Wisam

“قال الشهيد للشهيد ف السما الأولى

الطلقة مش طايشة... و الدولة مسئولة

قال الشهيد للشهيد ف السما التانية

الأرض طبّت جنبي مقتولة

قال الشهيد للشهيد ف السما التالتة

الحظ جابنا ...و احنا مش فَلتة

قال الشهيد للشهيد ف السما الرابعة

الدم حيروح فين ... الدايرة مقفولة

قال الشهيد للشهيد ف السما الخامسة

الأرض دي ..متبوعة مش تابعة

لو كان دَعَاكوا نزول ونا لسة وسطيكوا

يبقي ف غيابي تنزلوا أدعى

قال الشهيد للشهيد ف السما السادسة

؟مين كان من الانبيا مش قلة مندسة

و حكي الشهيد للشهيد م السما السابعة

عن ثورة تانية حتيجي .. أقوى م الأولى”
― مصطفى إبراهيم, المانيفستو

“النهار قرب و لكن
عايز اللى ينادى ليه
ده السكوت ع الظلم عورة
و اللى يعمل نص ثورة
"يحفر القبر بإيديه”
― محمد السيد, أبيض غامق

“أعترف بأني تعبت من طول الحلم الذي يعيدني إلى أوله وإلى آخري دون أن نلتقي في أي صباح .”
― محمود درويش, أثر الفراشة

“صدقنى انا زاهد بالصدفة .. او من غير قصد
انا طاير آه .. لكن علشان مش لاقى الارض
صدقنى انا كان نفسى اتعلق .. ف حاجات ياما
وأعيش احساس ان انا فعلا من غيرها هموت

انا اعرف اعيش
من غير ما احتاج انى اقرا الوقت
من غير ولا واحد م اللى اعرفهم دلوقت
انا اعرف اعيش من غير اسمى
او سنتوف بره حدود جسمى”
― مصطفى إبراهيم, المانيفستو