Faisal Selim

“قلبي سرح
ويا الشبك لما انطرح
والنجم وسط الريح
يشاور ع الطريق
زي الصديق
ياريت يا نجم السكة
تصبح بجناحين
وتطير .. تطير .. معرفش فين
لكن تطير
وتاخدني وياك في بحور
غير دي البحور”
― سيد حجاب, مختارات من شعر سيد حجاب

“الشمس فاكهة الشتا
الحب .. فاكهة الربيع
مين يشتري حكمة حياتي الميتة
ويردني رضيع ؟”
― سيد حجاب, مختارات من شعر سيد حجاب

“الليل علي مداين حزينة اتفرش
الليل .. بضافر قسوته
في قلبي هبش
نفسي اتكرش
وكل شيء في الدنيا كش ّ”
― سيد حجاب, مختارات من شعر سيد حجاب

“في بحيرتنا المليانة بحيرتنا
بتنوح الريح .. يادي الصرخة
كنا كتمناها في صدورنا
لما انقطمت تحت حمول الهم ضهورنا”
― سيد حجاب, مختارات من شعر سيد حجاب