Yann’s Reviews > Le grand voyage du pays des Hurons, situé en l'Amérique vers la mer douce, és derniers confins de la nouvelle France, dite Canada > Status Update

Entre les choſes que nos Hurons ont le plus admiré, en les inſtruiſant, eſtoit qu'il y euſt vn Paradis au deſſus de nous, où fuſſent tous les bien-heureux auec Dieu, & vn Enfer ſouterrain, où eſtoient tourmentees auec les Diables en vn abyſme de feu, toutes les ames des meſchants, & celles de leurs parens & amis deffuncts, enſemblement auec celles de leurs ennemis, pour n'auoir cogneu ny adoré Dieu noſtre Créateur.

CICERON a dict, parlant de la nature des Dieux, qu'il n'y a gent ſi ſauuage, ſi brutale ny ſi barbare, qui ne ſoit imbuë de quelque opinion d'iceux. Or comme il y a diuerſes Nations & Prouinces barbares, auſſi y a il diuerſité d'opinions & de croyance, pour ce que chacune ſe forge vn Dieu à ſa poſte. Ceux qui habitent vers Miskou & le port Royal, croyent en vn certain Cudoüagni, & qui leur dit le temps qu'il va faire

Tous les Sauuages en general, ont l'eſprit & l'entendement aſſez bon, & ne ſont point ſi groſſiers & ſi lourdauts que nous nous imaginons en France. Ils ſont d'vne humeur aſſez ioyeuſe & contente, toutes-fois ils ſont vn peu ſaturniens, ils parlent fort poſément, comme ſe voulans bien faire entendre, & s'arreſtent auſſi-toſt en ſongeans vne grande eſpace de temps, puis reprennent leur parole,...

Ce Capitaine en fut aduerty, qui auſſi toſt luy enuoye ſon chat bien qu'il l'aymaſt grandement, & ſa fille encore plus, laquelle ſe voyant priuee de cet animal, qu'elle aymoit paſſionnément, en tombe malade, & meurt de regret, ne pouuant vaincre & ſurmonter ſon affection, bien qu'elle ne voulut manquer au ſecours & aide de ſon prochain. Trouuons beaucoup de Chreſtiens qui vueillent ainſi s'incommoder pour les autres.

Ce bon Legiſlateur des Atheniens, Solon, fit vne Loy, dont Ama ſis, Roy d'Egypte, auoit eſté jadis Autheur:Que chacun monſtre tous les ans d'où il vit, à faute de ce faire puny de mort. L'occupation de nos Sauuages est la peſche, la chaſſe,& la guerre, faire des Cabanes&Canots, où les outils propres à cela. Le reſte du temps ils le paſſent en oyſiueté, à joüer, dormir, chanter, dancer, petuner, ou aller en feſtins.

Ils ſe rendent l'hoſpitalité reciproque, & aſſiſtent tellement l'vn l'autre, qu'ils pourvoient à la neceſſité d'vn chacun, ſans qu'il y ait aucun pauure mendiant parmy leurs villes & villages, & trouuoient fort mauvais entendans dire qu'il y auoit en France grand nombre de ces neceſſiteux & mendians, & penſoient que cela fuſt faute de charité qui fuſt en nous, & nous en blaſmoient grandement.

Au temps que les bois eſtoient en ſeue, nous faiſions par-fois vne fente dans l'eſcorce de quelque gros Fouteau, & tenans au deſſous vne eſcuelle, nous receuions le ius & la liqueur qui en diſtilloit, laquelle nous ſervoit pour nous fortifier le cœur lors que nous en ſentions incomodez.


:p'

Apres diſner ie liſois dans quelque petit liure que i'auois apporté, ou bien i'eſcrivois, & obſeruant ſoigneuſement les mots de la langue, que i'apprenois, i'en dreſſois des memoires que i'eſtudiois, & repetois deuant mes Sauuages, leſquels y prenoient plaiſir, & m'aydoient à m'y perfectionner auec une aſſez bonne methode.

Notre premier giſte fut à la riuiere des Prairies, qui eſt à cinq lieuës au deſſous du Saut ſainct Loüis, où nous trouuaſmes deſia d'autres Sauuages cabanez, qui faiſoient ſestin d'vn grand Ours, qu'ils auoient pris & pourſuiuy dans le riuiere, penſant ſe ſauuer aux Iſles voyſines, mais la viteſſe des Canots l'ataignit, & fut tué à coups de fleſches& de maſſuë. Ces Sauuages en leur feſtin chantoient tous ensemblement

Comme ie deſirois m'employer touſiours à quelque choſe de pieux,& qui me fournit d'vn renouuellement de ferueur à la pourſuitte de mon deſſein, ie grauois auec la poincte d'vn couſteau dans l'eſcorce des plus grands arbres, des Croix & des noms de IESVS, pour ſignifier à Sathan & à ſes ſuppoſts, que nous prenions poſſeſſion de cette terre pour le Royaume de Ieſus-Christ,& que doreſnauant il n'y auroit plus de pouuoir