Mounir’s Reviews > الحياة مش بروفة > Status Update

العدو دلوقت بيتخفى ورا أقنعة القانون والعسكر والفتاوي والمؤسسات اللي بتسانده ولازم البطل يلجأ للخداع والمكر عشان مايتمش القبض عليه قبل ما يخلص مهمته ويتخلص من عدوه\عدوها\عدوهم. والشكل ده من البطولة مع الشكل الأولاني كانوا محتاجين مشروع ثقافي واجتماعي وسياسي يرشح مشروع فني. وبدأت أتبنى دور المخلص\النبي مع التشكيك من واقع خبراتي الحياتية في وجوده, في الشعر وفي كل أشكال المعرفة اللي احتكيت بيها

هيدقق أكتر في المشهد
هل هوه اللي كان هناك فعلا ..
ولا حد يشبه له !؟

من غير ما تكسر نظرتك في الأرض
بص في عينيا.. واتكلم
من غير لعثمة, وعروق نافرة في الرقبة
.....
خليك قد صداقتنا

تكتكة الآلة الكاتبة
وملي وتفريغ رئتي بدخان الكلوباترا
وحركة رجلين أمي على دواسة مكنة الخياطة
ده اللي لحقته من جسمي النهارده
بعد ما اتبعتر ع السلم
وأنا مزوغ من الشغل
حاحاول ألمه على مهلي
واعمل منه حكاية
أحكيها لنفسي وأنا نايم