Mohamed

“الناس ماينفعش معاها غير أسلوب واحد .. الخوف .. من أيام " موسى " عليه السلام وهي بتتحكم بيه .. خدوا على كده خلاص .. كُل نبي كان بينزل للناس .. إلا موسى .. هو الوحيد اللي نزل ل" فرعون " .. لييييييه؟ عشان ماينفعش تكلم الناس .. في مصر تكلم الكبير يظبط الصغير”
― أحمد مراد, تراب الماس

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“عيشوا المشاهد
كل مشهد
زى ما يكون الاخير
واشبعوا ساعه الوداع
وأحضنوا الحاجه بضمير
دا اللى فاضل مش كتير
اللى فاضل مش كتير”
― مصطفى إبراهيم, ويسترن يونيون فرع الهرم

“نشبه لذرات الهوا.. وقت الجليد والبرد
بتتكثف وبتقرب أوى من بعض
وترجع تانى تتفرق
مع أول دفا تشمه
كرهنا الشمس بسببكو
يا شعب البرد بيلمه”
― مصطفى إبراهيم, المانيفستو