الفيل الأزرق discussion

(الفيـــــــــــل الأزرق)
بعيد عن الاسلوب الى ملوش وصف غير انه وهمى وحلو اوى الى اتبعه احمد مراد
الا ان الروايه ليها بعد تانى .. بتسيبك وانت عمال تفكر وتفكر لحد ما تتعب من التفكير
يمكن بنتعب لاننا مش عايزين نستسلم ونقول ان فى حاجات فى قدراتنا اننا نستوعبها

فى رأيى الشخصى .. ربنا خلق سيدنا ادم وسيدتنا حواء وخلق معاهم الشجره الى لو اكلوا منها هينزلوا للأرض
طب وليه من الاول ما كان ممكن الشجرة دى اصلا متتخلقش وبالتالى مكنش يبقى فى مشكله
انما دا مش هدف الخليقه ..
مقدر ان يكون فيه خير وشر وصح وغلط
عشان الانسان فى لحظه اختيار حر يختار طريقه بينهم
عالم الماوراء الطبيعه موجود والى هيدعبس فيه هيلاقى كتير وهيوصل لكتير
بس فى حاجات رغم وجودها الا ان ربنا محذرنا اننا ندور فيها
ففى حاله اننا ركبنا دماغنا ودورنا فيها هنلاقى نتايج لكن العواقب هتكون وخيمه
وارد العلم فى وقت من الاوقات يتوصل لما بعد عقاقير الهلوسه .. يمكن فى وقت من الاوقات نقدر نتحرك عبر الازمنه لكن ربنا حذرنا من اننا نتحدى مشيئته .. والشيطان مهمته انه يلعب على ضعفنا تجاه وسوسته
اكيد كل الحاجات الى بيسعى لها العلم دلوقتى موجوده بالفعل لكن اصلا مش المفروض نتوصلها
والى بيكمل فى الابحاث دى وبيتحدى اراده الخالق
وبيمشى ورا شيطانه
بيعمل زى ما عمل سيدنا ادم وسيدتنا حواء


(رؤيه مختلفه للفيل الازرق من خلال (الرقص مع الشيطان)
سيرشوا عليه براحتكوا بقى :)

اعتقد ان دي شطحة أبعد من الشطحات اللي عاملها احمد مراد في الرواية ولو ده قصده هارجع أقييم الرواية اقل من التقييم اللي اديتهوله لأنها ممكن تتعمل أحسن يعني في حشو في بعض المواضع كان باإمكان تفاديها -وأختصار شديد وتسريع الاحداث للفكره دي

اهه هو انا فعلا لما شوفتها من المنظور دا اعدتت تقييم الروايه بشكل اقل
بس انا هعتبر ان عقلى لو قدر يأفور عن دماع احمد مراد فدى حاجة حلوة فى حقى :)

عموما بشكل او أخر الموضوع ملوش معايير ثابته
وبالتالى هو بيحتمل كل الاحتمالات ووجهات النظر

تمام أتفق معكِ

انا متهيالي ودى مجرد وجهة نظر ..... ان لو طلع في النهاية شريف فعلا مريض وان يحي حاول يفك طلاسم الموضوع ووصل للسبب اللى خلاه يقتل ويكتشف نوع مرضه
او لو طلع يحي هو اللى مريض واكتشف ده كانت هتبقا النهاية افضل بكتير من السحر الاسود
مجرد وجهة نظر رايكوا فيها ايه

اتفق معاكي يا هايدي

ممكن برضه لكن أعتقادي إن نهاية القصه فكرتها إنها مالهاش فكره تركها عن قصد ليحدث هذا الارتباك الذي ينتشي به كثير من الكتاب ليس إلا :)
نهايتك يا هايدي واقعيه وحلوه بس هو زي ما قلت قبل كده يسيبها شبه مفتوحه

بس هو كده مسبهاش مفتوحة اوى لان الاحتمال بنسبة 80 في المئة انه مش مرض نفسي وان الموضوع راجع للسحر الاسود هو بس سابلناالطريقة اللى خلت السحر يتنقله وحصل ازاى بس هى اللى مفتوحة مش اكتر واستبعد المرض النفسي تماما
انا مش بنكر انها روايه حلوة جدا بس يمكن انا بحكم دراستى كنت مستنية اوى غموض الحالة انه يكون في الاخر يكون تفسيره مرض نفسي ويبدا الككاتب في تفسير اسباب الوصول للحالة
على العموم اا استمتعت بيها في كل الاحوال وميرسي على اهتمامك يا احمد بالرد عليا

ميرسي يا ماهى على اتفاقك معايا في الراى