Marwa Mohammed

“الناس ماينفعش معاها غير أسلوب واحد .. الخوف .. من أيام " موسى " عليه السلام وهي بتتحكم بيه .. خدوا على كده خلاص .. كُل نبي كان بينزل للناس .. إلا موسى .. هو الوحيد اللي نزل ل" فرعون " .. لييييييه؟ عشان ماينفعش تكلم الناس .. في مصر تكلم الكبير يظبط الصغير”
― أحمد مراد, تراب الماس

“_ حبات السكر _
حبات السكر ..
اللي وقعت منها وهيا بتحلي كوباية الشاي
كان لازم أخبيها في جيبي
حبات السكر..
كانت الشئ الوحيد اللي ممكن يعوضني ..
عن مرارة السنين اللي عدت علينا ..
وإحنا قاعدين نحاسب بعض .”
― عمر طاهر, الخيانة: مشوار محرج لحد الحزن

“حبل غسيل
3
حاولت قبل كده تتخلص من اسرارك
في اول صندوق زباله-انساني جدا
وفي شنطة قماش شديدة القماش
شديدة السواد بفتحات تهوية
كفاية لفضحك
وبدون ما تاخد بالك ترميها من ورا دهرك
وتسمع صراخ اللي جرحتهم
ومعركتهم الفاشلة مع شعورك بالذنب
صدقني ..هتضحك من ورا قلبك
ويدهشك تسقيف الجمهور وانت ماشي
علي ايقاع يأسك
وبتدخل دايرة المجهول”
― عمر طاهر, الخيانة: مشوار محرج لحد الحزن

“كنت متخيلة إن دايما عندي إجابة لكل سؤال ! بس فيه حاجات بيكون لطيف فيها إني أسيب نفسي وما أسألش .. بعدين أبقى أعرف ليه .. أو حتى ما أعرفش .. مش مشكلة .. رغم أنها كانت دايما مشكلة .. لكن المرة دي .. مش مهم .. عارفة نهاية الفيلم و مش مهتمة .. أنا بس مش قادرة أتخيل خسارتك تاني .. مش هاستحمل .. خليك في الضلمة .. أنا راضية.. تخيل.. راضية تفضل في الضلمة وأفضل أنا أتهمك زور إنك مش موجود.. على الأقل هفضل متشعبطة في ديل حلم.. إنما لو عديت كده مرور الكرام .. واختفيت زي ما في يوم اختفيت.. أنا مش هسامحك.. هاموت.. أنا باخرف.”
― أحمد مراد, الفيل الأزرق