Zonema Quotes

“Ya piyê mao ke asmên de, namey to mibarek bo. Qilawuzê to bêro. Miradê to bibo hem erd u hem ki asmên de, Nana mawa vêrey ewro bide ma. Se ke ma gunekaranê xo ef kenime, ti ki gunanê ma ef ke. Ma mesinevne, ma xirabiye ra rareyne. Çira ke na padisaine, no hukm u qeder ebediyen ê toyê. Amin!”
― lajeHaq

“Zarance kuna kemeru,
Zonê hode wanena.
Qilancike
nisena gile dare ra,
Zonê xode qiºtnena.
Amnon yeno, beno germ,
Temuz zonê hode cizeno.

Mor u milawin,
Teyr u tur,
Pil u qiz,
Cin u ciamerd,
Serre na dinade her çi,
Zonê hode waneno.

Serre na dinade
her çi, her kes
zonê hode girano
Wertê ninera
ça teyna ma
zonê hora vozdame!

Ça teyna ma
zone hora rememe!
Ma rememe kata some?
Zazaki zonê mao.
Bav u kali qeseykerdo.
Lawiki vatê, saniki vatê,
Zonê ma zof sireno.
Zonê ho ça vindkerime,
Zonê sari ça ser kerime,
Zonê ho ça bin kerime!
Zonê sari ça ser kerime!
Zonê ma ke bi vind,
Ma ki beme vind!

Lawiki bene vind,
Saniki bene vind,
Rost bena vind,
Tari maneno!
Beme lal, bema kêr,
Beme bê pa u bê per,
Kume bine destu,
Gineme vêrrê dêsu,
Halê mare u waxt
her kes huyino,
- ne ke her!”
― Hesen dewren