Änä-Äşlŋ Møhâmêd

“احب بنت البلد والحب بهدلني
ومن بروج الأدب والفن نزّلني
احب عوجه لئيمه اشتكي للّه
من غلبي منها وتشكي غلبها مني
جاهله اذا تفرّجت في جنينة الحيوان
تقول على النمر قطه والوعول خرفان
وتقول على البنك سيما والبلوز فستان
لكن يصيبني البكم لما تجادلني
جبانه تصرخ من النمله بعزم الصوت
والبورص طلّع عليها عزرائيل الموت
لكن يفوت رمش عينها من فؤادي فوت
ان كنت ميت قتيل هوهّ اللي قاتلني
راكبه على الكارو تتسامر مع الحمار
والشمس فوق جسمها تشعل وتقدح نار
ولما يوم ينتظرها ابن الذوات ببكار
تقول له روّح على امك وابقى قابلني
احب بنت البلد من فرط خفتها
هوليود على بدعها ما تجيبش عصبتها
ولا بنات لندره تتلف لفتها
أدي اللي جاب لي البلا أدي اللي هابلني”
― بيرم التونسي, المجموعة الكاملة لشاعر الشعب: بيرم التونسي

“تسرق شلن تبقى هيصه وبلوه وجَرِيمَه
تسرق أُلوف الأُلوف تبقى م الابطال
وكل ما السرقه تكبر .. القانون سيما
وكل ما السرقه تصغر .. فيه حرام وحلال”
― نجيب سرور, أميات نجيب سرور

“وصية سيد حجاب
ولما أموت
لو مت ع السرير ابقوا احرقوا الجسد
ونطوروا رمادى ع البيوت
وشوية لبيوت البلد
وشوية ترموهم على تانيس
وشوية حطوهم فى إيد ولد
ولد أكون بُسُته .. ولا أعرفوش
ولو أموت ..
قتيل – وانا من فتحة الهويس بافوت -
ابقوا اعملوا من الدما حنة
وحنوا بيها كفوف عريس
وهلال على مدنة
ونقرشوا بدمى
- على حيطان بيت نوبى تحت النيل –
اسمى”
― سيد حجاب, مختارات من شعر سيد حجاب

“ده كله شغل يهود يا مصر في الضلمة ... ديابة سارحة ورا ولادك بقالها سنين
تعابين في برج حمام لكن البلد نايمة ... يعني مش غريبة نبقى منكوسين”
― نجيب سرور, أميات نجيب سرور