Yomna’s Reviews > السطحيون: ما تفعله شبكة الإنترنت بأدمغتنا > Status Update

الحقيقة التعليق ده مالوش علاقة بإني شخص بيحب الدقة في المواعيد وبحترم الناس اللي بتلتزم بيها

بس أنا عايزة اقول إني من زمااان جدا _مش عارفة ايه فايدة فقرة الذكريات دي بس لا دي مرتطبة بتجربة القراءة يعني فنوثقها_
المهم من زمان أيام الدراسة وأنا مبحبش الساعة ومبحبش صوتها بجد اختراع سيء ومزعج
وبعد قراءتي للاقتباس اتأكدت إنها مجرد ماكينة باردة ومخيفة بتعبر عن تحكم الرأسمالية والآلة في الآنسان
طبعا ممكن نقول إني كبرت الموضوع بس لأ دي الحقيقة
الساعة اختراع مرتبط بالسلطة والحركة الآلية الدقيقة اللي بنشوفها في المعسكرات أو في بيئات العمل اللي الواحد فيها دايما حاسس بتسرع وضغط الوقت
_طبعا مش بقول كلنا نبقا موظفين بيفطروا ساعتين وميقضوش شغلهم_ دي نقطة تانية خالص
مش هناقشها هنا
بس أخيرا أحب أقول للمرة التانية

بتمنى الساعة تختفي
بتمنى قياسنا للوقت يبقا مع ظل الشمس مثلا
أو أوقات الصلاة
ولا دقايق بقا ولا ثواني
عايزين نعيش أيام الكوكب الأخيرة في هدوء
وده رغي كتبته بتهور
يلا حصل خير
اهو الوقت ضاع عشان نقعد نعبر عن غضبنا من الساعة وهي مشيت وتجاهلت مشاعرنا شفتوا شريرة ازاي

عايزة اعرف بقا ليه في رجالة بتحب الساعات مع إن ده اختراع شرير
هل عشان هما أشرار وكده زي بعض ولا ايه
تصعيد غير مبرر
أنا بقول كفاية كده
سلام🌚🚶🏻‍♀️