Mohamed

“ماتت غناوي فرحة البنّية
لا المسلمين صلوا علي قبرها
ولا النصاري صلصلوا بالجرس
ولا حوطت جسمها المنهوك
بنادق الحرس
يا ويل بلد بيضيّع المقتولين
يا ويلكم .. وبصوا
دمي فوق كفكم
ح يزفكم بالدم .. متجرسين !”
― سيد حجاب, مختارات من شعر سيد حجاب

“سألت الشيخ عبد ربه:
كيف تنتهى المحنة التى نعانيها؟
فأجاب:
إن خرجنا سالمين فهى الرحمة، و إن خرجنا هالكين فهو العدل”
― نجيب محفوظ, أصداء السيرة الذاتية

“يا طير يا طاير فـِـ السما .. يا بختك
لا فارق معاك حاجة وعايش براحتك
لــو عــرفــت إيــــه اللـــي فـيـنـــا
عــمــــرك مــــا هـتـبـــص تـحـتـــك
وعجبي !!”
― صلاح جاهين

“منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا

من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع

ولفين ياخدنا الأنين
لليالي ما لهاش عينين
ولفين ياخدنا الحنين
لواحةالحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين”
― سيد حجاب