الرصيف رقم (3\4) فقط لغير العامة discussion
قسم الصياعة عند ش
>
عن الكتب والروايات المترجمة
date
newest »
newest »
ترجمات صالح علماني الادبية بصفة عامة ايا كانت دار النشر.صالح علماني في رأيي ليس أفضل المترجمين، لكنه أضمنهم في حال وجدت عدة ترجمات لمترجمين لا أعرفهم.
الدار العربية للعلوم ناشرونقرأت لها ترجمات لأعمال ستيفن كينج و دان براون
وهي ترجمات غالبا جيدة جدا
مش عارف بس انا مليش فى الكتب المترجمة بس أرشحلكوا نهضة مصر عشان قريت هارى بوتر ترجمتها و كانت جيدة
دار رادوغا للادب الروسى. صالح علمانى لامريكا اللاتينية. بس متهيألى دار رادوغا صعب دلوقتى تجيب اصداراتها, الله يرحم ايام الاتحاد السوفيتى لما كانوا بيوزعوا الكتب باسعار رمزية.
بعض دور النشر السورية ومنها دار علاء الدين اخدت المتبقي من إصدارات دار رادوغا ودار مير، لكن طبعا بيبيعوا الكتاب اللي كان بأربعه جنيه، باربعين...ممكن تلاقوهم في معارض الكتاب لو مالهمش منافذ توزيع عادية في البلد.
اربعين جنيه !!!!!!!. دا اخويا جاب الاعمال الكاملة لمكسيم جوركى وتشيكوف وبعض كتب ديستوفسكى برقم قريب من ال 100 جنيه. بس دا كان ايام الشيوعية بقى. وجاب حاجات تانية بس بلاش اقول بقى :)انا بفكر افتح مكتبة بيهم :)
الجناح الروسي الفقيد كان نعمة لكل محبي القراءة عموما والأدب الروسي بصفة خاصة.. ومش بس الادب.. انا فاكرة كان لهم كتب في كل المجالات الأدبية والعلمية وكتب علوم مبسطة للأطفال كانت في منتهى الروعة وبرخص التراب..كان فيه كتب بخمسين قرش وبجنيه!!
الله يرحم أيام الاتحاد السوفييتي بقى..
للأسف مش من اولويات الحكومة الروسية دلوقتي دعم الكتب المترجمة.
اللي عنده فائض مستغني عنه يقول لي والنبي!
Mod
عايزة اعرف عرفتوه امتى الاتحاد السوفيتى ده ؟؟؟
يا اخت نشوى لما الاتحاد السوفيتى انهار مجوش ولعوا فى دار رادوغا :) بس معدش فى دعم فا الدار استمرت لفترة حتى بعد الانهيار ودى الفترة اللى اناعاصرتها بس كانو بيبيعوا الكتب بنفس الاسعار القديمة وبعد كده اتباعت بقية الكتب لدور سورية.دا السبب فى ان انا والاخت انجى بنترحم على ايامهم زى كدا ما انتى بتترحمى على عبدالناصر لما تشوفى الخصخصة وبيع القطاع العام وان كنت مش عارف يجوز الرحمة عليه ولا لأ
اما بالنسبة للفائض اللى انجى بتسال عليه فا دا عشم ابليس فى الجنة.
كده يا احمد؟:'(
طيب.. عموما ردك كفى ووفى فيما يتعلق بموضوع الاتحاد السوفييتي..
هو الحسنة الوحيدة اللي عملها اصلا كان دعم الكتب!
نشوى، شكلك كده من الكتاكيت اللي ما عاصروش الجناح السوفييتي في عزه.. انا لحقته وهو في أوخر مجده علشان كده لسه فاكراه كويس..
نا بحب دار نشر لبنان ونهضة مصر ولونجمان في الترجمه نادرا ما اشتري منهم كتب مترجمه ومتعجبنيش
ارحب بكم جميعا في القروب العربي الحر للقراءة والنقاشات في التلقرام. https://telegram.me/joinchat/DDEaxAbs...
وكثير منا استاء من طريقة الترجمة مما جعلته يؤثر على تقييمه للكتاب
وكم من الروايات الترجمة تقوم باختصار الرواية وما الى ذلك
مما يجعلنا لا نستمتع بالرواية مطلقا بل نشعر باننا امام مجموعة من الاحداث بلا مشاعر
فى هذا الموضوع كل من يعرف دار نشر تترجم الكتب بطريقة محترمة ياريت يحطلنا اسمها
ونصيحتى بالذات للروايات المترجمة انك تنزلها من ع النت الاول وتشوف احسن ترجمة وبعدين تشتريها
انا برشح دار الاجيال لاجاثا كريستى
وياريت لو حد مهتم بالموضوع ويقدر يفيدنا يرشح ديار نشر لها ترجمة محترمة