Dina 248

“وصية سيد حجاب
ولما أموت
لو مت ع السرير ابقوا احرقوا الجسد
ونطوروا رمادى ع البيوت
وشوية لبيوت البلد
وشوية ترموهم على تانيس
وشوية حطوهم فى إيد ولد
ولد أكون بُسُته .. ولا أعرفوش
ولو أموت ..
قتيل – وانا من فتحة الهويس بافوت -
ابقوا اعملوا من الدما حنة
وحنوا بيها كفوف عريس
وهلال على مدنة
ونقرشوا بدمى
- على حيطان بيت نوبى تحت النيل –
اسمى”
― سيد حجاب, مختارات من شعر سيد حجاب

“أنا اللي بالأمر المحال اغتوى
شفت القمر نطيت لفوق في الهوا
طلته مطلتوش - إيه أنا يهمني ؟
وليه ما دام بالنشوى قلبي ارتوى

عجبي !!”
― صلاح جاهين

“معلش بقى اسمحلى
لو هنتكلم عن الحلاوة
أنا طقاطيعى مجرمة
صحيح ودانى كبيرة
لكن مناخيرى منمنمة

...وكل ما أطلع سلمة
يقولولى شد حيلك
لسه بدرى على السطوح
عيونى جريئة جريئة
لكن فى الحقيقة
لا بتعرف تدارى ولا بتقدر تبوح

شعرى صحيح مش ناعم
لكن لايق على رأسى
ولما يصدق احساسى
معرفش فين من روحى أروح

بحبك لما بتستعبط
وبتقولى مالك
وبتبكى ليه
وليه كده مجروح”
― علي سلامة

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين