Yomna’s Reviews > أصول علم النفس > Status Update

:))

كيف تحافظ على صحتك النفسية
(اعرف نفسك_لا تخدع نفسك_اشترك في نشاط اجتماعي_اتخذ لنفسك صديقا_تعلم حل المشكلات بطريقة صحيحة_إتقان عملك)

اقتباس لطيف ورقيق جدا :))
بحس إن تجربة التربية هي رحمة ونعمة لإنها بتساعدنا نكون صورة أجمل من نفسنا
بحس إن الأهل لازم زي مايتمنوا طفلهم يتعلم منهم هما كمان يدوا فرصة لنفسهم تتعلم من نظرة الطفل للحياة والأشياء الجميلة:)

الحضارة التي حفرت للإنسانية قبرها")

يعني مش عشان الحياة ببساطة طبيعتها التغيير والزوال وشعور الإنسان بالقلق فيها وعدم الاطمئنان حتى في لحظات فرحه هو شعور فطري و حماية لقلبه من الغفلة وطول الأمل..؟
لأ هو عشان الأنا الأعلى مش راضي يسيبنا في حالنا! :)

أنا قرأت الاقتباس وقعدت شوية كده بحلل شخصيات ناس كتير اوي :))

نوصل من كده إن تفضيل مبدأ اللذة أو النفع اللحظي هو نوع من الطفولية وضعف النفس أمام أهوائها بس احنا مش هنقول كده احنا هنسميه حقق كل متعك دلوقتي اجري مع الناس عشان تستهلك وتستمتع هو انت هتعيش كام مرة يعني:)
باختصار إيثار الآخرة على الدنيا

تعقيب أخير
لذلك من علامات النضج وصحة الفهم للعلاقات إن الإنسان ميحملش الطرف الآخر فوق طاقته
الطرف الآخر مش هينقذك من حزنك ومش هيخليك دايما سعيد
ومش هيكون موجود على طول عشان يسمعك
البشر أضعف من إنهم يقوموا بالمهمة دي لغيرهم..
وبإدراك المفهوم ده يقدر الإنسان يوصل لعلاقة هادية مستقرة كل واحد فيهم مقرب للآخر لكن برده كل واحد ليه مساحته الخاصة غرفة ذكرياته وأحزانه اللي بيكون آمن لوحده فيها فترة وبعدها يرجع لرفقة الآخر..

تعقيب
وربما الفكرة دي تحديدا هي تذكرة للإنسان بحقيقة الحياة ورفقة الآخرين
وهي كذلك إشارة ليه عشان يلجأ لخالقه ويستمد منه العون والسكينة في مواجهة متاعبه اللي هو نفسه لوحده أضعف من مواجهتها
عشان كده بحس بحزن لما بشوف حد بيشتكي إن حد قريب منه مش فاهمه أو إنه بيتمنى لو يلاقي حد يسمعه ويفهمه
<بتكلم على العلاقات الطبيعية مش اللي فيها طرف مستبد وهكذا..>
بحس إن الأمنية دي زي حلم طفولي بعيد وغير واقعي..