0 ratings (0.0 avg)
0 reviews

Nesma Hatem

Add friend

http://klamwslam.blogspot.com/

https://www.goodreads.com/nesmahatem

Nesma’s Bookshelves

to-read‎ (11)

currently-reading‎ (0)

read‎ (5)

did-not-finish‎ (0)

Stats | More…

Nesma’s Quotes

“بعد اللى كل الناس شافوه
إزاي مازالوا بِيعرفوا.. فرق لقطات الإعادة
من حالات الديچاڤو؟”
― مصطفى إبراهيم, المانيفستو

109 likes

“تفرانيل 50"

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي...
سلام”
― مصطفى إبراهيم

127 likes

“البقاء لله يا صاحبى
شد حيلك ..كله فانى
وابقى قول لو عوزت حاجة ..وانت عارف فين مكانى
وإحنا أهل مفيش كسوف
حد ضامن الظروف ؟!
وانتا عارف
عينى ليك
واحنا عشرة
وعيب عليك
إنتا خيرك برضه سابق
واللى بينا مش شوية
واللى راح كان زى أخويا
وكان جدع ويخاف عليا
وكنت أحس إيه مضايقه وهو جاى من بعيد
وكان فاهمنى زيى وأكتر
وكنت أنا صاحبه الوحيد
من وكنا صغيرين
إتناقشنا فـ كل حاجة
كورة ..فن ..سياسة ..دين
وله معايا ..ميت حكاية
وذكريات ملو السنين
وربنا يجمع ما بينا فـ حتة أحسن
قول آمين .
هو مين بيعزى مين !
ولا اعزى ازاى فـ دمى
ع العموم متشيلش همى
وخلى بالك بس منى
مش بقول تنساه لكنك
عارف إن الدنيا ماشية
وبكره نبقى كويسين
وابقى زوزره كل جمعة
واقرا عدية يس
وانتا عارف
لو هينفع
كنت أجيلك
والبقاء لله يا صاحبى
وشد حيلك
اللى فات ..
نص تلغراف وصلنى من ساعات
وكان عزا نصى اللى عايش ليا
فـ النص اللى مات”
― مصطفى إبراهيم

48 likes

“يعني أنَا لو مِنَّك بصراحة
وقَلَبت الصناديق عرض وطول
ومالقيتش اللي أنا كان نفسي ألقاه
هَفْضَل سايب صندوق مقفول
وهَقول بالتأكيد كان جُوَّاه”
― مصطفى إبراهيم, المانيفستو

141 likes

“كل يومين .. بكبر و ارمي حاجات
و اكتشف إن أنا .. كان ممكن أعيش
من غيرهم اصلا من ألاول
ما اعرفش بقى اليأس اتحول
و قلب زهد
و لا دا جين صوفي من الأول مش محتاج جهد ؟”
― مصطفى إبراهيم, المانيفستو

201 likes

More of Nesma’s quotes…