Adham > Recent Status Updates

مجربتش اقرا ساسبنس قبل كده اخري كان ادهم صبري ، اللي مدايقني هنا اني شوفت الفيلم و عارف الي هيحصل
بس تصدق ؟ والله متكيف و عايز الرواية تطول
ان شاء الله الاسبوع الجاي هبقى اجيب روايتين كمان ليها ان شاء الله

كل ديه شخصيات و مفيش شخصية شبه التانية
حلو اوي والله

بدأنا الجمدان

تمام يعني تجربة رايقة و هادية و مش مستعجلة
البوتنشال بتاع الرواية ديه يقدر يبقى اطول بكتيييير

هادية و لذيذة

ما بعد المذكرات
شغال مش وحش

عايز اقول بردو اني مش متأكد من كلامي ده عشان ممكن يبقى الغلط فيا ، بإذن الله هقرا الكتاب بالانجليزي عشان اشوف المشكلة كانت فين بردو

خلصت المذكرات نفسها و رأيي اتغير الصراحة
اولا معايا مشكلة مع الترجمة ، هري فاضي كتير اوي ممكن يترجم بطريقة افضل من كده ، كلام محطوط متفهمش هو محطوط ليه
جمل كتيرة غير مفهومة
الترجمة قتلت روح النص للأسف ، لما خلصت النص الاولاني للمذكرات بدأ ملل و كلام مصلحين اجتماعيين و احداث اوفر و القيمة بتاع المذكرات وقعت ، غالبا هو ضعف ترجمة لإني كتير جدا و حصل اني فجأة اكون بقرا بلاقي اني مش فاهم هو انا فين و هو بيقول ايه

راائع

انا متكيففففف

مش عارف مستني اقول ايه
انا كان نفسي اجيب الكتاب ده من تانية اعدادي
بقيت في تانية ثانوي و بالصدفة المحضة لقيتوا
من اعظم السير الي اتكتبت

شعور الalienation متفهم اوي
مش شرط يبقى يتم
مش شرط يبقى مرض
ممكن يبقى انك مثلا ساكن بعيد شوية من صحابك في المدرسة
ممكن مش بتعرف تلعب لعبة ببلعبوها
كل ده بينتج عنه alienation الي هو بجد شعور صعب
بس الايجابية الي الكاتبة عاملة بيها شخصيتها حلوة اوي
مجربتش قبل كده اقرا ادب رسايل فمستغرب الموضوع شوية ، ان مفيش احداث و عالم و هكذا
انت جوا حدود الرسالة
مش هنكر مستمتع لحد دلوقتي و حاسس انوا comfort book كده

لا لا ممل و تقيل و طويل مش هكمل

كنت محتار اقرأ ده ولا اقرأ المعذبون في الارض
مبسوط اني اخترت ده ، شكل الطنطاوي الله يرحموا هيبقى من كتابي ، مشكلتي الوحيدة هي ان مفيش مراجع لقصصوا ، مع ان مقدمتوا ممكن تطمنك لهجوموا على الي مراجعهم ضعيفة الا اني قلقان ليكون وضع في بعض قصص الحجاج و زياد ابن ابيه و الله اعلم
قرأت نهاية غرناطه و قصه عبدالله ابن الزبير و ابتأست والله
رحمة الله على من مات مسلما مدافعا عن راية الإسلام

انا فخور ان انا مسلم و محرج من كل مدعي للاسلام و ما هو الا مشوه لاجمل و اكمل فكره كامله فلسفيه انزلت على البشر ليعيشوا بها دينهم
، قصه سمرقند لحد دلوقتي احلى واحده
اللهم لك الحمد

عظيييييم
تاني جزء

ارخم حاجه في يومي اني ببقى طول اليوم مشغول بالمذاكرة و الي بيخليني اروق حاليا هو الكتاب ده
لما بمسكوا مش ببقى عايز اسيبوا بس الفكرة انا مبخصلش مذاكرة غير المغرب و بنام العشا و ديه تاني ارخم حاجه
كتاب جميل

على قد ما القصه (السيره) بسيطه في سردها و احداثها على قد مانت متكيف و انت بتقرأ كانك قاعد صاحبك الانتيم على القهوه بس بطريقه ما صحبك بقى مثقف في لغتوا و بقى بيتكلم عربي فصحى
Comfort book جديد

"استلقى موساشي على الارض و ارخى غمده تملكه الشعور مرة اخرى بأنه ليس لديه احد لديه ليعتمد عليه سوى نفسى "

اخخخ يا موساشي

فاهم شعور موساشي تجاه المرأه و تجاه الكمال
سعي الراجل ناحية الكمال حاجه عمر ما المرأه ما هتفهموا
مش مقصدي ان المرأة ماتسعاش للكمال
مقصدي ان ارادة الراجل نحو التطور حاجه عمر ما في اي شعور او كيان تاني ممكن يفهموا
حتى ممكن راجل زيوا ما يفهموش
موقف كل مذاكرتي عشان اخلص الكتاب ده
مش عارف هو انا بقرأ الملحمه ديه في فترة مبكرة من حياتي (عندي ١٦ سنه)
او لأن ان من الرجالة الي فاهمة مفهوم ارادة الراجل فالمفروض اكملها

عظيمة

لغه جميله جدا باسلوب مشوق و ممتع
مش فاكر امتى اخر مره عرفت احفظ اسماء الشخصيات بالسرعه العجيبه ديه
حوارات لذيذه و ممتعه بلغه اجمل
متشوق اخلصها الصراحه