قمر على سمرقند discussion

الطبعة الصاردة من دار ميريت هي في 572 صفحة. هل الطبعة التي صدرت عن دار الهلال هي 272 صفحة فقط؟

الرواية في نسختها المطولة أعجبتني رغم تحفظي على الإباحية المفرطة والمتكررة التي تتضمنها الرواية.

ماذا عن النسخة المختصرة؟

متهيألى طبعة دار الهلال مش مختصرة ولا حاجة

بس مكتوبة بخط صغييييير و كل حاجة مزنوقة ومفيش أى مساحة فاضية خالص

لأ طبعة الهلال مختصرة فعلا .. والكلام قريته في حوار مع د. محمد المنسي نفسه في روزاليوسف
طبعة ميريت هي الأشمل

يااااااه .. أذكرها حين قرأتها كثيرة التفاصيل بشكل يصل بى إلى حافة الملل ثم يعود
كل هذا ومختصرة :-D

حرام عليك .. ديه مملة؟

لم أقل مملة
أنا أراها تستحق 6 من 5

قلت تصل بى لحافة الملل ثم تعود

يعنى مضبوطة
فلا أستطيع أن أتخيل إلا أن تكون طبعة ميريت جازت هذا الحد إلى الملل

همممم
أنا بقرأ في طبعة الهلال .. زعلت أوي لمّا عرفت انّها مختصرة
وبتسائل فعلا عن الفرق بين الإتنين
بس أصل د. المنسي بيقول بظبط كده:
خرجت الرواية ناقصة الثلث تقريبا في طبعة دار الهلال،‮ ‬وقد تعامل معها المشرف علي النشر تعامل الجزارين،‮ ‬ولكن من حسن الحظ أنها صدرت كاملة عن دار‮ "‬ميرت‮" ‬للنشر،‮ ‬وهي أيضا نفس الطبعة التي اعتمدت عليها الجامعة الأمريكية في ترجمة الرواية إلي اللغة الإنجليزية

فمش عارفة بقى

طيب بالنسبة لطبعة الهلال المختصرة، هل جرعة الاباحية فيها أقل؟ أنا قرأت طبعة ميريت المطولة لكن لي تحفظ على الاباحية المفرطة. ما حال طبعة الهلال؟

آه تكاد تكون تقريبا خالية من المشاهد ديه خالص
إشارات كده ووصف مختصر
هي طبعة ميريت ديه كانت بكام؟

نفس الحال بالضبط :-D

طيب كويس والله أنها ناقصة الثلث

ايوة طبعة ميريت بقى بكام؟ :D

لا أدرى
وأعتقد أنها نافذة الطبعات

لكن رغم أنى أقدر اختيار الكاتب وأعتقد أنه مسئول عن عمله بشكل كامل وأن يستحق أن يقرأ له عمله كاملاً بدون تدخل من جزارين يشتغلوا لمصلحة جيوبنا :-)

لكنى شايف شغل الجزار كان كويس بدليل إنها عجبتنى
ومش عاوز أتصدم بحقيقة أنها ممكن تكون أحسن من كده ولو شوية صغيرة
ﻷنى مش هاقرأها تانى :-D

شغل الجزار في الهلال لم يقف أمام الإباحية التي بتتكلموا عنها

الهلال.. حذفت الكلام في السياسة و أراء والد علي في المعاهدة و السادات

و ده على لسان د.محمد نفسه

و أنا قرأت النسخة الكاملة من ميريت

طبعة ميريت كانت بــ 45

اما عن الجزارين
فــ بالإضافة لكلام تسنيم
لا اعتقد ابدأ ان اى شخص من حقه يقتطع جزء من عمل أدبى مٌهم ومٌشوق بدون وجه حق
دى إسمها حجر على أرائك وأفكارك
يعنى كأنه بيقولك انا هاوريك اللى فى مصلحتك بس يا شطور

دا غير احتمالية ان يكون هذا "الشغل" تم من غير علم او موافقة د محمد نفسه

بالتالى
انا مش شايفة انه كان كويس فى اى جانب من الجوانب

Somaia wrote: "ايوة طبعة ميريت بقى بكام؟ :D"

طبعة ميريت ب60 جنيه

على فكرة عاوز اقول ان فية كمان طبعة دار الشروق ودى تعتبر احسن طبعة موش عارفين قنديل هيخدنا لحد فييييييييين

والله انا قريت طبعة الهلال ... وكنت فرحانه اوي ان لقيت الكتاب مامكنتش فارقة صحيح معايا اي طبعة بس بعد ما خلصت الرواية الي هي طلعت حلوة اوي اوي و عجبتني اكتشف ان في طبعة الشروق ..الي اتر من طبعةالهلال انا مش عارفة الموضوع مقصود من المولف ان هو يعمل طبعتين و لا هو خطا و لا الهلال مش كان معاهم تمن الورق علي العموم انا اقري طبعة
الشروق و اقارن ....

الروايه اخدتني الي سمرقند وكازاخستان والبلاد دي فعلا لدرجة اني فضلت ايام ابحث في جوجل عن البلاد دي واتفرج عليها .القصة روعة وتستحق 7 من 5

لو سمحتم. أنا كنت اشتريت طبعة الهلال وعرفت ان محذوف منها كتير أوي.سألت وعرفت ان طبعة ميريت الكاملة نفدت.فجبت طبعة الشروق،وفعلا فيه أجزاء كتير اوي محذوفة.بس هي دي كدة الطبعة الكاملة؟ولا فيه حاجة ناقصة برضه؟

Hodhod wrote: "لو سمحتم. أنا كنت اشتريت طبعة الهلال وعرفت ان محذوف منها كتير أوي.سألت وعرفت ان طبعة ميريت الكاملة نفدت.فجبت طبعة الشروق،وفعلا فيه أجزاء كتير اوي محذوفة.بس هي دي كدة الطبعة الكاملة؟ولا فيه حاجة ناق..."

لا يا هدهد دى الطبعة الاصلية للرواية وعلى فكرة موش محذوف منها اى حاجة

Amgedgoga wrote: "الروايه اخدتني الي سمرقند وكازاخستان والبلاد دي فعلا لدرجة اني فضلت ايام ابحث في جوجل عن البلاد دي واتفرج عليها .القصة روعة وتستحق 7 من 5"

دى بقى روعة وسلاسة محمد المنسى قنديل وحرفية الاداء فى الكتابة ودا على فكرة موش جديد علية لانة بجد كاتب متميز

Fatma wrote: "والله انا قريت طبعة الهلال ... وكنت فرحانه اوي ان لقيت الكتاب مامكنتش فارقة صحيح معايا اي طبعة بس بعد ما خلصت الرواية الي هي طلعت حلوة اوي اوي و عجبتني اكتشف ان في طبعة الشروق ..الي اتر من طبعةاله..."

اتمنى ليكى متعة القراءة مع اجمد رواية واروع اسلوب كتابة لكى منى السلام

قرأت طبعة دار الشروق
الطبعة كاملة
لا اتخيل أن يحذف منها شيء

طب لو ممكن حد قول الاجزاء الناقصة من طبع دار الهلال عشان اكمل قراءة الاجزاء المحذوفة pdf

سعرها كام فى دار الهلال ؟

يا جماعة يا أهل قمر علي سمر قند أنا قريت الرواية و مستمتع بيها جدا بس حاسس أن في حاجة ناقصة هو إيه علاقة طيف بنور الله
كمان هو إيه نص الجواب إلي تعته طيف
أنا مش عارف ده ناقص و لا عدي عليا و أنا مأخدتش بالي؟؟؟

طبعة دار الهلال مختصرة فعلاً .. بس مش حسيت فيها حاجة ناقصة ، أعتقد لو زوّد حاجة أكتر من كدا الموضوع هيبقى أكبر من اللازم ، وكمان سمعت ان طبعة دار الشروق فيها وصف فج للمشاهد الجنسية

طب اللي نسخته 713 صفحة يعمل ايه =D

713 صفحة.دي أنهي طبعة؟

انا قريت الطبعة الكاملة حوالى 700 صفحة بدون مسح الاراء السياسية والاباحية بس انا لية مش عارف لية الاباحية يتم تناولها بالشكل دة فى كثير من الاعمال مش ل محمد المنسى بس بس لكتاب نانيين زى يوسف زيدان مثلا

Hodhod wrote: "713 صفحة.دي أنهي طبعة؟"

النسخة اللي موجودة هنا :
http://www.goodreads.com/ebooks/downl...

طبعة دار الهلال مختصرة بشكل سخيف تم فيها اجتثاث شخصيات و احداث بكاملها زي فايزه التهامي وطلال الأنصاري و كل ما له علاقة بالجيش والسياسة وده اخل بمصداقية الروايه .. وانا اقرأ الجزء الخاص بقصة علي حسيت ان في حاجه ناقصة مش ممكن بعد ما كان الحكي بالتفصيل دهلجزء نور الله يجي علي وتطلع حكايته مبهمة ومبتورة بهذا الشكل وبعد قراءة النسخة الكامة اشعر بالخداع لما اشتريت نسخة دار الهلال كان لازم يكتبوا انها نسخة مختصرة

Ahmed Zakaria wrote: "سعرها كام فى دار الهلال ؟"

ثمانية جنيهات بس ده مش مبرر لخداع المشتري كان لازم يوضحوا انها نسخة مختصرة وان الرواية الأصلية 700 صفحة علشان نفهم الفرق

ريهام wrote: "طب لو ممكن حد قول الاجزاء الناقصة من طبع دار الهلال عشان اكمل قراءة الاجزاء المحذوفة pdf"

http://www.book4med.com/2013/09/pdf_8...

على فكرة محمد المنسى متعود ينزل بطبعتين مختلفين عن بعض احداهما قصيرة والاخرى كبيرة .. وحدث هذا فى رواية "يوم غائم فى البر الغربى" .. ولا اعرف ان كان الكاتب يقصد ذلك فعلا ام انها مجرد إضافات وتعديل للنسخة الاصلية فيزداد حجمهاوتطبع فى دار نشر اخرى .

يا جماعه معلش انا طبعتى 713 صفحة .. بس اخرها غريب و مش مفهوم واخر حاجة عندى لما على انقذ نور الله من الشرطة بي .. هى ليها اخر تانى ؟؟؟؟