الفيل الأزرق question

انا بصراحة شايف ان الرواية على بعضها حلوة لانها عيشتني في حالة وانا روحت منطقة تانية مكنتش روحتها قبل كده

وصف كتير اوى لتأثير الفيل الازرق ممل جدا وحاسه ان نهايتها ساذجه جدا ومش مقنعه تراب الماس بجد احلى منها بكتير غير الالفاظ بجد سيئه جدا

بعد ما تتعمق في الرواية و هتبقي هتموت عشان تعرف النهاية و التفاصيل الدقيقة, ممكن حماسك يقل لما تعرف بموضوع الجن و السحر اللي احمد مراد فاجئنا بيها حسيت ان هو ضيع مجهوده و تفاصيله الدقيقة بموضوع ميكملش نسيج القصة المشوق ده رأيي, و لكن ده مينفيش انها رواية جيدة و جديرة بالقراءة.

الروايه حلوة جدا ومنكرش انها شدتني اوي لتفاصيلها بس مكتر اوي من استخدام مصطلحات طبيه وخمور وتاثيرها اكتر من اللازم دا غير ايحاءات كتيرا كان ممكن يتغاضي عنها لانها ملهاش سبب واضح غشان يذكره اوي .كنت بحب لبني .. حبهم لبعض اوي .. بس خرجت من الروايه دي بنفسيه زي الزفت انا فعلا بقي دلوقت محتاجه دكتور نفسي

بعد ما خلصت الرواية بقيت اتخيل واحد مظلم ورايا بإستمرار , و بحلم بيه تقريبا كل يوم , بس النهاية كانت حلوة , اى نعم الواحد زعل شوية ( لبنى لأ ... هتموتوا الصاروخ ليه ) بس الرواية بمجملها رائعة , منتظر الفيلم ان شاء الله

نهاية مفتوحة غير مفهوم تفاصيلها .... بس الرواية ممتعة جدا و احداثها شيقة و رائعة و احلى حاجة وصف الرهيب للتفاصيل

حلوة بس مكانش لازم تبقى open end كدا

Marwa wrote: "ايه رايك فى رواية الفيل الأزرق بعد ما قرأتها ؟"

الروايه حلوه جدا لانها بتخدك لعالم تانى وبتخليك مش عايز تخلصها ولا تقفلها خالص وممكن كمان تقراها تانى

روايه صادمه لأنها رديئه رغم الدعايه الصارخه لها وانتشارها بشكل كبير جدا وذيع صيتها من قبل ماتنزل
محبطه جدا لأن الواحد كان مستنى على الاقل كاتب يحترم عقليته ..
مصطلحات مبتذله ولغه حوار ركيكه

احمد مراد اسلوبه ماينفعش يبقى اسلوب روائى ولكن سيناريست يمشى
عشان كدا اعماله ممكن تنجع كأعمال سينمائيه وليست أعمال أدبيه

الرواية كمجمل جميلة ..

ياريته كان كملها في غياهب الأمراض النفسي كانت هتبقى أروع

ياريته كان ربط الخيال بأساس عشان نحاول نصدقه حتى

ياريته مماوتش مــايا ;)

انها المره الأولى لى مع احمد مراد.. أبهرنى بوصفه الدقيق وتحليله النفسى للأفعال و الشخصيات و لغه الجسد .. و لكن شعرت بملل لسرده للهواجس التى تصيبه من تناول الفيل الأزرق .. والغموض حول حادث مايا.. وفى كثير من الاحداث شعرت أن يحيى هو المريض نفسيا و ليس شريف .. ثم بعد ذلك الطلاسم و الشعوذه .. النهايه كانت غير متوقعه لى .لكن أسلوبه الأدبى على مدار الروايه كان ممتاز

الرواية رائعة و مختلفة عن اي رواية قريتها قبل كدة سواء عربية او مترجمة لكن الي بوظها فعلا الالفاظ و الايحاءات لو لغة الكاتب كانت ارقي من كدة شوية كان هيفرق كتيير في تقيمي للرواية و تاني حاجة طبعا النهاية و جو الجن قلل من الرواية كتيير لو نهاها بطريقة تانية كانت هتفرق كتيير اوي

الرواية حلوة قوى بس وقفت كتير قدام نهايتها
كنت مستنيه نهاية احلي بس صدمتني وفي نفس الوقت حسيتها مناسبه او عليا لاقل متميزة عن اي نهايات ممكن القارئ يتوقعها

هي دي اول تجربة لقراءة روايه بالنسبه لي ... صحيح استمتعت بالدخله بتاعة الروايه ... وجود "مايا" ف البدايه كان مشجع اني اكملها ... وبعدين حسيت لمده طويله اني ف فلم شاتر ايلاند .... اكتر مده استمتعت فيها لما لبس القميص واخد الحباية الاخيره .... والنهايه كانت مخيبه للامال بصراحه .... سحر وجن وعفاريت !!!!! ... كانت ممكن تكون احسن من كده :)

سؤال لاحمد مراد معلش يعنى هم كل البنات شعرهم كستنائى .. مفيش ألوان تانيه؟!!
..
السؤال التانى بقى لاحمد مراد
معلش يعنى هو ليه دايما البطل يطلع لامؤاخذه سكرى و بتاع ستات و إبن كلب و ممكن يقتل حد فوسط الاحداث ف سكته كدا يعنى عادى و ف الاخر ينجا من دا كله و يتجوز البطله و يسافر جزر الكاريبى يهدى أعصابه بعد كل حاجه.
.
أين الفضيله؟..هل ذهبت فى رحلة قصيرة لحين حصول روايتك على لقب "الأكثر مبيعا"
ثم ستعود مرة أخرى ..أم أنها ذهبت للجحيم الى الأبد ؟!
يا مؤمن دا أكتر واحده محترمه عندك كانت لابسه طرحة سبانش ..
قرفتونا
والروايه جابتلى اكتئاب كمان
أحمد مراد .يشبه نجم الشباك ..رواياته تتحول من سئ لاسوأ..سيلفظه الناس يوما

عجبتنى جدا بس متلغبطه فى موت مايا وجوازه من لبنى فى الاخر ازاى لسه عندى علامات استفهام كتير مش فهماها بس هى جميله

كنت مبسوطه في الاول اوي ومشدودة للبطل واسلوبه بس بعد شوية حسيت بالكآبة وبدأت اتخنق وصممت اكملها علشان مش باحب افتح كتاب ومااقفلوش بس انا لا بحب كلام الجن ولا بيعجبني اللجوء اليهم كوسيلة لحل المواضيع يعني مثلا فيلم العقل الجميل اللي بطله راسل كرو من اجمل الافلام اللي شفتها في حياتي لاني كنت باستغرب اوي من الناس اللي بيمشوا يكلموا نفسهم لكن الفيلم فسرها بشكل علمي ومنطقي جميل وبقيت اتعاطف معاهم وما اقولش عليهم مجانين ولا راكبهم جن

بشعه :) بعد ماقريت تراب الماس توقعت انه هبفضل على مستواه دا بس للاسف بعد ماقريت الفيل الازرق حسيته وقع جدا ,,, مطول فى الوصف بطريقه ممله جدا ,, ايجاءات والفاظ مالهاش لازمه ,, ونهايه محبطه جدا ,, بس مانكرش ان بيعرف يصيغ الاحداث بطريقه تشوق القارئ حتا لو روايه واقعه زى دى

رواية حلوة جيداو التفاصيل كتيرة غصب عنك تشوف الاحداث زي فيلم وحسييت اني متشوقة جيدا علشان اخلصها بعد ماخلصها تتعبك التفكير في الاحتمالات و التفسيرات ودة في رائي نجاح للكاتب بغض النظر اني بجد حتشل عشان اللقي تفسيرلكل الاسئلة اللي في دماغي

النهايه غير متوقعه بس الروايه ف المجمل جميله

روايه لم تعجبني بالمره خساره فيا الوقت الاحداث بطيئه وممله ومليانه حشو

جميلة - رائعة في البداية و متقنةحتي الوسط و غير موفقة في النهاية

الواد ده برنس ودماغه عاليه مليش دعوه بقي بقلة الادب اللي في الروايه والتفاصيل والحوارات دي كلها بس مشكلته في اخر الروايه لان اللي مركز وهو بيقرأ قوي هيستنتج من نص الروايه او بعدها بكام صفحه انه طبيعي جدا تكون دي النهايه لانها من اولها لاخرها تهييس وتطويل بس ككل حلوه وعرف يشتغل الناس .. برافو عليك يا احمد انا فرحان بيك

الروايه جميله جدا ولكن الوصف الطويل والممل لتاثير حبايه الفيل الازرق كان مبالغ فيه بشكل كبير والنهايه كانت غير متوقعه وبالنسبه ليا فيها علامات استفهام كثيرا جدا

الرواية كانت جيدة لكن فعلا كانت مليانة الفاظ و تفصيلات زيادة اوي و ف رأيي تراب الماس افضل بكتييييييييييييييير

بالاضافة الى ان موضوع الجن والشيطان دا اتهرس ف افلام امريكاني كتييييييييييييير

أحمد مراد .... أقبل تحياتى .. عمل اكتر من رائع

الرواية رائعة بس استعمل الفاظ كتير مش مكانها وبالغ فى وصف مشاهد وايحاءات شايفه ان عدم وجودها مكانش هيؤثر على روعة الرواية كمان فى بعض التفاصيل كان بيوصفها بدقة خليتنى عايزه انط الصفحات عشان اعرف وبعدييييييييين ؟؟ :)
بس بشكل عام عيشت جوا الرواية وجذبتنى بشكل خلانى مش قادرة ابطل قراءة الا لما خلصتها بالاضافة انى بعد ماخلصتها حسيت انى عيشت مع لبنى ويحى وشريف لدرجة انهم اصبحوا اصدقائى وعايزه اسال عليهم كل فترة :D

رواية مليئة بالالفاظ البذيئة و الايحاءات الجنسية المقذذة .. تخرج منها مأستفدتش بأى حاجة و لا أى قيمة
الحاجة الوحيدة اللى العدلة اللى فيها أن اسلوبها مشوق.. بس نهايتها مستفزة

Marwa wrote: "ايه رايك فى رواية الفيل الأزرق بعد ما قرأتها ؟"

ﺗﻘﻴﻴﻤﻲ ﻟﻬﺎ: ﺭﺩﻳﺌﺔ

ﺍﻟﺘﺼﻨﻴﻒ: ﻛﻮﻛﺘﻴﻞ ﻏﻤﻮﺽ ﻣﺴﺘﻬﻠﻚ ، ﻋﻠﻲ ﺟﺮﻳﻤﺔ ﺿﻌﻴﻔﺔ ، ﻋﻠﻲ ﻟﻌﺐ ﺳﻄﺤﻲ ﻋﻠﻲ ﺍﻟﺘﺤﻠﻴﻞ ﺍﻟﻨﻔﺴﻲ ، ﻋﻠﻲ ﺧﻴﺎﻻﺕ ﺟﻨﺴﻴﺔ ﻣﺮﻳﻀﺔ ، ﻋﻠﻲ ﺳﺤﺮ ﻭﺷﻌﻮﺫﺓ ، ﻋﻠﻲ ﺍﻳﻘﺎﻉ ﺍﻓﻼﻡ ﺍﻣﺮﻳﻜﺎﻧﻲ ﺭﺩﻳﺌﺔ

ﺍﻟﻠﻐﺔ: ﺩﻭﻥ ﺍﻟﻤﺴﺘﻮﻱ ﺍﻷﺩﺑﻲ ، ﺍﻟﺘﻌﺒﻴﺮﺍﺕ ﻓﺠﺔ ﺻﺎﺧﺒﺔ ﻣﻘﺤﻤﺔ ﻋﻠﻲ ﺍﻟﺤﺪﺙ ، ﻭﻛﺜﻴﺮ ﻣﻦ ﺍﻟﺘﺸﺒﻴﻬﺎﺕ ﺭﺧﻴﺼﺔ ﺗﻬﺒﻂ ﺑﻤﺴﺘﻮﻱ ﺍﻟﻤﺸﺒﻪ ، ﺑﻌﻀﻬﺎ ﻣﻘﺰﺯ ﻳﻌﺘﻤﺪ ﻋﻠﻲ ﺍﻟﻤﺒﺎﻟﻐﺔ ﺍﻟﺸﺪﻳﺪﺓ

ﺍﻷﻓﻜﺎﺭ: ﻏﻴﺮ ﻣﺘﻮﺍﺗﺮﺓ ، ﻳﺘﺨﻠﻠﻬﺎ ﻛﺜﻴﺮ ﻣﻦ ﺍﻟﺴﺮﺩ ﺍﻟﺬﻱ ﻻ ﻳﻀﻴﻒ ﺑﻞ ﻳﺸﺘﺖ ﺑﻼ ﺍﻱ ﻃﺮﺡ ﻟﻔﻜﺮﺓ ﺟﺪﻳﺪﺓ

ﺍﻟﺤﺪﺙ ﺍﻟﺪﺭﺍﻣﻲ: ﻳﺘﺒﻊ ﺍﻟﻤﻨﺤﻨﻲ ﺍﻟﺘﻘﻠﻴﺪﻱ ﻟﻠﻘﺼﺔ ، ﻣﻘﺪﻣﺔ ﻓﻌﻘﺪﺓ ﻓﻔﻚ ﻟﻠﻌﻘﺪﺓ (ﻏﻴﺮ ﻣﻜﺘﻤﻞ)

ﺍﻷﺷﺨﺎﺹ: ﺍﻷﺷﺨﺎﺹ ﻛﻠﻬﺎ ﻣﻮﻇﻔﺔ ﻟﺨﺪﻣﺔ ﺍﻟﻐﻤﻮﺽ ﻭﺍﻹﺛﺎﺭﺓ ﺍﻟﻠﺬﻳﻦ ﻭﻻﻫﻤﺎ ﺍﻟﻜﺎﺗﺐ ﺍﻷﻫﻤﻴﺔ ﺍﻟﻘﺼﻮﻱ ﻋﻠﻲ ﺣﺴﺎﺏ ﺑﻨﺎء ﻋﻤﻴﻖ ﻷﻱ ﺷﺨﺼﻴﺔ

ﺗﻌﻠﻴﻘﻲ: ﺭﻭﺍﻳﺔ ﻻ ﺗﺴﺘﺤﻖ ﺍﻟﻘﺮﺍءﺓ ، ﻛﺎﺗﺐ ﺿﻌﻴﻒ ﻳﻔﺘﻘﺮ ﺃﺩﻭﺍﺕ ﺍﻟﻜﺘﺎﺑﺔ ﻭﺍﻷﺩﺏ ﻭﺍﻹﺑﺪﺍﻉ ، ﻟﻐﺘﻪ ﺿﻌﻴﻔﺔ ﺟﺪﺍ ﻭﺣﺎﻭﻝ ﺗﻌﻮﻳﺾ ﻫﺬﺍ ﺑﺎﻹﻏﺮﺍﻕ ﻓﻲ ﺍﻟﺘﺸﺒﻴﻬﺎﺕ ﺭﺩﻳﺌﺔ ﺍﻟﺼﻨﻊ ، ﻓﻘﺮ ﻓﻜﺮﻱ ﻋﻮﺿﻪ ﺑﻜﺜﻴﺮ ﻣﻦ ﺍﻟﻤﺼﻄﻠﺤﺎﺕ ﺍﻟﻄﺒﻴﺔ ﻛﻲ ﻳﻀﻔﻲ ﻋﻠﻲ ﺍﻟﺮﻭﺍﻳﺔ ﻃﺎﺑﻊ ﺍﻟﺘﺤﻠﻴﻞ ﺍﻟﻨﻔﺴﻲ ﺍﻟﺬﻱ ﻳﻤﻴﻞ ﺍﻟﻲ ﺍﺳﻠﻮﺏ "ﺻﻤﺖ ﺍﻟﺤﻤﻼﻥ" ﻟﻜﻦ ﺩﻭﻥ ﻣﺴﺘﻮﻱ ﺍﻹﺣﻜﺎﻡ.
ﻛﻤﺎ ﺍﻥ ﺑﻬﺎ ﺃﺣﺪﺍﺙ ﻭﺷﺨﺼﻴﺎﺕ ﻏﻴﺮ ﻣﻜﺘﻤﻠﺔ ﻭﻏﻴﺮ ﻣﺒﺮﺭﺓ ﺳﺎﻫﻤﺖ ﻓﻲ ﺧﻠﻖ ﺇﺛﺎﺭﺓ ﻭﻏﻤﻮﺽ ﺩﻭﻥ ﺃﻥ ﺗﻜﺸﻒ ﻋﻦ ﻣﺒﺮﺭﻫﺎ ﺃﻭ ﺣﺘﻲ ﺗﻔﺴﺮ ﻣﺼﻴﺮﻫﺎ.

ﺇﺫﺍ ﺃﺻﺮﺭﺕ ﻋﻠﻲ ﻗﺮﺍءﺓ ﺍﻟﺮﻭﺍﻳﺔ ، ﺍﻧﺼﺤﻚ ﺑﺎﻟﺒﺪﺃ ﻣﻦ ﺻﻔﺤﺔ 65 ﺍﻭ ﺣﺘﻲ 120 .. ﻓﻠﻦ ﻳﻔﻮﺗﻚ ﺷﻴﺊ ﺫﻭ ﻗﻴﻤﺔ!

وبعدين يموت الوحش بتاع القصة "مايا " ليه دى كانت عملة جو طري وحشيش ممتاز
على راي تهامى باشا دى تبقى قصة ....؟؟؟؟

عجبتني جدا .. باستثناء الالفاظ اللي فيها وبعض التشبيهات .. ف الاول حسيتها مبتذله .. وممله .. لكن ف النهايه بجد لما فهمتها حسيتها جميله جدا

الزيادة فى وصف الأحداث وتأثير الفيل الأزرق على يحيى كان ممل أوى وكان بيخلينى أقلب الصفحات بتاعت الوصف دى علشان أعرف ها وبعدين ! و النهاية غامضة جدا بطريقة مستفزة :D .... شايفة إن نائل كان مسيطر على يحيى من قبل مايقآبل شريف وده معناه إن هو اللى رتب كل الأحداث دى !
بس النهاية تبقى غآمضة ومفاجأة جدا خرجتنى برة الأحداث وقفلتنى :(
فيها تعبيرات جميلة و فى نفس الوقت تعبيرات دون المستوى الأدبية مالهاش لآزمة
الرواية فى مجملها جيدا بس تراب الماس مآزالت رقم (1) بالنسبالى

هى بجد رواية جميلة بس الرواية كلها كوم والنهاية كوم تانى مكنتش متوقعة ان البداية العلمية والطب النفسى فى النهاية هيقلب لعفارييت واعمال وسحر ... بس عللى العموم الرواية فى حد ذتها تحسسك انك عامل دماغ عايش فى دنيا غير الدنيا

الرواية خيبت ظني ........واتفق مع من يعتبرونها تصلح لعمل سنمائي اكثر من كونها عمل ادبي جيد .....اللغة فعلا ركيكة جدا ....والحبكة مسنهلكة في كثير من الافلام الامريكية.

هيا مشوقه فيها مجهود يعنى بس بالنسبه لى معجبتنيش خالص فى اجزاء حقيقى غير لائقه و بعدين الحاجات المش محترمه اللى فيها كلها خارج السياق يعنى لو مكانتش موجوده مكانتش الروايه اختل مضمونها

مالأخر أحمد مراد بدأ قصه و حوار طويل و طبعا أسلوبه ممتاز في الكتابه أنا كنت حاسس اني بشوف اللي هو كاتبه من التجسيد الممتاز ... بس النهايه هي المشكله أو اللي ناس كتير مقدرتش تفهمها حتي بعد ما استرجعت الأحداث تاني .... محدش فهم ايه علاقه لبني بالموضوع لما طلعوا متجوزين في النهايه !

استمتعت بيها فعلاً وكانت أفضل مما توقعته رغم حالة الارتباك اللي جاتلي لما خلصت وانا مش فاهم تفاصيل كتير! متحفظ على الإطالة في سرد ووصف مشاهد لها علاقة بالجنس بالإضافة لبعض الألفاظ والشتائم اللي كان ممكن الاستغناء عنها خالص

الروايه من اجمل ما رايت في حياتي حتي الان

و علي الرغم من طول مبالغ فيه نسبيا فيها ... الا انه غير ممل
و لا اجد اي مشكله في نهايه "ميتافيزيقيه " ... بس مفيش من اول الروايه اي تهيئه لنهايه من النوع ده و هو ده انتقادي الوحيد ليها

نستطيع ان نحكم على القصة من خلال شقين :
الشق الاول هو كيفية صياغة احمد مراد للاحداث و جعل الاثارة موجوده فى القصة حتى نهايتها بتتابع الاحداث و اكتشاف شئ جديد تدريجيا حتى وصل الى تللك النهاية.
*و تقيمى لهذا الجانب ان احمد مراد استطاع ان يجعل القصة غاية فى الاثارة الى النهاية و لكنه لم يستطيع ايجاد نهاية ملائمة لقصته او لخياله -لانه افرط فى استخدام الخيال- و اصبحت النهاية عامل سلبى كبير فى القصة.
الشق الثانى : هو اسلوب احمد مراد فى الكتابة -الاسلوب الادبى- من رأيى ان الاسلوب الادبى ضعيف الى حد ما لاسباب عدة و منها الافراط فى استخدام الالفاظ التى كان بالامكان تجنبها - استخدام اللغة العربية لم يكن بالصورة الجيدة و اغلب الصور و التشبيهات كانت فى مواقف سخيفة او مشاهد كان القارئ فى غنى عنها, و لكنه استطاع باقتدار كتابة مشهد بين (يحيى و لبنى) باسلوب رائع جذب المشاعر و اطلق وحى الخيال فى لقاء جذاب بين حبيبين التقيا بعد فترة انقطاع بينهما.

زي الروايتين اللي قبل كده .. بداية رائعة و حبكة تعيشك الجو بجد و في الاخر نهاية فاشلة او مخيبة للآمال

رواية فاشلة فشل السنين بدايتهافيلم شاتر ايلاند ونهايتها1408 بس.

الرواية محبطة تفاصيل كتيررررة جداااا بتحد خيالي وانا بقرا .. اللغة ركيكه في الكتابة في فرق بين البساطه والابتذال .. تفاصيل مثيرة ملهاش اي لزوم التطويل فيها ... في المجمل الرواية استهلاكيه ..الحبكه حلوه لكن فتح مواضيع كتير وكبر الحبكه اوووي لدرجة انه معرفش يلمها غير بااختراع السحر والعفاريت والكلام دا رغم كم العلم والطب النفسي السابق ....

رائعة بس النهاية قلشت

روايه جميله رغم ان النهايه مش حلوووه بس دخلتني في عالم تاني في المجمل روايه كويسه جدا

هيا شدتني اوي و خلصتها ف نفس اليوم و كان عندي امتحانات بس رأيي انها متستهلش الضجه اللي اخدتها دي اوي

أكتر جزء عجبني في الرواية لما كان بيوصف الحادثة اللي ماتت فيها مراته وبنته , الوصف كان تفصيلي رائع ومؤثر :)

اول تعليقكدة سريعا
النهايه معجبتنيش طيب كانت مفروض تبق ازاى معرفش بس كدة مش عجبانى حسيت ان كان فيه كمان بس قص النهايه بمقص تلم لدرجة ان مع اخر وجعه انت حسيت بقسوة القطع
اول فصل درجة الحرارة 43 كويسه
تانى فصل تلقى المظروف اللى كان فيه المربعات
الفصل التالت درجة الحرارة 90 او 95 مش فاكر
عم سيد ظهر فى اول فصل و بيقول هو كان عارف انك هترجع مكتوب نتقابل عند الشجرة
معنى كدة ان المس "هنتفترض" انه بدأ من اول دخوله المستشفى
وبعدها بمل رجع البيت ف اخر اليوم ينام بدأ يجيله الكلب يبق كدة المس معاه من قبل ما يشوف شريف و قبل اى حاجة و كلمه كان عارف انك هترجع يبق نائل الى عارف مش حد تانى
""الروايه عايزة كمان مرة قرايه عشان افتكر الاحداث عشان بنسا""
لكن مبدأيا انا بيتهيألى ان نائل وطريقه كلامه الجنسيه على لبنى وظهورها ف البرزخ بدل مرات المأمونو كمان فى جزء بيتكلم ويقوله انه عايز لبنى فشخ و انه ضعبف و هيوصلها عن طريقه
كل دة خلانى افكر ان نائل هو اللى عمل دة كله من الاول و هو الوحيد اللى كان عارف انه هيرجع و عمل كل دة عشان يوصل ل لبنى
وحكايه الارقام اللى ف الاخر مكانوش مترتبين بالطريقه الصح ساعت عملها ف وش شريف بس بيأثروا حسب نيه اللى كاتبهم و هو كان عايز يطلع نائل من جسم شريف ف طلع بس ملبسهوش هو حسب ما البعض كاتب كدة
وبعد كدة لما بحث عن طلسم النكاح بعدها بشهرين وعرف الترتيب الصحيح اول مرتبها صح طلعتله مرات المأمون و عملت بى بى ف بقة :D
والوشم اتنقل و نائل لبسه
و هو دة اللى عايزة من الاول عشان نائل بيحب لبنى و كان ممكن الكلب يموته ف محل الوشم بس مجرالوش حاجة كل دة خلانى افكر ف كدة
بس
نائل موجود من اول الروايه وهو كان بيمشى الاحداث ع مزاجة عشان يوصل للبنى فى جسد يحي
===============================================

لكن النهايه برضو مش كويسه و مش عجبانى
والروايه فى مجملها عجبتنى عشان بحب جو ما وراء الطبيعه وكدة
الوصف الزايد بيخنق سعات ودة اسلوب احمد مراد
بس تحس بتعب فى الكتابه و الكلام بالتفصيل عن المرض النفسى ف الاول و وصف تأثيؤ الخمر بيفكرنى بأسلوب العظيم جول فيرن لما بيتكلم باسلوب علمى

الروايه عشان تتحل احسن من كدة عايزة كمان مرة قرايه

3 نجوم حلو اوى

الروايه عجبتنى لكن آخذ على المؤلف استعماله المفرط للألفاظ الخارجه و ووصف اوضاع مالهاش لزمه تتوصف بدقه كده