قرّاء مصر discussion

بسم الله الرحمن الرحيم

دى معلومات بسيطة عن أول لقاء لينا في قرّاء مصر. في المجمل اللقاء كان الحمد لله ناجح أكتر ما كنا متوقعين و العدد كان كويس الحمد لله و بنشكر كل واحد شارك فى أول لقاء و نقوله لولا وجودك مكانش اللقاء بقى بالشكل ده

اللقاء تم يوم السبت 14 أبريل في مسجد السلطان حسن
*****************************

ثانياً شوية احصائيات بسيطة

عدد الناس اللى جه تقريبا حوالى 50 واحد
أكبر المشاركين سنا كان سنه تقريبا فى الخمسينات
أصغر حد كان طفلتين 10 سنين و 8 سنين
أبعد المشاركين جه مخصوص للقاء من المنيا و رجع تانى- احنا بنشكره جدا وجودك كان دفعه قوية لينا و اسعدنا جدا
عدد الكتب اللى كان موجود يقارب ال 80 كتاب
كان موجود تقريبا كل تصنيفات الكتب من الأدب الساخر للسياسة و التاريخ و الإسلاميات . و كان فى كتاب عن الحمل.

*****************************

شوية ملاحظات

المصريين كانوا شايفنا من سريلانكا
فى ناس كتير كانت جاية تحضر اللمة* و لما إتأخروا فى البدء جم معانا يقروا لحد اما اللمه بدأت
الناس شاركت مش بس قراءة كمان بإقتراحات
المكان كان رائع جدا و ذو عبق تاريخى
فى كذا حد كان جاى من مدن بعيده عشان يشارك معانا و يروح تانى

*****************************

الإقتراحات اللى اتقالت فى اخر اللقاء

عدد مرات اللقاء شهريا (موجود فى سؤال على الصفحة) تقدروا تختارو براحتكم
هل هنكتفى بالقراءة ولا قراءة و مناقشة
المكان هيبقى فى المسجد ده بس ولا نلف مساجد شارع المعز كلها
إمكانية إننا نختار كاتب معين يبقى اليوم بالكامل عنه
امكانية إننا كل لقاء أو أتنين نستضيف كاتب معروف معانا يحضر اليوم و يشاركنا أفكاره و إقتراحاته
معظم الناس اقترحت كذا طريقة نزود بيها الدعاية للفكرة

******************************

دى تقريبا كل الاحداث اللى حصلت فى اللقاء لو اى حد ليه اقتراحات يضيفها يبعتها فى أى وقت . أى حد مش عاجبه حاجه و عايزها تتغير يبعت و إن شاء الله نتجاوب معاه . الاقتراح كان بتاعنا إنما الفكره بتاعت الكل، أى حد ليه الحق أنه يعدلها للأحسن.



فريق قرّاء مصر
https://www.facebook.com/EgyptReaders

صور اللقاء
https://www.facebook.com/media/set/?s...

******************************

* لمزيد من المعلومات عن اللمة زوروا صفحة دواير هتستفيدوا كتير

https://www.facebook.com/Dawayr

الله بجد
دى حاجه رائعه جدا ربنا يوفقكم ويبقى فى زيها كتير

ممكن الدعوة تكون أوسع على مدى زمنى بعيد (مش بعيد أوى يعنى شهر مثلا) عشان نجمع أكبر عدد ممكن ويتم التنسيق على إن المكان يكون إستاد القاهرة
ياريت تشاركونى أرائكم

شكرا حسام على الدعوة بس معالاسف ماني ساكنة بمصر بس أعتبروا روحي معكم ولح تابع اخباركم أول بأول وخصوصي الكتب اللي لح تقروها

فيه اقتراح ..ياريت تبقى اللقاءات كل مرة في محافظة شكل
كل شهر في محافظة تغيير اماكن ومتبقاش كل حاجة متركزة في القاهرة

بجد فعلا ياريت
حتى نقدر نعالج مالمركزية دى احنا هنا فى الصعيد مافيش اى حراك من اى نوع

تعالوا بقى الاسماعيليه الجو جميل هنا وكمان عشان احضر

مفيش اكتر من الحدائق عندنا ده احنا ممكن نعملها عالبحر كمان

حلوة فكرة المحافظات، ومن الممكن لو نفس المجموعة لن تستطيع أن تتنقل بين المحافظات من الممكن أن نجعل اللقاء متزامنًا فى عدة محافظات، أعنى أن قراء كل محافظة يتقابلون كلهم فى وقت واحد وأن يكون هناك منسق لكل محافظة، أعتقد أنه لم يحدث لا فى تركيا ولا تونس ولا فى أية دولة أن تم لقاء يجمع القراء فى جميع المحافظات فى وقت واحد ..

Rana wrote: " من الممكن أن نجعل اللقاء متزامنًا فى عدة محافظات، أعنى أن قراء كل محافظة يتقابلون كلهم فى وقت واحد وأن يكون هناك منسق لكل محافظة..."

أوافق على هذا الاقتراح بشدة :)

الصور جميلة جداااا بجد .. كان نفسي أقدر أحضر بس للأسف السكن و الدراسة مش هيساعدوني.. هتاعبع أخباركو بشغف و بإذن الله أقدر في يوم أحضر معاكم :))

اختياركم لجامع السلطان حسن اختيار أكثر من رائع.. المكان عظيم و مناسب جدا و هاديء تماما..

أنا متابعة الجروب على الفيس بوك من أول يوم. و أتمنى إني أكون في القاهرة في مرات اللمة و أحضر معاكم..

اختيار الوقت هايل مع الإمتحانات بالظبط :)
بأيد فكرةالمحافظات جدا بس هتكون محتاجة شوية جهد وتطوع لنشر الفكرة بأكبر قدر ممكن

وأظن يكون أجدى لو كان اللقاء قراءة + مناقشة

إن شاء الله بعد الإمتحانات مشاركة

أفضل يكون اللقاء قراءة بس, عشان منضيعش الوقت فى المناقشة وبالتالى منبقاش وصلنا رسالة القراءة