Armenian readers (Հայ ընթերցողներ) discussion

Նոյեմբեր ամսին կարդում են Vahan Ishkhanyan-ի «Դառը ծով»-ը։ Գիրքը դեռևս չկա Goodreads-ում։

Պարզվում ա գուդրիդսը փոխել ա գիրք ավելացնելու ձևը։ Առաջ ով ուզում, անում էր։ Հիմա պետք ա դիմել։ Ես դիմեցի, հենց ավելացնեն, կնշեմ ստեղ։

Ի նկատի ունեցեք, որ առնվազն 1 ամիս տևում է։ Եթե չավելացնեն, գրեք սպասարկման կենտրոնին, ասեք, որ ժամկետը լրացել է ու դեռ չեն ավելացրել, Ձեր հայտի հղումն ուղարկեք, անմիջապես կավելացնեն։

Գիտեմ, կարդացել եմ նոր գրքի ավելացման հետ կապված ամեն ինչ։

Վերջապես ավելացրին Դառը ծով

Ես ավելացրեցի, խմբի անդամ չէի դրա համար նոր տեսա։ Ինձ գրեք ավելացնեմ թե հետագայում պետք լինի

Շնորհակալ եմ, սրանից հետո ուղիղ քեզ կգրենք ☺️

Տիգրան Սուսաննա Հարությունյանի «Անդրանիկի վերջին ձին» կարո՞ղ եք ավելացնել

Ի դեպ, կարո՞ղ ա «Անդրանիկի վերջին ձին» էլ խմբով կարդանք։ Ոնց հասկանում եմ, Մարին կարդացել ա, Լուսինեն ուզում ա կարդա, ես էլ եմ ուզում կարդալ

ես կարդացել եմ, հաճույքով կվերընթերցեմ :)

Դառը ծով»-ը էլեկտրոնային կարո՞ղ է լինի:

չկա էլեկտրոնային

վաղուց մոռացել էի նախկինների կազմակերպած ընտրությունների նվաստացնող բարքերը, հիշեցի հեղափոխության օրերը, թե ինչքան խաբկանք ունեինք, որ էդ բարքերը էլ չենք ունենալու …

էս գիրքն իր խտությամբ նշումների կարիք ունի, որ կարողանանք քննարկել,

սովետի իդեալականացումը շատ է biased, նույնիսկ եթե կենցաղային պայմանների ու վարքերի անհամեմատ վատացման, ամեն դեպքում մշակութային խնդիրների մեծ մասը հենց հին բարքերից ենք ժառանգել, եթե սեփականաշնորհումն ու շուկայական ազատականացումը սովետի ցեխավիկների ձեռքով չլիներ, լրիվ ուրիշ պատկեր կունենայինք:

Բայց դեռ սկզբերն եմ, կարող է հետո փոխվի միակողմանի իդեալականացումը հին օրերի

ես արդեն ավարտել եմ գիրքը, չեմ ուզում շատ սփոյլերներ անեմ, բայց կարծում եմ այդքան էլ չի իդեալականցնում այդ ժամանակները, ինձ շատ հետաքրքիր էին հեղինակի նկարագրությունները Արցախի շարժման սկզբի և կոմիտեի անդամների մասին։ անհամբեր սպասում եմ քննարկմանը, ռեվյու դիտավորյալ դեռ չեմ դրել, որովհետև անկեղծ չեմ կարողանում հստակեցնեմ վերաբերմունքս գրքի հանդեպ։

ժող, ու՞ր եք հասել։ դեկտեմբերի 3-ին անե՞նք քննարկում, թե՞ դեռ շուտ ա

ես ինտենսիվ չեմ կարդում, բայց մինչև էդ հաստատ վերջացրած կլինեմ

Ես սկսել եմ արդեն երկու օր ա, շուտ կվերջացնեմ, ինձ հարմար ա դեկտեմբերի 3ին

Ես արդեն ավարտել եմ այնպես որ սիրով կմիանամ մյուս կիրակի քննարկմանը։ Բյուրակն ջան այս մի հանդիպումը դու կկորդինացնե՞ս։

շատ լավ, կանեմ, քվեարկությունն էլ կկազմակերպեմ

ես չգիտես ինչ հա հետոյի գցեցի ու հիմա անընդմիջում կարդում եմ, որ վաղվան հասցնեմ:

Ինձ հետսովետական մասը շատ հետաքրքիր է, անցումը հետ ու առաջ սկզբում ներվայնացնող էր, հետո սկսեցի ամեն մի հղում թվերով ուշադիր նայել:

Մեկ էլ մտքովս անցավ ինչ լավ է ես գրողի անցած ճամփին ռաստ չեմ եկել, թե չէ ինձ էլ կգտնեի ինչ-որ էջում ու Աստված գիտի ինչ կարճ ու դաջվող բնութագրմամբ :)