Nojoud > Status Update

بكتب ريفيو اذا حسيت انو في فكرة او رأي مهم لازم اكتبو او اذا كتير حبيت الكتاب فبكتب ريفيو لحتى شجع رفقاتي يقرأوه و اذا كان مو بنفسي اكتب ما بكتب يعني ما بحس انو الزامي

أكيد الريفيو مالو واجب ومو كل كتاب بينكتب الو ريفيو بس المعنى الحرفي للريفيو هو فشة خلق .. منعرف أنو القراءة تجربة إنسانية راقية متكاملة فمن غير المعقول الواحد بس يمر بتجربة ما يحس أنو لازم يحكي عنها .. وهيك الريفيو وأد ما بتكون تجربة الشخص مع الكتاب فيها فهم شو بدو الكاتب أد ما بيطلع الريفيو صادق وبالنسبة الي بيهمني كتير لما لاقي شي عم دور عنو بكتاب ؛ يلي عم يدور على هاد الشي نفسو يعرف أنو موجود بالكتاب ولو بالصدفة إذا بيقرأ الريفيو وكمان كتاب بيحرك مشاعري غالباً بكتب عنو ريفيو وكتير ريفيوهات بكون منفعلة وأنا عم أكتبها وكمان بسبب موهبة النسيان بكتب ريفيو لأرجعلو إذا حابة أعرف عن شو كان الكتاب خصوصي الروايات شبه مستحيل أتذكر شو صار برواية بعد شهر من قرائتها فبيهمني الفكرة العامة تبعها أكتر من الأحداث وبكتب ريفيو بهالشي .. وأنتي نجود ؟

في البداية مافكرتش كنت بكتبه ليه الحقيقة، وأغلب الوقت كان ييكون تسجيل انطباعي -واللي غالبًا كان الانبهار فيفترتي الأولى مع القراءة-
ولو كتاب ماعجبنيش كنت بكتب ليه ماعجبنيش
لكن دلوقتي قللت الموضوع ده بعد التفكير في نفس الأسئلة 😎
ولقيت إني أحيانًا بقع في مشكلة إني أجمّل أسلوبي أو أضيف جمل عشان المراجعة تعجب الناس للأسف! وده كان مضايقني جدًا 😒
فأسبابي حاليًا ع الأغلب بتكون كتابة حاجة بسيطة لو شايفة إن الكتاب مهم أو لازم الناس تقراه لجماله، أو حاجة بسيطة تدفع حد بعيدًا عن الكتاب السيء، لكن أحيانًا بكتفي بصرخة تقييم النجمة الواحدة من غير كتابة
أمّا لو حبيت أكتب للكتابة ورأي مفصّل لنفسي أو ما يشبه رسالة للكاتب بحتفظ بالمراجعة بعيدًا عن الحساب ده عشان أكتب بحرية من غير ما أقع في المشكلة اللي فوق وأتحرر بقى من سلطة اللايك ومين هتعجبه المراجعة

هلأ بشكل عام الكتب بتشبه الحياة بتنوعها و اختلافها، فبالتالي علاقة الكتب بالريفيوهات بتشبه علاقة الحياة بألبوم الصور يلي منتركو أثر على المواقف المميزة
فوقت نقرا كتاب منحب نترك أثر على علاقتنا فيه من خلال الريفيو أو ممكن نوضح أفكار شفناها و تفاعلنا معها بس ما حدا غيرنا شافها

بس بالنسبة الي بحب الجانب الشرير بالريفيو كنوع من الانتقام من الكتب السيئة من خلال التشهير فيها
لأنو الانسان وقت بدو ينتقم من كتاب على تضييع وقتو مثلا بصير يتمنى ما حدا يقرا هالكتاب على وجه الأرض انتقاما منو
و نفس الشي مع الكتب الجيدة منصير منشجع الناس يقروها
فالريفيو من جهتي هو أداة شكر أو أداة انتقام

تقريبا أنا رأيي بيشبه رأي حسام بالموضوع يعني من باب الأثر اللي بيتركه الكتاب فينا فعادة منكون متحمسين ونحنا عم نكتب الريفيو ومنحاول نضمن أفكارنا ومشاعرنا تجاه الشي اللي قرأناه من باب التعريف به سواء ترك أثر سلبي أم ايجابي