Nermin Hamouda

“قلت لك كتير .. مادام بتسالي، يبقى أنا مقصر ! .. وما دام أنا مقصر ، يبقى ممكن أكون مابحبكيش.”
― محمد صادق, هيبتا

“-ربنا خلقنا نوعين ..

نوع يعيش فيها ويموت فيها من غير ما يعرف أي حاجة .. جعلوه فانجعل .. دول اللي بتلاقيهم فكل حتة مابيحبوش الجنان ولا بيروحوا حفلات مزيكا ولا بيروحوا يحضروا ماتش كورة حتى .. خرجوا من كلياتهم اشتغلوا واتجوزوا وخلفوا .. دول اللى عاوزين الناس كلهم يبقوا زيهم .. مجرد مصيف فى أسكندرية وكتابين لمصطفى محمود على شريط قران كريم علي تفاسير ابن كثير اللي مابتتفتحش .. مشاكلهم تافهه ونظرتهم للدنيا على قد عنيهم بس .. ضيقة قوي .. وفاكرين أنهم غير أى حد واللى بيحصل لهم ده عمره ما حصل مع حد .. بيقلدوا كل حاجه وهم مش فاهمين أى حاجه ..


النوع التأني هو اللي بيفهم كل حاجه .. فبيفضل نايه وسط بشر مش عارفين يفهموا غير اللي حفظوه .. هم دول اللي ربنا اختارهم وتحولوا أنبيا .. وبعد ما الأنبيا خلصوا هتلاقي ربنا برضه خلاهم حاجه بتعمل فرق فى الدنيا .. سيدنا إبراهيم اللى قال أكيد ربنا مش أصنام .. شوفي كام واحد حاربه بقوة غير طبيعية عشان بيقول كلام ما بيخشش دماغهم .. المشكلة ان احنا كلنا عارفين القصص دي .. بس لما حد يبجي يقول كلام غريب عنهم بيكفروه ويحاربوه كأنه شيطان .. اختلفوا ايه عن كفار قريش مش فاهم !”
― محمد صادق, هيبتا

“محدش فينا يا ابني بيختار الوقت.امتى هيعشق وهيعشق مين.يارب لو كان مكتوب علينا "الفراق.يفضل في قلوبنا الحنين”
― علي سلامة

“-ماتحكمش على حد من حاجة بيعملها .. اقولك على حاجة انقح .. ولا حتى بعد ما تعرف ليه بيعملها..

نظر له (ب)للحظات ثم قال:
-امال احكم عليه أمتي بقي؟

ابتسم الرجل، و نظر للنيل طويلاً، ثم نظر
الى (ب) وقال بضحكة مستهزئة:
-!ماتحكمش اصلاً .. انت مال اهلك؟”
― محمد صادق, هيبتا