Status Update

Rasha Naser is on page 41 of 80

يخلق من الشبه أربعين
أنا واحد واربعين
ساكن في شارع 41
ومؤمن إن الحاجات
بتبقي حاجه تانيه في الواحد واربعين
النبى بقى نبى في الواحد واربعين
اول قصايد جوته في الواحد واربعين
وعندى عم شهيد
مات على ضفه أبعد
في معركة بالرصاص
في طريق السويس الكيلو 41
أعرف 41 ترجمه لكلمه خيانه
وعلشان أبقي مطلق اتجوزت واحد واربعين يوم

— Jan 29, 2014 05:54AM

Like flag

Rasha’s Previous Updates

Rasha Naser is on page 61 of 80

الناس بتجمد لما بتبنى
وانا اللي باجمد لما انهار

— Jan 29, 2014 03:46PM

Rasha Naser is on page 57 of 80

تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى

— Jan 29, 2014 06:15AM

Rasha Naser is on page 56 of 80

و اثبَت لإنك شجره
ضارب فى الأرض مسافه
وثابت
وانت أدرى
تخيّل نفسك نور
و اِعمى لإنك نور
أنا كنت سور البير
و صَبحت جير السور
تخيّل نفسك باب
وافتح لإنك باب
على دنيا أصلا طريق
وبينتهى بسرداب
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله
تخيّل نفسك ورده
و اِزهى لإنك ورده
كل الالوان قصادى
بس الريحه واحده
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم

— Jan 29, 2014 06:15AM

Rasha Naser is on page 52 of 80

انا مش دراكولا
يمكن اكون متاهة ودة اخطر
بس الحل سهل ممكن متدخليش
انا عمرى ما هفرض متاهتى على حد
وانا سايب الباب مفتوح
لان المتاهة فى الاخر بتوصل للباب
اللى بالمناسبة لازم يكون مفتوح
والمتاهة سهلة
وانت نفسك طويل
هوا البحر اللى فتح صدرى خلانى دايما انجذب للى نفسهم طويل
اهلا بيكى
ولو هتدخلى استاذنك متقفليش وراكى الباب
وسيبي لى نفسك
صحيح انا ربان أعالى بحار نظره ضعيف
بس احلفلك طول عمرى ماشى فى البحر بقلبي

— Jan 29, 2014 06:01AM

Rasha Naser is on page 52 of 80

المتوحد لا يؤذى أحد
يؤذى المتوحد نفسه فقط

— Jan 29, 2014 06:00AM

Rasha Naser is on page 43 of 80

الساعه 12 و41
والاوضه بتتحرك بيا من على خط عرض 41
وأنا حاسس بالسعاده
لإني غير ال 40 اللى ربنا خلقهم شبه بعض
ولإني اول واحد
في ال 40 واحد اللي جايين

— Jan 29, 2014 05:54AM

Rasha Naser is on page 34 of 80

موبايلك مقفول
زمان الرسالة اللي بعتهالك
متعلقه في الهوا
مستنياكي لحد ما تصحى من النوم
وتمدي ايدك تفتحي الموبايل علشان تعرفي الوقت
زمان رسالتي متعلقة في الهوا
جنب رسايل كتيرة
رايحة لناس بيحتاجوا دايما لوقت علشان الرسايل توصل
لهم صح
الهوا شايل كلام متأجل
شحنة ساكنة
محتاجة تتفرغ
علشان تبتدى الارض تدور

— Jan 29, 2014 05:49AM

Rasha Naser is on page 31 of 80

كنت فاكرك مجنونه
دلوقتي ماعرفش ليه بقيت متأكد؟

— Jan 29, 2014 05:48AM

Rasha Naser is on page 28 of 80

نفسي خلاص قرب يضيق
باغرق ومع اني غريق

— Jan 29, 2014 05:48AM

Rasha Naser is on page 26 of 80

أنا مش عارف أحب الدور ...أنا مضايق من نفسي

— Jan 29, 2014 05:47AM