MI Abbas > Recent Status Updates

دوسروں پر گزری کہانیوں میں ایسا رمز پوشیدہ ہوتا ہے جس کے پرتو کی  ایک جھلک سے بھی ذرا سی ہم آہنگی ہوجائے تو ہم اپنی جھوٹی سچی یاداشت کو جمع کرکے اس کھلتی ہوئی کہانی سے اپنے آپ کو جوڑنے لگ جاتے ہیں۔

ایک تجسس بھری اداس کہانی ہمیں اپنی حقیقت حال سے نکال کر خوابوں کے سرابوں میں بھٹکا دیتی ہے، ہارون خالد کے ناول آنسو کی دھن یعنی میلوڈی آف ٹئیر کی کہانی بھی ہر کھلتی پرت کے ساتھ مجھے اپنے حصار میں لے رہی ہے۔

ناول شروع کرنا ایک مشقت طلب کام ہے، بالخصوص جب ایک زمانےسے کوئی کتاب ہی نہ کھولی ہو۔ لیکن ایک اچھی کہانی کو پانے کیلئے ایسی مشقت سے گزرنا اپنے آپ میں ایک مثبت تجربہ ہے۔

کیا کہانی طاقتور ہوتی ہے؟ میں سمجھتا ہوں کہ کہانی میں اس ہی قدر طاقت ہوتی ہے جس قدر نشے میں کہ وہ نشئی کو مست کر کے چھوڑ دیتا ہے، اس کے سوا کہانی کا اور مصرف ہی کیا ہوسکتا ہے؟

Fascinating!!!