Muhammad Bakabozza

“ثم دارت اللمونة
دورة كاملة… ثم داخت
ثم جه إخوانّا ولامونا
ثم إن الثورة باخت
ثم هُمّا هُمّا برضه
اللى باعوا الطول وعرضه
يِصحُوا يتخانقوا ويعارضوا
ثم إن الرِّيحة فاحت
ثم مش نازلين معاكو
ثم إن الجيش حمونا
ثم تاخدوا على قفاكو
ثم دارت اللمونة…….
ثم قال حانزل لوحدى
ثم دقن ف كل حتة
ثم يعمل مليونية
ثم يمشى الساعة ستة
ثم يعمل فيها عنتر
ثم ياخد علقة سخنة
ثم حيخزوقنا عسكر
ثم يطلع من نافوخنا
ثم فيه أصلا مؤامرة
ثم ناس مش لاقية تاكل
ثم تيت الثورة حمرا
إحنا مش عايزين مشاكل
ثم دارت اللمونة
دورة أكبر… ثم دخنا

ثم فجأة الكل يتعب
ثم إن الجيش حيقتل
ثم إحنا حمارنا يغلب
ثم جيم الدومينو يقفل
ثم مصر عاوزة زَقَّة
ثم ناس ماتقولش لأه
يركبوا عَ الثورة تانى
ثم نخسر… ثم نكسب”
― مصطفى إبراهيم

“التاريخ ضمن الغنايم .. وبيكتبه الكسبان”
― مصطفى إبراهيم, المانيفستو

“الماضي بيمضي حضور يوميا في الكشوفات..
مين قال امبارح مات ؟!”
― مصطفى إبراهيم, المانيفستو

“أما الغلابة اللى بنوا الغابة...

كانوا بيصحوا بعد كل مطب

يدعوا ف أدان الفجر و يقولوا :

يا رب يا منّان

احمينا م الخوّان

نجينا م الشرير

و انصرنا ع الدبابة”
― مصطفى إبراهيم, المانيفستو