Status Updates From Lila ang Kulay ng Pamamaalam

Kalayaan, kaligayahan, at kawalan.

Sinong naghihiwa ng sibuyas? Igisa niyo na. Nagpupumiglas na luha ko. Lumiligalig na pati mga paa ko, o.

Bakit nga ba gustong-gusto natin masagot ang napakarami nating mga tanong sa buhay? Totoo, Lila, mawawala lang ang tinatagong saya ng buhay kung malaman na natin lahat ang bawat sulok nito. Misteryo, napagtanto ko, ang tanging nagkakarga sa ganda, pati takot, ng buhay.

Ang mundo na binuo dito ni RM, parang kapeng mainit sa malamig na panahon (o gitna ng Bagyong Rosing, bilang bata).

May something sa kuwento kapag sinimulan sa mapait na huli. Kahit anong lambing ng sinimulan, laging may bahid ng pananabik. Ang hirap kiligin sa mga parteng nakakakilig. Ang hirap matuwa sa mga parteng dapat na nakatutuwa. Para kang nasa gitna ng maulan na NIA Road - o Snake Road - kita mo, sa isang tingala, ang matingkad na simula. Pero, mas posibleng madulas ka pababa.

Kung makatatanggap ako ng love letter na ganito ang style ng sulat - matingkad, malalim, at malambing - ang angas ko, e, tuluyan na lang magiging "mayumi."