Evisi Ndrecka’s Reviews > Maktub > Status Update

“Kur njeriu e kupton se shpirti nuk është i lumtur, nuk kërkon këshilla, por merr vendimet e nevojshme për të vazhduar rrugëtimin e jetës.”

"Edhe sendet kanë energjinë e tyre. Kur nuk i përdorim, shpesh shndërrohen në ujëra të ndenjura brenda shtëpisë - mjedis i përshtatshëm për mushkonja dhe kalbësira. Bëhuni vigjilentë, lëreni energjinë të rrjedhë lirshëm. Nëse ruani të vjetrën, e reja nuk do të gjejë vend ku të shfaqet."

"I mençur është ai që di të përshtatet me situatën, atëherë kur e kërkojnë rrethanat."

"Shpesh duhet t'i japim kohë kohës. Por ndonjëherë duhet të përveshim mëngët dhe të përballemi me situatën. Në këto raste nuk ka gjë më të keqe ta shtysh punën që ke për të bërë."

"Nëse vendos të ndryshosh jetë dhe mban diçka nga ekzistenca e mëparshme, e kaluara mund të vazhdojë të të torturojë."

"Sot mund të qajmë për fjalët e vjetra që na kanë mbetur në fyt. Mund të marrim në telefon dikë edhe pse jemi betuar të mos i flasim më (ndonëse ende presim të na dergojë një mesazh në telefon). Sot mund të konsiderohet një ditë jashtë skenarit që shkruajmë çdo mëngjes. Sot, çdo shkelje do të pranohet dhe falet. Sot ka ardhur dita ta përballojmë jetën me gëzim".

"Luftëtarët e dritës i lejojnë vetes ditë të këtilla"

"Sot do të ishte mirë të bënim diçka ndryshe, diçka jo të zakonshme. Për shëmbull, mund të kërcejmë gjatë rrugës duke shkuar për në punë. Të shohim një të huaj drejt e në sy dhe të flasim për dashurinë me shikim të parë. T'i sugjërojmë shefit një ide që mund të duket qesharake, por tek e cila besojmë. Ose të blejmë një instrument, që gjithmonë kemi dashur ta luajmë, por nuk kemi pasur guxim."

"Kush mjaftohet duke kërkuar dritën dhe ia ngarkon të tjerëve përgjegjësitë e veta, nuk do ta gjejë kurrë ndriçimin, Kush i mban sytë të ngulur te dielli, përfundon i verbër. "