Hebatullah Shawky

“أعرف منين الضحكة دي من فين؟
و إن كنتي ضحكة فرح..
ولا إنتي ضحكة هم..”
― مصطفى إبراهيم, المانيفستو

“إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم..كل أما ييجى يقوم
وان البشر واقفة..تبكى بدال ما تحوش
وان العلم مصفاة..م السونكى والخرطوش
و ان الطريق مفروش...بالدم للآخر
إنى رأيت اليوم...الدم ع الآيش
وإن الحسين إحنا...
و مهما اتقتل عايش”
― مصطفى إبراهيم

“هناك شعرة بين النسيان والغفران.”
― أحمد مراد, ١٩١٩

“الأوّله… أرزاق ...
والتانيه…. أسماء...
والتالته…. بشتاق....
الأوّله… أرزاق مفيش حيلة ولا سكّة....
والتانيه…. أسماء عيال بتحب ع الدكّة....
والتالته… بشتاق لطعم الفرح والضحكة.....
الأوّله… أرزاق مفيش حيلة ولا سكّة غير المكتوب....
والتانيه…. أسماء عيال بتحب ع الدكّة و راسمة قلوب....
والتالته… بشتاق لطعم الفرح والضحكة يا شيخ أيوب ....
الأوّله… أرزاق مفيش حيلة ولا سكّة غير المكتوب مقّسِم كلّه بالحتة…
والتانيه…. أسماء عيال بتحب ع الدكّة و راسمة قلوب لكل الخلق إلا انت....
والتالته… بشتاق لطعم الفرح والضحكة يا شيخ أيوب أنا ملّيت ..حدوق امتي ؟....
الأوّله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب.....
متزعلشي…..
والتانيه…. أسماء عيال بتحب ع الدكّة و راسمة قلوب لكل الخلق إلا انت ملكش حبيب ...
متزعلشي….
والتالته… بشتاق لطعم الفرح والضحكة يا شيخ أيوب أنا ملّيت..حدوق امتي ؟ ف قاللي قريب ....
متزعلشي…..”
― مصطفى إبراهيم, ويسترن يونيون فرع الهرم