يوسف بن أحمد’s Reviews > ظل الريح > Status Update
يوسف بن أحمد
is on page 124 of 549
بداية غير مبشرة
شابة عندها 20 سنة بتقول لطفل عنده 10 سنوات الكلام ده!
"ويشاع أنه كان يضاجع مومسا هناك (في فرنسا)"
بجد والله!
قدرة الكاتب على تقمص الشخصيات شبه معدومة
مش دانيال اللي بيتكلم، ده كلام الكاتب
مش كلارا اللي بتتكلم، ده كلام الكاتب
الجنس اللي بيتحشر بالعافية عشان يبيع مثير فعلا، بس للاشمئزاز
أحمد مراد النسخة الأسبانية
اللغة بصراحة الحسنة الوحيدة في الرواية وطلعت بسبب المترجم مش الكاتب
نجمتين من 5
— Apr 05, 2025 06:13AM
شابة عندها 20 سنة بتقول لطفل عنده 10 سنوات الكلام ده!
"ويشاع أنه كان يضاجع مومسا هناك (في فرنسا)"
بجد والله!
قدرة الكاتب على تقمص الشخصيات شبه معدومة
مش دانيال اللي بيتكلم، ده كلام الكاتب
مش كلارا اللي بتتكلم، ده كلام الكاتب
الجنس اللي بيتحشر بالعافية عشان يبيع مثير فعلا، بس للاشمئزاز
أحمد مراد النسخة الأسبانية
اللغة بصراحة الحسنة الوحيدة في الرواية وطلعت بسبب المترجم مش الكاتب
نجمتين من 5
Like flag
Comments Showing 1-5 of 5 (5 new)
date
newest »
newest »
message 1:
by
منة
(new)
Apr 05, 2025 07:17AM
بتتكلم عن ايه الرواية دى ؟؟؟؟
reply
|
flag
منة wrote: "بتتكلم عن ايه الرواية دى ؟؟؟؟"هي المفروض بتتكلم عن مقبرة للكتب المنسية.. وكل واحد من عائلات أصحاب المكاتب بيختار كتاب يحافظ عليه
حاجة كدة شبه أجواء مملكة البلاغة بس من غير خيال ولا صقور ولا محاربين
والمفروض برضو إن في لغز ورا الكتاب اللي اختاره البطل والمفروض إنه يحل اللغز ده
بس أنا خلصت خمس الكتاب وحتى الآن الكتاب عبارة عن رواية رومانسية رديئة مليانة مشاهد جنسية ومفيش أي تطور في الصراع الرئيسي وموصلناش لأي حاجة
ولما استغربت المراجعات العبثية اللي كلها بتمدح وتسقف روحت دورت في المراجعات الإسبانية والإنجليزية وحتى العربية اللي بتقيم الرواية 3 نجوم وأقل ولقيت إنهم قابلوا مشاكل تانية
زي إن الترجمة الإنجليزية رديئة
ولما روحت للإسبانية لقيتهم بيشتكوا إن الكاتب بيرغي كتير وبيستخدم كلمات كتير جدا عشان يوصف حاجة بسيطة ممكن تتوصف بكلمة واحدة وبيحشي أسماء شخصيات ملهاش أي لازمة في القصة
واكتشفت إن القصة قدام شوية هيتحشر فيها أجندا لواط وإلحاد وبلا أزرق على دماغهم
المشكلة إني إديت له محاولتين لحد دلوقتي وشكلي كدة مش هكملها
لول اومال ايه التقييمات دى يعنى ده انا من التقييمات قولت دى واو كويس انك حذرتنى
فلتري التقييمات بعدد النجوم واللغة وشوفي التقييمات ونصيحة عامة في أي مراجعة
تجنبي تماما المداحين واللي بيقيموا العمل ب5 نجوم والمراجعة بتبقى مليانة قلوب وورود وعيون بتلمع
دول في الغالب فانز الكاتب ولو كتب قصة على ورق "تواليت" هتعجبهم برضو
وتجنبي برضو المراجعات السوداوية اللي بتشتم الكاتب واللي خلفوه
الناس اللي بتقيم نجمتين أو تلاتة في الغالب أكثر عقلانية وهيذكروا عيوب الكتاب مع مميزاته
هي دي مش قاعدة عامة بس نقدر نقول بتنفع في الغالب
شكرا جدا هعتمد🫡 لانى على كده فانا اتضحك عليا كتير 😂
