Egyptians Good Readers discussion

كلنا اكيد حاسين ان المناقشات عشان تبقي فعالة اكتر مش كفاية بس نفتح موضوع وكل واحد يقول رأيه ..

بصراحة مش كل الناس بتقرأ باقي الاراء او تهتم .. يعني بتبقي المناقشة من جانب واحد ... مجرد بتحط رايك وخلاص ...

عشان كدا
هنحاول كل فترة نطور الجروب والمناقشة الشهرىة بالتدريج ... والشهر دا ان شاء الله ... عايزين نخلي المناقشة اونلاين


خلال ايام المناقشة الخمسة ... هنحدد وقت معين يوميا
للي حابب هيدخل شات فيهم عشان نتناقش في الكتاب بالاضافة لارائنا في الموضوع ع الجروب

الفكرة وطوروها براحتكم :-
اسكايبي ...
هنعمل اكونت عليه واللي حابب هيبعت في رسالة ليا بالاكونت بتاعه ونضيفه ..

يتحدد وليكن ساعتين يوميا خلال ايام المناقشة .... نفتح فيها شات جماعي للي حابب يتناقش اكتر في الكتاب

يعني طول ايام المناقشة بتشارك في الموضوع وفي الساعتين دول يوميا تدخل تشوف الناس وتشارك في المناقشة اونلاين ..

====================
مستني اقتراحاتكم لتطوير الفكرة وتنفيذها كتجربة ابتداء من الكتاب الجاي ان شاء الله ...

عندي اقتراح إننا نحدد عدد جزء معين نقرأه مع بعض ونتناقش فيه بحيث إننا نخرج من الجزء دا بأكبر فائدة ممكنة وفي نفس الوقت نشجع بعض على القراءة .. وفي آخر الشهر تكون مناقشة مجمعة للكتاب كله
وطبعا فكرة سكايب ممتازة جدا وياريت تتنفذ

عشان السبب دة كنت بقول نخلي القراءة في موضوع بدل كتاب

فكرة رائعة
لكن المشكلة ايه المواعيد المناسبة

Salah wrote: "عشان السبب دة كنت بقول نخلي القراءة في موضوع بدل كتاب"

الشهر ان شاء الله هيكون فيه مناقشة موضوع في النصف التاني منه.. والنصف الاول مناقشة كتاب

هو ليه اغلب الكتب فى الجروب روايات يعنى ليه مانقراش عن قضيه دوليه او عالميه او عربيه او مثلا ممكن نقرا عن شخصيه معينه و الشخصيات التاريخيه كتير يعنى ممكن نخصص الشهر لمناقشة أكتر من حاجه كتاب معين قضيه معينه و شخصيه تاريخيه معينه انا عجبنى المشاركه فى القراءات و اللى هتوسع من اطلاعنا على الكتب بس انا شايفه ان الأغلب روايات هى جميله و كل حاجه بس لو نوعنا هنكسب أكتر من المجهود اللى بنبذله :)
ملحوظه انا لسه مشتركه حديثا فى الجروب و بجد مجهودكم رائع

Sarah wrote: "هو ليه اغلب الكتب فى الجروب روايات يعنى ليه مانقراش عن قضيه دوليه او عالميه او عربيه او مثلا ممكن نقرا عن شخصيه معينه و الشخصيات التاريخيه كتير يعنى ممكن نخصص الشهر لمناقشة أكتر من حاجه كتاب معين ق..."

شكرا يا سارة .. ومتفق مع كلامك تماما
وان شاء الله نحاول تنفيذه في الشهور الجاية

أقترح أنه المناقشة تكون فى مواضيع أفضل من كتاب بعينه مع التنوع وبالنسبة للميعاد ممكن يتعمل عليه تصويت لتحديد مدته ومعاده

هو منين اعرف ترتيب الكتب من ناحية ال
rating
على جود ريدز لاقيتها مرة وسجلت ال 50 كتاب عملتلهم
want to read
بس عاوزة اعرف الاقيهم ازاى على جود ريدز

Samy wrote: "أقترح أنه المناقشة تكون فى مواضيع أفضل من كتاب بعينه مع التنوع وبالنسبة للميعاد ممكن يتعمل عليه تصويت لتحديد مدته ومعاده"

فكرة جمبلة يا سامي وبنحاول ننفذها بس الشهر دا الناس كلها مشغولة بالامتحانات

Aml wrote: "هو منين اعرف ترتيب الكتب من ناحية ال
rating
على جود ريدز لاقيتها مرة وسجلت ال 50 كتاب عملتلهم
want to read
بس عاوزة اعرف الاقيهم ازاى على جود ريدز"


هتلاقي في النافبار اللي فوق يا امل ...

My books

كتاب العادات السبع

ساق البامبو

تراب الماس

حلوه الفكره

المناقشة ياريت تبقى في كتاب و ليس في موضوع
المناقشة المحددة بميعاد مش سيئة و لكن لا غنى عن المناقشة المفتوحة في اي معاد عشان ظروف الكل
اقترح ان المناقشة تبقى اسبوعية او كل اسبوعين بحيث نسرع الوتيرة شوية
شهر كتير على كتاب واحد

ساق البامبو

اسبوع للكتاب كفاية جدا بس ايه المواعيد ياجماعة ماحدش جاب سيرة

لاختلاف ميول القراء أتمنى أن يتم عمل تصويت لاختيار العمل الأدبي من مختلف المجالات حتى تعم الفائدة للجميع، هذا ولكم الشكر.