منة عبد الفتاح ’s Reviews > ‫علاقات الزوجين في بيت الحما‬ > Status Update

عندي اقتناع تام إن المساعده الغير مطلوبه عبء ، مع ذلك مدركه صعوبه طلب المساعده عند الناس أو خجلهم أو خوفهم من الرفض والخذلان. فمش عارفه ازاي نظبط ال balance ده غير بالنقاش، بتوضح لشريكك اولا أنه يطلب وميستناش انك تخمن ، ودي نقطه مفروضه عالستات اكتر لأن من الحب الاهتمام بتفاصيل الشريك بدون تعبيره، وده،حقيقي ف الاول ، ولو مش موجود فهو red flag إن شريكك واحنا رايقين ولسه مدخلناش اي مطاحن ماديه أو اجتماعيه يكون عينه عليك،و علي الحرص علي راحتك دايما ، لكن ده بمرور الوقت بيكون مستحيل، والأفضل الصراحه المتبادله والطلب المباشر ، المشكله تيجي مع الأصدقاء مثلا او الأقارب انت متعرفش درجه،العشم، بس في role of thumb كده:
١.اسال عليهم كل فتره،وقولهم اقدر اساعدكم ازاي و اتفقوا ، حد يقولك ادعيلي ، حد يقولك اشوفك ، حد يقولك تجيلي عشان مش هقدر نخرج .. حاول تنفذ قدر الامكان -عشان كده متسألش وأنت مش قادر احسن-
٢.في مواضع كله عايز فيها مساعده! زي ام مخلفه جديد ، حد هيعزل من بيته، فتره،امتحانات،ودي مش محتاجه فزلكه ، هاتلهم اكل عشان يبقي one less thing to think about أو أعملهم مشوار يوفر طاقتهم و فلوسهم أو شيل العيل حبه عشان يناموا لو مسموحلك .
الأهم في كل ده انك مش بختار هتعمل ايه انت "بتسأل" وبتعمله بصمت، كانه مدفوع الأجر ، وساعتها تبقي مساعده و مفيده فعلا و هيقدروها لك :)

لا تعليق علي جاره /قريبه /صديقة تزور ام حديثه الولاده-الطفل اقل من ٦ شهور- و هي معاها طفلها مثلا و رايحه تتضايف و تقولك انا ساعدتها ف بنتها! انتي عملتي الشاي اللي هتشربيه بعد ما قليتي منامها وراحتها و وترتيها وخلتيها تخلي البيت علي سنجه عشره 🗿