,
ჩამოფლეთილი ყოფნის კარამდის,
სადაც სიკვდილი და სადაც ჭუჭყიგანუყოფელად მიდის მარადის”
― Galaktion Tabidze

“მესაფლავე, ეხლა კი გაქვს ნება, რაც გსურს, კვლავ იგი თქვა...
სამუდამოდ ასამარებს კაცთა ხსოვნას სამარის ქვა.”
― Galaktion Tabidze

“განისვენეთ, განისვენეთ დავიწყებულ არსთა ძვლებო...
თქვენს ყოფნაში არ ერევა ცოცხალთ ფიქრი საარსებო...
განისვენეთ, ძლიერი და უკვდავია თქვენი ძილი...
რაღად უნდათ, რად სჭირიათ
თქვენს საფლავებს ვარდ-ყვავილი?”
― Galaktion Tabidze

“როგორც ნისლის ნამქერი, ჩამავალ მზით ნაფერი,
ელვარებდა ნაპირი სამუდამო მხარეში!
არ ჩანდა შენაპირი, ვერ ვნახე ვერაფერი,
ცივ და მიუსაფარი მდუმარების გარეშე.
მდუმარების გარეშე და სიცივის თარეშში,
სამუდამო მხარეში მხოლოდ სიმწუხარეა!
ცეცხლი არ კრთის თვალებში, წევხარ ცივ სამარეში,
წევხარ ცივ სამარეში და არც სულს უხარია.”
― Galaktion Tabidze

“დაჰქრიან უდაბნოს ქარები,
მტანჯავენ და ვიცი: გახსოვარ!
სამრეკლოს ანგრევენ ზარები...
წმინდაო, წმინდაო მაცხოვარ!”
― Galaktion Tabidze

“მაგრამ სამშობლო არასოდეს
ჩვენ არ გვქონია,
ჩვენი სამშობლო
ოკეანეა.
გემი აივსო წყალით...
გრიგალმა დაწეწა ყველა აფრები
და ჩაძირული ხომალდები
ამოატივტივა.
ზღვა აქანავებს
ხავსიან ფიცრებს
და დაშლილ ანძებს
მივდივართ...”
― Galaktion Tabidze

“ლანდებს სასახლეში მხოლოდ მაშინ ელი,
როცა საუბარი ედგარ პოეზეა!”
― Galaktion Tabidze

“ცხოვრება, როგორც ცინიკი – ღორი
მსგავსება რუმბის,
გთხოვს, გეხვეწება იგემო ტბორი _
ჩაეშვა წუმპეს.
სახე ნერონის თუ თემურ-ლანგის
კედლით გიღიმის,
ის სიმბოლოა გულწრფელი ჩანგის
გაწყვეტილ სიმის.
არ მოგცემს საშველს, სანამ თავისთავს
არ დაგამსგავსებს _
მსურველი, სადმე ფეხი დაგიცდეს
და მოჰყვე ნავსებს”
― Galaktion Tabidze