Mohammed Ehab

“لو خصنى الفيلسوف
بحكمته المحفورة فى ذهن الزمن
و بدأ يوجه لى الحديث
حأخد طريق غير طريقه
و أمشى بعيد عن ندوته و الزحام
علشان أنا من سنة
مؤمن بلا جدوى الكلام”
― فؤاد قاعود

“انا بعترض ع الباطل المطلوق سراحه
والحق متكتف بجنزير حديد
و بعترض على قلة البركه
فى كل ايد
وبعترض على قسمة المخاليق
حراس و ساده و عبيد”
― فؤاد قاعود, الأعمال الشعرية الكاملة

“هعمل بخر دم
واعملي .. بتعيطي
.
كأن مطره
واحنا مبلولين

وشجره بتوطي على الشباك ..
وتبص

.
هاعمل مش مهتم
واعملي بتحضنيني
كأن نسمه
مش بتتشطر ..
غير على الخصلاه الحرير
.
هاعمل بطير
والناس
من آخر الدنيا ..
يشوفوني سحابه.
.
يخرب عقلك
دي دموع بجد!”
― مدحت منير

“لو النجوم تنزل و تمشى فى الشوارع
و لو العمارات تطير
و لو الضفادع فى الشتا عرقت
و الجو فى أغسطس أصبح مطير
و لو الحمير أتكلمت بفصاحة
و النملة صبحت فى ضخامة الفيل
مش حأندهش
بعد اللى فات
علشان أنا من سنة
إحساسى بالدهشة مات”
― فؤاد قاعود, الصدمة