Shaimaa Sodan

“كل ثورة كانت تحطم الثورة التي سبقتها في تواتر مستمر طوال التاريخ، لأن كل نظام كان يفشل في استيعاب قوة الروح الحر المبدع الخلاق”
― مصطفى محمود, الأحلام

“ليتنا أنا وأنت جئنا العالم قبل اختراع التلفزيون والسينما لنعرف هل هذا حب حقًا أم أننا نتقمص ما نراه ؟”
― أحمد خالد توفيق, قصاصات قابلة للحرق

“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― مصطفى إبراهيم, المانيفستو

“ما بيبكيناش ف غيابكم إلا الشوق
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― مصطفى إبراهيم, المانيفستو