الفيل الأزرق discussion

كعادته طيرالنوم من عينى لما جبت الرواية الاحداث رائعه والاسلوب رائع وتصويرك للمشاهد بعينك كان اكتر من خيالى حقيقى الف مبروك ليك يا استاذ احمد

أشكرك يا صديقي.. :) مبسوط أنها عجبتك..

الرواية جبتها بعد يوم واحد من صدورها .. كنت بالصدفة في القاهرة و كنت في سيتي ستارز سألت عليها قالولي لسه ما نزلتش بعدها وانا بالف في سيتي ستارز لقيتها في مكتبة فكرة :)
المهم ..
الرواية قريت 70% تقريبا علي مرة واحدة و وقفت لإني كنت تعبت .. لولا كده لكنت كملتها كلها مرة واحدة :)

الرواية مشوقة بدرجة مرعبة !! انت مش بتحس بنفسك و انت بتقراها !!
بتحس إنك بتجري جري فيها .. نفسك تفهم إيه اللي بيحصل .. رواية بتستفزك إنك تكملها :)
الأحداث كتيرة جدا و سريعة .. لسه بتحاول تستوعب اللي بيحصل تلاقيه راح خبطك بمفاجأة تاني و حدث تاني جديد أغرب من اللي قبله :)
قدر أحمد مراد يدخل جوه يحيي بطل الرواية جدا و كشف عيوب شخصية و مشاكل كتييييير جدا جايز تكون موجودة جوه حد مننا و بنتعامل معاها كأنها شئ عادي و طبيعي اتعودنا عليه زي ما كان يحيي بيتعامل مع مشاكله من غير ما ندرك تأثير المشاكل دي علينا ..
مش هاتقدر تتوقع الأحداث .. مش هاتقدر تتوقع اللي هاتلاقيه لما تقلب الصفحة .. مش هاتقدر تفسر حاجة .. مش هاتقدر تتوقع النهاية .. كل حاجة مفاجأة ليك .. قمة الإثارة و التشويق و المتعة :)
بعد ما خلصتها قفلت الكتاب و قعدت فترة مبتسم و مستغرب بأحاول استوعب اللي حصل :)

بالنسبة لأحمد مراد :
الرواية موضوعها مختلف تماما عن الاتنين اللي فاتوا فالأحسن إنك ما تقارنش بينهم .. بس الملحوظ و الأكيد هو إن أحمد مراد بيتطور تطور رهيب و أسلوبه بيتطور بطريقة سريعة .. تخلي تماما عن اي تطويل او رغي في القصة .. ما فيش اي ملل فيها يمكن باستثناء جزء بسيط في الآخر .. قدر يجذبك و يشدك باسلوبه من اول 20 صفحة لحد الآخر و انت متشوق و مشدود ..
مازال أحمد مراد محتفظ بطريقته الإبداعية في الوصف و طريق. الكتابة اللي تحسها قريبة لأفلام السينما مش للكتب :)
من اكتر الحاجات اللي عجبتني في الرواية هي التحليلات و التفسيرات النفسية و المصطلحات الطبية ، واضح جدا المجهود اللي بذله أحمد مراد في دراسة الكلام ده و الأمراض النفسية دي علشان يقدر يكتب بالطريقة دي و يقدر يوصلك لمرحلة إنك مش ممكن تصدق إن أحمد مراد ده مش دكتور نفسي :)

ملحوظة : لو فكرت في الرواية من الناحية العقلية جايز ما تقتنعش بيها لكن لو فكرت فيها من حيث المتعة و الإبداع و كرواية مشوقة تشدك و تستفزك إنك تقراها ييقي هاتقتنع بيها جدا و هاتعجبك :)

اقراها و استمتع بيها :)

انا مفهمتش النهاية + درجات الحرارة الي مكتوبة ف الفصول !!
فلو حد عرف يا ريت يرد عليا او يبعتلي رسالة؟؟!!

للأسف الشديد بعد الاسلوب الرائع في فيرتيجو و تراب الماس
اجد هذه الرواية اول جزء لغايت الفيل الازرق جيد جدا و تحس في باثارة و تشويق بعد هذا الجزء لم افهم شيئا بجد حسيت ان انا بقلب الصحفات و انا مش فاهم اى حاجة و تاتو اية البيعمل كدة و الجان يجيبلة و بلاقي نفسة في القرن ال19 و بعد كدة يلاقى ناس مبيشوفهاش غير في الحلم و مربعات الارقام و الحروف مفهمتهاش بصراحة اداء مخيب لأحمد مراد خصوصا بعد تحفتة تراب الماس
كم كنت اتمنى ان يتحلى باواقعية لكنة اسرف في الخيال فحسيت ان الرواية هربت منة في الاخر
ما اعجبني في هذه الرواية وصف يحيى لردود افعال سامح و الدكتورة صفاء و اللجنة و تعريف كل شخص في المعجم

رواية فيرتيجو هي الأروع يليها تراب الماس ثم الفيل الأزرق
رواية الفيل الأزرق بدايتها مشوقة جداً وخروج الكاتب عن الأجواء السياسية والفساد الاجتماعي مرحلة إيجابية جداً وصلها
لكن في منتصف الرواية كان في ملل خصوصا في وصف حالة يحيي بعد تناوله للفيل الأزرق
كمان النهاية غير متقنة
ليس كما عودنا احمد مراد في روائعه السابقة

اللى هيقرا الروايه لازم يصدق مقولة " دعنى انخدع دعنى اخدعك " اللى هيفكر بقى فى تفسيرات وكلام من ده مش هتعجبه الروايه بس يصراحة ان استمتعت جدا بيها الاسلوب مبهر جدا و الجهد المبذول فى مذاكرة امراض السيكولوجى اكتر من رائع و اكتر حاجه عجبانى وصف يحيى للحاجات وهو مش واعى او بمعنى اصح وصف الهلوسة الخيال اللى مكتوبه بيها حلو اوى...... وفعلا مينفعش تتقارن بفرتيجو وتراب الماس لانهم حاجة والغيل الازرق حاجة تانيه خالص و تطور الاسلوب الادبى واضح فيها جدا

Marwa wrote: "اللى هيقرا الروايه لازم يصدق مقولة " دعنى انخدع دعنى اخدعك " اللى هيفكر بقى فى تفسيرات وكلام من ده مش هتعجبه الروايه بس يصراحة ان استمتعت جدا بيها الاسلوب مبهر جدا و الجهد المبذول فى مذاكرة امراض ا..."

I agree

هى درجات الحرارة اللى ف اول كل فصل ممكن يكون ليها دلالة معينة ؟؟؟!!!

النهاية فى وجهة نظرى مش محبوكة وبعيدة عن الواقع بس الاحداث مشوقة بصفة عامة

قرأت ثلثها , مشوقة جدا
أحمد مراد :) انا اتخنقت من الوصف في اول فصلين مش عارفة ليه , ابعد عن الوصف خاااااالص xDD
بس عجبني موضوعها فعلا و لما اخلصها في كلام تاني اكيد :)

msh 3arfa a7mlha !! leh mfesh gnbha download ebook??? hea leha tre2a tanya ?

اعملى سيرش على ال 4shared هتلاقيها ان شاء الله

من رأيي الرواية مشوقة و جذابة جدا , بس التيمة نوعا ما مستهلكة ! انا عن نفسي انبهرت و عجبتني :))

الروايه فعلا مشوقه جدا جدا .. انا خلصتها ف يومين !!.. و ف العيد كمااان :]! .. كان كل همى انى اعرف ايه السر ف كل الى بيحصل .. اتفجأت جداً لما اكتشفت ان الحوار اتقلب من مرض نفسى .. ل مس جن ..
الروايه جريئه .. رائعه .. مبهره .. قمه الخيال .. بس ممتعه جدا ..
هو اكيد فى اجزاء كنت مفكرتش فيها .. بس لما قريت الردود ابتديت اسأل فيها فعلاً ..
1 ازاى عم سيد ظهرله .. !! انا قلت يمكن يكون دا بدايه مس .. لانه لما سجل الحوار الى دار مابينه و بين شريف او نائل بمعنى اصح مظهرش صوت .. و ده الى شريف او نائل قاله ل سامح ان يحيى مش مظبوط ..
2 مايا .. ازاى حصلها الى حصل قبل الحدثه !!
3 هل ممكن نائل يكون انتقل ل يحيى لجرد الانقام .. خاصه ان لبنى مرسمتش التاتوه !! .. او لمجرد ظهور لبنى ف الروائيه كده خلاها كأنها زيها زى بسمه !!

عمتاً الروايه فوق الخيال .. مرعبه .. جميله ..
احمد مراد ابدع فعلاً .. من حيث المجهود الى بزله ف جمع كميه المصطلحاط الطبيه .. و عشان يكون مُلم بجميع جوانب المرض النفسى ..
و من حيث الوصف .. تحس من المكتوب انك عايش الكلام .. بتتخيل كل كلمه ..
مفيش اكيد مقارنه مابين الرائعه تراب الماس و فيرتيجو و الفيل الازرق ..
انا فعلا بحب دماغ احمد مراد ف التفكير .. لان تفيكره عمر ما حد ممكن يوصل ليه ..

احسنت احسنت احسنت

الروايه بجد تحفه اووي وبدايتها مشوقه جداً .. اول ما ظهر الوشم والقميص عرفت ان الموضوع فيه مس :))
عجبني اسلوب الوصف والحوار بين لبني ويحيي قريته اكتر من مره .. كنت حاسه اني قاعده معاهم بل وحاسه باللي هما حاسينه كمان

اكتر مشهدين عجبوني .. مشهد الحادثه ومشهد من اول ما لبس يحيي القميص لحد ما رجع لوعيه تاني ..التصوير وطريقه العرض والوصف فيهم محصلش

الروايه من كتر ما هي حلوة اووي مش عارفه اقري اي حاجه تاني بعدها .. كل ما اجي امسك روايه جديده الاقي نفسي غصب عني برجعلها تاني :)

مع اني مافهمتش النهايه اوي .. بس هي مازلت رائعه

شكراً يا احمد :)

رواية " الفيل الأزرق " رواية رائعة من حيث الأسلوب وقصة والتشويق وسرعة الأحداث وتتبعها بس مشكلة المعتاده هى كلام عن جنس مع أن رواية ممكن تكون بنفس روعة من غير ده أو حتى تلميح من لازم التفاصيل .......

لم تعجبنى الروايه... ولم أقتنع بنهاتها... ناهيك عن الأجزاء الطويله من الهلوسه... فى رأيى تراب الماس كانت الأفضل

اول رواية اقرها لاحمد مراد وعجبتني جدا ...اسلوب رائع ...لكن للاسف النهاية باظت منه في انه سقط منه احداث ....لكن الاستمتاع العام بالرواية بيخفف شوية خطأه في النهاية

النهايه صادمه ليا مش فهمتها ...بس عجبنى جو الفانتازيا والفوق الطبيعى والمؤلف

ana 2reet kol rawaytak w kolha a7san mn ba3d

عجبنى فيها ان احمد مراد سرح بأفكارة وخلق عالم جديد يخلى القارىء مشدود لنهاية الرواية

القصة رائعه احمد مراد من اكثر الكتاب في مصر بجد والنهاية غريبه بس حلوة :)

الرواية دى عبقرية,انا مش قادرة انساها,بتشدك بطريقة تخوف و تبقى عايز متسبهاش لحد ماتخلص ولما تخلص تتقرى مليون مرة.

انا قريت بعدها تراب الماس بس مستمتعتش زى الفيل الازرق,يحيي موجود فى دماغى بطرقية مخليانى مش متعاطفة مع طه زى ما اتعاطفت مع يحيى.
الرواية دى بالنسبة لى غريبة لانى اول مرة اتعلق بكتاب كده وابقى مشدودة له كده

نجح الكاتب فى اضفاء مزيتى اللغز و الحيرة فى روايته و بالاخص فى نهاية الرواية التى لا يعلم هو نهايتها من وجهة نظرى , مع انتقال الشعور لدينا,اسلوب رائع و واقعى جداو مشوق مع تحفظى على التشبيهات القرانية فى اسلوب معظم الكتاب و الشعراء بوجه عام ,اشكرك كثيراعلى المتعة و المعلومات

ana 2aret-ha f 2a3da wa7da 7 sa3at w 3elbet sagaier LM a7mar m3raftsh a2oooom ela lma 5llastaha - nice work w mstanni el film akid isa

TÕkă wrote: "msh 3arfa a7mlha !! leh mfesh gnbha download ebook??? hea leha tre2a tanya ?"

lw sm7to hwa na ynf3 23mlha download ka ebook ??

حسيت انى بجرى ورا الاحداث وبفوت الوصف الطويل بتاعه عشان اعرف اللى هيحصل بعد كدا
مشوقة جدا جدا جدا
خلصت 70%منها فيوم ...وبعدين دماغى وقفت مبقتش قادرة اكمل
كمان النهاية مش عجبانى انه خلى يحيى يتجوز لبنى وحياتهم تبقى كويسة اوى للدرجة اللى شفتها فالرواية ..عمل من يحيى بطل انقذ صاحبه ..واتجوز لبنى اللى كان بيحبها وحياته بقت تمام
مع ان المفروض يكون تعيس بسبب اللى كان بيعمله دا كان شبه شيطان
او انا فهمت النهاية غلط بقا

مع احترامى للكاتب بس هى ميتقالش عليها رواية هى مش اكتر من حدوتة
ثانيا المصطلحات العملية تحس انها محشورة وخلاص
الفكرة جميل فى الاول لكن اسفه الاسلوب ضعيف

الرواية كانت رائعه و مشوقة الى حد الجنون ! الى ان قرأت اخر مشهد لما اتجوزو !! ايه النهاية ده ! و فى خيوط كتيرة لسة متشبكتش ، اللى فهمته ان يحيى عنده شيزوفرينيا فعلا او ملبوس هو كمان !! او انا مش فاهم حاجة !
الرواية ممتعه جدا بغض النظر عن النهاية و كمان الجزء بتاع اللاوعى لما بياخد القرص ، بعض المشاهد مليت منها و ان كانت محورية فى القصه و اضفت عليها اصالة و عبق من الماضى لا مثيل لهما :) :)
احسنت يا احمد :)

الرواية رائعة جدا,, وبتضيع جدا,,,
بس نهايتها !! مخيبة ! :(

روايه رائعه و اندمجت معاها جدا , بس النهايه محتاجه تركيز شديد في تفاصيل القصه عشان تتفهم

elrwaya bgd to7fa.........mn 2ol magebtha msh 3arfa asbha...

●
An Awesome Novel :)

روااايه اقل ما يقال عنها انها رااااااااائعه بجد يا احمد :) ...... انا كل ما اروح المكتبه اسال احمد مراد مش هينزل كتب تانى قريب؟؟؟؟؟ بجد عشقت اسلوبك ف الكتابه وتطورك من روايه لروايه تانيه =D .... ربنا يوفقك يارب

نهايه مش مفهومه شويه بس بوجه عام الروايه تحفه ادبيه

اللي يقرأ تراب الماس يعرف ان الفيل الازرق لم تكن علي المستوي

بالنسبة الي الرواية رائعة بس في كتير امور ماكانت واضحة النهاية ماكانت واضحة و كيف شريف رجع لحالة الوعي كمان مافهمتها منيح
بالإضافة لبعض الأوصاف و الكلمات الي لو م كانتش كان افضل يعني الرواية كانت رح تمشي بنفس الروعة من غيرها
لكن لا ينفي ذلك روعتها رائعة و تستحق 5 نجمات
او لأكون اكثر دقة 4 و نص

الروايه رائعه جدا و مشوقه الى ابعد حد و كمان لما اتحولت فيلم كان جميل جدا حافظ على كل الحاجات المهمه فى الروايه بجد انت رائع

الرواية رائعة جداومشوقة
والتشبيه شيء لايوصف لجماله .. صراحة هو اكثر شيء جذبني لاكمال الرواية
ادخلتني في متاهه لم اخرج منها
واكثر شيئ يقال انها رواية راااائعة

الرواية وحشة جدا من اسوأ الروايات اللي قريتها ---------وضيعت وقتي

النهاية بتاعت القصة احلي كتير من الفيلم فكرتني بShutter island و inception. بس لو كانت اتعملت ما كنتش اتفهمت

انا خلصتها من جديد بجد راااائعة :)