Status Updates From LA CONQUISTA DI COSTANTINOPOLI

Et ne sai quex genz, por mal,mistrent le feu en la vile;et cil feu fu si granz et si orribles que nus hom nel pot esteindre ne abaissier.Et quant ce virent li baron de l'ost,qui estoient hebergié d'autre part del port,si furent mult dolent et mult en orent grant pitié,cum il virent ces haltes yglises et ces palais riches fondre et abaissier, et ces granz rues marcheandes ardoir à feu;et il n'en pooient plus faire.

Et drecierent à une barbecane deus eschieles enprès la mer; et li murs fu mult garniz d'Englois et de Danois, et li assauz forz et bons et durs. Et par vive force monterent des chevaliers sor les eschieles et dui serjant, et conquistrent le mur sor als; et monterent sor le mur bien quinze, et se combatoient main à main as haches et as espées.

Sachiez que mil et cent et quatre-vinz et dix sept anz après l'incarnation Nostre Sengnor Jesu Crist, al tens Innocent, apostoile de Rome, et Phelipe, roi de France, et Richart, roi d'Engleterre, ot un saint home en France qui ot nom Folques de Nuilli(cil Nuilli siet entre Laigni sor Marne et Paris); et il ere prestres, et tenoit la parroisse de la ville. Et cil Folques comença à parler de Deu par France.