هواة الكتابة discussion

مجرد اقتراح بسيط....
بعد ماشاء الله النشيط الجميل اللى موجود فى الجروب، اتضح إن فيه مواهب لايستهان بها.. لذلك فأنا أقترح:
عمل مسابقة شهرية مثلا، بحيث يتقدم كل عضو بنصه ويختار أفضل هذه النصوص العضو الفائز بمسابقة الشهر السابق، بحيث إن المشارك فى المسابقة يوافق بأن يكون المُحكم إذا فازت قصته..
بالنسبة للمسابقة الأولى -حيث لا فائز- ممكن نختار أكثر الأعضاء نشاطا، وثقةً من جانبكم..

وممكن نضيف لهذا الاقتراح: تجميع القصص الفائزة خلال العام فى كتاب ونشره على جودريدز
...
فكرة وليدة تحتمل التعديل طوعا لآراءكم

انا معاكم وموافق على الفكرة

Hamada wrote: "انا معاكم وموافق على الفكرة"

تمام
هنحتاج 5 أعضاء على الأقل لبدأ المسابقة

أنا أكيد مع هذه الفكرة اللطيفة

انا أحب أشارك :))
يا مسهل

كدا فاضل عضوين ويدخل المقترح حيز التنفيذ :)

Ruby wrote: "ممكن الاشتراك بخواطر و كتابات فكرية و لا مسموح للقصص فقط؟؟؟ لاني اجيد كتابة الشعر و الخواطر و المواضيع و المقالات الفكرية"

للأسف قصص بس

أنا معاكم إن شاء الله. ^_^

معاكم و ربنا يستر :)

كدا أعلن إقامة أول مسابقة أدبية لجروب "هواة الكتابة" فى القصة القصيرة..

شروط المسابقة:
- أن يكون النص قد تم نشره من قبل فى الجروب
- المشاركة بنص واحد
- الالتزام بقواعد فن القصة قدر الإمكان
- قبول العضو المشارك بأن يكون محكم المسابقة التالية إذا فازت قصته، وفى حال نزوله عن هذا الشرط بعد فوزه، يمنع من المشاركة مرة أخرى.
- قبول نتائج المسابقة مهما كانت.
______
نظام التقييم:
يتم التقييم على أساس:
- اللغة المستخدمة وسلامتها
- الوصف والبلاغة
- موضوع القصة، من حيث القدرة على طرحه والإلمام بجوانبه أو بعض جوانبه.
ــــ
يتم تقييم كل عنصر من هذه العناصر على حده بنظام النقاط والقصة التى تحصل على أعلى نقاط تكون هى الفائزة
___
سوف يتم فتح موضوع جديد لإرفاق روابط القصص على الجروب (الروابط فقط) على أن يكون آخر ميعاد هو نهاية الشهر الجارى 30\6
ـــــ
عدد الأعضاء المؤكد مشاركتهم حتى الآن هم خمسة أعضاء، والمسابقة مفتوحة حتى عشرة أعضاء.
ــــ
بالنسبة لمحكم المسابقة الأولى، لكم أنتم اختياره، وبالطبع شروط المسابقة تحتمل التعديل إذا رأيتم ذلك
ـــ
سيتم بدأ المسابقة حال الانتهاء من مناقشةالقواعد- إذا لزم ذلك- واختيار المحكم، على ألا تتعدى الفترة 28 من الشهر الجارى

شرط انه تكون القصة نشرت من قبل هيقلل من فرصة نشر القصة اللى كنت عايز اشارك بيها

Hamada wrote: "شرط انه تكون القصة نشرت من قبل هيقلل من فرصة نشر القصة اللى كنت عايز اشارك بيها"

بسيطة يعنى انشرها ع الجروب، الهدف منها إن المشارك يكون عضو نشط، وقصته اتاخد عنها فكرة قبل كدا

أشكرك يا بوحميد على المبادره الجميله دى , اللى هتقرب الأعضاء من بعضهم وأتمنى ان الفكره تستمر لنسخ عديده قادمه بإذن الله

عندى بعض النقاط اللى أحب أضعها قيد الطرح والمناقشه :

1- هل فى حد نهائى للنص المشارك , يعنى أقصى عدد من الكلمات ؟

2- هل فى جوانب محظور طرقها ولا الحريه مكفوله للجميع طالما لا يوجد مهاجمة أو إهانه وتعدى للحدود ؟

3- عملية تقسيم النقاط هتكون إزاى , بالأرقام يعنى .. مثلا كم للأسلوب , كم للمحتوى , كم للفكره وهكذا ؟

4- الميعاد النهائى قريب جدا , وانا عن نفسى لست جاهزاً لخوض المسابقه, ملحوظه كمان ... دى أول مشاركه معاكم فلم انشر أى عمل من قبل !

دمتم مبدعين يا شباب :))

أرجو مد فترة المسابقة على الأقل الى 4\7 عشان انا كمان عضو جديد و مش جاهز بأي عمل و شكرا

Mohamed wrote: "كدا أعلن إقامة أول مسابقة أدبية لجروب "هواة الكتابة" فى القصة القصيرة..

شروط المسابقة:
- أن يكون النص قد تم نشره من قبل فى الجروب
- المشاركة بنص واحد
- الالتزام بقواعد فن القصة قدر الإمكان
- قبول..."

في نقطتين مش لاقيلهم لازمة صراحة.
1. جزء أن يكون النص منشور قبل كدة عالجروب هنا ، أعتقد غن مادام يمكن التحايل حوله يبقي مالهوش لازمة أساسا.
2. أسلوب وقواعد التقييم غير موضوعية بالمرة. أي حد قرأ لإدجار آلان بو هيعرف أنا بقول إيه. العمل يقيم كعمل ككل ، يقيم بالنطباع اللي بيسيبه.

بالنسبة لموضوع إن القصة مالهاش لازمة تتحط ع الجروب:
فدا عشان لما نعمل موضوع المسابقة نحط الينكات على طول مش نحط لينكات لمواقع خارجية.. أنا مش شايف فيها أى مشكلة بالنسبة ليكو يعنى، الموضوع بسيط: إنك تحط قصتك فى الجروب..إلا إذا كان فبه حاجة مش واخد بالى منها؟
لو عايزين تبعتوا القصص على الإيميل، ممكن نعمل إيميل :)
___
أنا اخترت طريقة النقاط عشان تكون أكثر سهولة للى هيقيم، وميكونش الانطباع اللى هيسيبه عنده انطباع شخصى.. ومع ذلك اللى انتو شايفينه.. لو فيه طريقة أخرى للتقييم، مفيش مشاكل.
ـــ
ممكن نمد المشاركة حتى 4\7
ــــ
عدد الأحرف، دا اللى نوهت عليه بالالتزام بقواعد القصة، ومع ذلك أنا شايف إن 800 كلمة عدد مناسب للحد الأقصى..
ــــ
بالنسبة لموضوع القصة: اكتبوا عن أى شيء، حطموا التابوهات لو أحببتم :)

Mohamed wrote: "بالنسبة لموضوع إن القصة مالهاش لازمة تتحط ع الجروب:
فدا عشان لما نعمل موضوع المسابقة نحط الينكات على طول مش نحط لينكات لمواقع خارجية.. أنا مش شايف فيها أى مشكلة بالنسبة ليكو يعنى، الموضوع بسيط: إن..."

بالنسبة لموضوع إن القصة تبقي منشورة عالجروب ، اللي فهم إنها تبقي منشورة في وقت معين يعني. الأفضل حسب تجربة شخصية مع مسابقات من النوع ده يبقي موجود إيميل بيستقبل لينكات من المدونات الشخصية ، وتتنشر اللينكات دي. عالأقل المدونات بيبقي فيها تنسق نصوص أفضل من جود رييدز.

كل طريقة تقييم ليها مزايا وعيوب. بس ف النهاية ، لجنة التقييم هتستخدم انطباعها الشخصي. ده دايما بيحصل.

أما عن عدد الأحرف ، ماعتقدش إنه شرط مهم طالما القصة وفرت امتاع للقاريء. الشروط اللي حطها الدارسين لفن القصة دي شروط فاشلة أساسا ، التحرر من الشروط دي وإطلاق سراح القلم دايما بيجيب نتيجة أحسن.

Moataz wrote: "Mohamed wrote: "بالنسبة لموضوع إن القصة مالهاش لازمة تتحط ع الجروب:
فدا عشان لما نعمل موضوع المسابقة نحط الينكات على طول مش نحط لينكات لمواقع خارجية.. أنا مش شايف فيها أى مشكلة بالنسبة ليكو يعنى، ..."

هى المشكلة إن المُشارك لازم يكون عضو فى الجروب عشان ميجيش حد من برا ويبعت قصته وفى حالة إنها فازت، واحنا منعرفوش أساسا، غالبا هيرفض يحكم للمسابقة التالية..
دا ضمان مش أكتر إنه يكون من ضمن عائلة الجروب :)
ـــ
معاك فى حكاية إن قواعد القصة موضوع فاشل، لكن طول القصة بتحدد حاجات كتير بتميزها عن أى لون تانى من ألوان الأدب زى الرواية والمسرحية، يعنى عنصر التكثيف والوحدة دول مهمين جدا ف رأيى واللى هيحكمهم طول القصة
ــ
منتظرين آراء الرفاق :)

طيب انا عمري ما نشرت قصه ومبتدئة نوعا ما
هل ممكن المشاركه

انا اتمني اشارك وانا اكتب روايات علي النت ومن اراء الناس القصص حلوة
ممممم بس انا مش عارفة اشارك ازاي

Manar wrote: "طيب انا عمري ما نشرت قصه ومبتدئة نوعا ما
هل ممكن المشاركه"

أكيد طبعا يمكنك المشاركة :)

Menna wrote: "انا اتمني اشارك وانا اكتب روايات علي النت ومن اراء الناس القصص حلوة
ممممم بس انا مش عارفة اشارك ازاي"

تسعدنا مشاركتك أكيد
مع العلم إن المسابقة فى القصة القصيرة

Mohamed wrote: "Menna wrote: "انا اتمني اشارك وانا اكتب روايات علي النت ومن اراء الناس القصص حلوة
ممممم بس انا مش عارفة اشارك ازاي"

تسعدنا مشاركتك أكيد
مع العلم إن المسابقة فى القصة القصيرة"

مممممممممم والقصص القصيرة في مجال ادبي معين او في اي مجال؟

Menna wrote: "Mohamed wrote: "Menna wrote: "انا اتمني اشارك وانا اكتب روايات علي النت ومن اراء الناس القصص حلوة
ممممم بس انا مش عارفة اشارك ازاي"

تسعدنا مشاركتك أكيد
مع العلم إن المسابقة فى القصة القصيرة"

ممم..."

فى أى مجال، فى أى موضوع

Mohamed wrote: "Menna wrote: "Mohamed wrote: "Menna wrote: "انا اتمني اشارك وانا اكتب روايات علي النت ومن اراء الناس القصص حلوة
ممممم بس انا مش عارفة اشارك ازاي"

تسعدنا مشاركتك أكيد
مع العلم إن المسابقة فى القصة..."


طب اا اذا حبيت ابتدي بالمشاركة ابتدي بموضوع جديد وبعد كدة احط اللينك بتاعه هنا ؟ولا اسيبه زي ما هو

حطى القصة ع الجروب عادى
وهفتح موضوع جديد خاص لوضع الروابط

شكرا

قواعد المسابقة
http://www.goodreads.com/topic/show/1...

أرسلو النصوص الآن إلى الإيميل
wr.amt.gr@gmail.com

هل مازالت المسابقة مستمرة؟

هبة الله محمد wrote: "هل مازالت المسابقة مستمرة؟"

المسابقة ملغية إلى حين