Egyptians Good Readers discussion
مجتمع الجود ريدرز
>
إيه الرواية اللي سبتها في النص و مقدرتش تكملها؟ و ليه؟
رواية مصابيح اورشليم لعلى بدر .. شدنى اسم الرواية وعنوانها بس سبتها لان لقيت فيها مصطلحات كتير مش فهمها بالاضافة انى حسيت بلغبطة فى الاحداث .. وصلت للفصل التالت وححاول اكمله فى يوم من الايام ارضى ضميرى ويمكن القى حاجة فى اخر الرواية تغير فكرتى عنها
السر الأعظم لمصطفى محمود. شعرت بأن الكتاب ثقيل جدا و صعب علي الدخول فيه
رواية 313 ,, حسيت بملل مش طبيعى فيها واسلوب بطئ لابعد حد حيت انى بغصب نفسى ع قرايتها ومفيش اى استمتاع فسيبتها
رواية السنجة هي الوحيدة اللي لحد دلوقت مطلعتش منها بحاجة و كملتها للآخر بالعافية و مش هفكر أقراها تاني أبدا
شفرة دافنشي ومولانا.. لاني عموما بتخنق من الروايات وبفضل الكتب عنهم بس ان شاء الله هحاول ف دافنشي تاني
ملك الذباب حسيت ام فيه احداث ناقصه او الكتاب ناقص مش عارف حسيت ان الاحداث واقعه منى عارف المجمل ايه اللى حصل بس فيه حاجات مش فاهمها والترجمه رديئه جدا
حاج كومبوستيلا .. لان اسلوبها ممل والاحداث بطيئة ومش مفيدة بالنسبة لى
بعرفش أسيب كتاب في النص حتى لو مش عاجبني .. لازم أخلصه
مائة عام من العزلة مفهمتش وتوهت بين الاسامى بس ممكن يكون السبب فى الترجمة
روايات كثير و معظمهم ان لم يكن كلهم إما بسبب الحالة النفسية و دي أهم نقطة أو الإنشغال. حتى لو الرواية وحشة جدا لو المزاج في الوضعية الي هي بتتقرا عادي و أي كتاب فيه استفادة حتى لو الخبرة بالأساليب و معرفة الكويس من الي أقل منه. الحالة النفسية هي رقم واحد في كل الاحوال يأتي بعدها عامل الوقت و الفراغ.
باب الخروج ... معرفش ليه و حاولت اغصب على نفسي بس فشلت لاول مر:Dة
السائرون نياما ... حقيقي مقدرتش اكملها .. تهت بين الشخصيات والأحداث كمان تاهت مني ... فاللاسف سبتها
الرجال من المريخ والنساء من الزهرة :D محستهاش مفيدة ولا بتلمس واقعنا أووي أي صفحة رومانسية ع الفيس فيها نصايح وحلول أكتر من اللي قدمها حتى
خيب امالي كنت فاكر الكتاب فيه الفولة وهيخلص بقى :D
عناق على جسر بروكلين -عز الدين شكرى كانت مملة مااستحملتش :D
القوقعة مقدرتش اكملها ، كانت مُقززة جداً :3
و فلتغفري .. محبتهاش من أولها .
سفينة نوح لخالد الخميسي مرتين اقرأها و اوصل لقبل النص و مقدرش اكملها واسبها
ممل بشكل بشع
احببتك اكثر مما ينبغي بجد مفيش سذاجه بالمنظر ده حسيت انه مبالغ فيها جدا مقدرتش اكملها و جربت اقرى اول فلتغفرش يمكن الاسلوب مختلف شويه بس سيبتها من اولها
رواية 1919 للكاتب احمد مراد وقررت انى ماقرالوش اى اعمال تانى بسبب اسلوبه السخيف والالفاظ النابية البذيئة الغير مفيدة لسياق الرواية بالمرة
بالنسبة للرجال من المريخ والنساء من الزهرة أنا كملته بس موافقة ناس كتير إنه الكتاب بيهري كتير في نقطة وممكن يخلصها باختصار ..كتيرة أوي الكتب اللي ما استحملتهاش وبالذات اللي مقدمتها مملة بتقفلك بشكل بشع !
المهم خليني أفتكر كده عشان دول كتير أوي :D
التعليم الفرصة للإنقاذ ..الكتاب مليان تفاصيل لكنه مش بيشرح إزاي عن طريق واحد اتنين تلاتة يعمل إيه عشان ينقذ التعليم في مصر مجرد خطوط عريضة بالتالي ما لقتش أي استفادة ولا كلمة تثبت في مخي تخليني أكمله
اللي بعده كتاب قضية الإخوان المسلمين لمحمد سليم العوا ا
بجد الكتاب ده حسيت بدش ماية ساقع أوي زي بتاع تحدي التلج نزل على دماغي :D
الكتاب باختصار ليس مناقشة عن تاريخ الإخوان ولا قضيتهم في المجتمع الكتاب هو الدوسيه القضائي للقضية ولا عزاء للفلوس للي اتدفت فيه فالكتاب كان صدمة بالنسبة لي أوعوا تشتروه :d
فيه كتاب لطيف جدَا حبيت اسمه أوي وبرومو لكتاب فطسني من الضحك اسمه باط مان لكن للأسف بالنسبة لي الكتاب ما عجبنيش ولا كان على المستوى فما كملتوش بس ممكن حد تاني يستلطفه بالنسبة لي كان فكاهي ولما اتحط فيه حبة أكشن بوظ الموضوع خالص !
فيه كتير بس مش فاكراهم أنا الأساسي بتاعي لما أزهق من كتاب أرميه بس بقيت أعصر على نفسي لمونة وأكمله لإن كتير حكمك على الكتاب بيكون متسرع أو بدافع الزهق والملل بترميه ..فبلاش تسستسهل تعمل كده كل شوية وإلا مش حتلاقي نفسك قادر تخلص كتاب أبدَا
بالمناسبة رواية باب الخروج على إن فيها مشاهد مش لطيفة لكن الكتاب باختصار عبقري وفيه قدرة تنبؤية مذهلة ياريت اللي سابه يكمله =)
الحب فزمن الكوليرا ,,,اكتر رواية اعدت وقت طويل فقرائتها كنت بغصب نفسى اكملها للاخر عشان مبعرفش اسيب رواية فنصها ,,مملة جدا وبتهرى فحاجات مضمونها سخيف :/ والنهاية كانت اكتر ملل من البداية
عزيف ...... ايه الملل دا ومفيش اى نوع من انواع الاثاره خالص
تراب الماسحسيت بالملل وانا يقراها
بسبب الوصف الطويل للشخصيات
واللى امتد اكتر من 100 صفحه
الروايه المفترض فيها انو يحاول يجذب القارئ للاحداث
بس ف الروايه طول ال 100 صفحه مفهمتش هيا هتبتدى تحكى عن ايه
هكذا تكلم زرادشت لنيتشه وهروب الى الحرية لبيجوفيتش ....مفهمتش حاجات كتير فيهم وماستحملتش اكملهم
رواية ألف ل باولو كويلو ماحسيتهاش مشوقة
حبيت تعليقاتكم جدا و بجد استفدت منها :) .. مع اني لاحظت ان اغلب الروايات اللي سبتوها في النص هي روايات اجنبية..انا بالنسبة لي بفضل اني مسبش الكتاب الا لما اخللصه D: مع ان فيه كتب كتير كان نفسي ارميها من كتر الملل .. زي على سبيل المثال رواية (شرف) لصنع الله إبراهيم .. صحيح انها رواية قيمة بس كانت مملة بالنسبالي ﻷقصى درجة و اعدت تقريبا فيها تلات شهور لحد ما خلصت ...
نفس الكلام حصل مع رواية (قمر على سمرقند) جبتها بناء على الريت العالي اللي واخداه على جود ريدز بس بردو منبسطش منها ..
اخر حاجة بقى هي رواية (باب الخروج) اولها كان ممتع جدا بس الحقيقة اكتشفت انها مليانة بالتفاصيل المملة و تقريبا عصرت على نفسي مية لمونة في كل صفحة قريتها فيها D: .. و بردو مخلصتش ..
يا مسهل >_<
مش هتصدقوا لو قلتلكم قواعد العشق الأربعون ,,
مولانا ل ابراهيم عيسي بالنسبة لي اهم عيب فيها أنة مش مقسمها فصول يعني كلها فصل واحد ورا بعضة، يعني ازاي ممكن اقرأها فسيبتها من بعد حوالي ٧٠ورقة مقدرتش أكملها
ماشي سلحفة في قواعد العشق الاربعين حاسس انها متستحقش خالص الضجه دي كلها ... حاسس ان فيها ملل فظيع
الف لباولو كويلو مفهمتش منها حاجه ، بس انشاء الله هرجعلها
احببتك اكثر مما ينبغي .. حسيت بالسخريه من الروايه .. بجد متستحقش الضجه اللي عاملينها دي .. و 313 بجد ممله ملل السنين .. ممكن كان يجيب القصه باسلوب مختلف ، لان فكرتها حلوه و انااصلا بعشق الكتب السيكولوجية.. لكن هو للاسف مقدرش يجذب القارئ.. و فيه كتاب بصراحه عارفه ان ناس كتير هتستغرب اني مقدرتش اكمله .. لكن عشان عندي شوية تحفظات بس اكتر ..ثلاثية غرناطة.. يمكن عشان كنت فاكراه مختلف قبل ما اجيبه .. معرفش .. يمكن مش لوني مثلا
انا مقدرش ابتدي رواية و مخلصهاش ؛ حتى لو مش عجباني ؛ لكن اللي اتمنيت اني اسيبهم و مكملهمش فعلا : ربع جرام و fifty shades trilogy
غرفة العناية المركزة ,,,, مكنتش فاهمه اي حاجة فيها خالص ف خلصت الفصل الاول ووقفترواية مئه عام من العزلة ,,,, 300 صفحة خلصتهم بس مش قدرت أكمل عشان أخدت كفايتي من القرف خلاص و كدا بقي كتيييييييييير جداااا ,,, الغريبه بقي ان الشخصيات مكنتش مشكلة بالنسبه ليا مهما كان عددها ف كنت بعرف افرق بينهم :\
صندوق الدمى ممكن تكون فكرة كويسة بس معرفش حسيت انها over
روايه 366 معرفش الروايه اترشحت لجايزه البوكر ازاي !!!
الولد الشقي في السجن لمحمود السعدني اسلوبها ركيك جدا واكنه قاعد على مسطبه بيتكلم
الفيل الازرق و 1919 و تراب الماس و لنفس ذات السبب الا و هو عدم احترام الكاتب للمجتمع الاسلامى المحافظ الذى يتعايش فى ظلاله ...
انا بدأت فى باب الخروج ومكملتهاش عشان حسيت بشيزوفرينيا فرق بشع ما بين الحقيقه واللى القصه عايزه تروح بيه فمكملتهاش مشكلتها انها بدأت بأحداث حقيقيه وكملت من خيال الكاتب وده حسيت انه مش مخلينى احس بمتعه ده رأيى
روايو ربع جرام لعصام يوسفالغريب اني لقيت ناس مبسوطين منها جدا
انا مش عارف عرفوا ازاي يكملوها
انا ابتديتها من 7 شهور تقريبا ومافكرتش اكملها لحد دلوقتي
"أحببتك أكثر مما ينبغي"انا عمرى ما اتقفلت من رواية زى ما اتقفلت منها ! حسيت انها مستفزة بالنسبة لى وكمان فى نفس الوقت باردة مفيش اى اثارة او دافع يخليني اكملها.
واحدة بتحكي انها بتحب شخص وهوا مش معبر فيها :3 وهيا مستمرة :D وكمان كان فيها الفاظ كتير غير عربية ومش مصري وفكرة اللى عايشين خارج المجتمع العربي ويبدأو يجربوا الحاجات الممنوعة عنهم فى بلدهم دى بردو مستفزة بالنسبة لى وحسيت بالتفاهه كده ! :D
قوللنا يا ترى ايه هي الرواية دي و سبتها ليه ؟؟ :)