كلام موزون بزيادة Quotes

“ومهما بيحصل يا رب
مش بقول غير ..
لعلّه خير .”
― نورا خشبة, كلام موزون بزيادة

“فيه حاجات ..
مهما نافقت
ومهما جاملت
ومهما عملت
ومهما رسمت فيها الوّد
ومثّلت ..
كله في الآخر بيبان ..
المُنافق والجبان ،
من اللي لسه يا دُنيا بجد
يستحق لقب إنسان .”
― نورا خشبة, كلام موزون بزيادة

“نفسي أجرّب أطير م الفرحة
وأبطّل أقع في الحزن ،
وأشوف أحلامي حقيقة وواضحة
وسنيني تاخدهم بالحضن .”
― نورا خشبة, كلام موزون بزيادة

“لما تلاقي وشّك
مش هو الوش..
إعمل لروحك ريفريش”
― نورا خشبة, كلام موزون بزيادة

“محتاجة إشارة تطمنّي ،،
إنك يا رب .. راضي عنّي ♥”
― نورا خشبة, كلام موزون بزيادة

“أصلها بتيجي كده ..
من غير ترتيب ..
فجأة تلاقي الدُنيا تغيب ..
وصدفة ترجع حلوة كده ..
وبأحلى مُفاجآتها تجيب .”
― نورا خشبة, كلام موزون بزيادة

“إحنا ليه محتارين أوي كده
ليه تايهين أوي بالشكل ده
مش عارفين ..
عايزين من الدنيا إيه!
ولّا مش قادرين ..
نوصل للي بنحلم بيه!
وحتى لو عرفنا ..
وحتى لو قدرنا ..
مش بنحس ليه
في حياتنا بالرضا !”
― نورا خشبة, كلام موزون بزيادة

“يــا رب ..
بقولها من جوّه جوّه القلب ..
يــا رب ..
على قد نيّتي إديني ..
بقولها والنيّة صافية بحُب .”
― نورا خشبة, كلام موزون بزيادة

“الفرْح بقى م المُعجزات ،
وأنا نفسي يا رب ف مُعجزة ..!”
― نورا خشبة, كلام موزون بزيادة

“وبرغم خيبة الأمل ،
اللي لمحتها في عينيهم ..
رافض يموت جوايا ،
حنيني وأملي فيهم .”
― نورا خشبة, كلام موزون بزيادة

“جوّه كل خيبة أمل ،
قلب إتقتل .. وهو حيّ !”
― نورا خشبة, كلام موزون بزيادة

“نقيّة وعُمرها ما بتخوِّن ..
لدرجة إن الأبيض جواها ..
مش بيعرف يتلوِّن .”
― نورا خشبة, كلام موزون بزيادة

“يا رب دبّرلي اللي بتمناه ،
ووصّلني ليه بتدبيرك
أنا طمعان أوي في خيرك
ومهما ضاقت الحياة
إنت القادر مفيش غيرك.”
― نورا خشبة, كلام موزون بزيادة

“طول ما العقل بيفكّر
وطول ما الليل
من بعده صباح
أحلامنا مسيرها هتكبر
وهيبقى بعد الصبر .. نجاح .”
― نورا خشبة, كلام موزون بزيادة

“صدمتي في القريب ..
خلتني من الناس خوفت
ولفترة كبيرة قرّرت
أجرّب أخوِّن كل الناس

بس حقيقي إكتشفت ..
إن اللي ممكن يتخوِّن ..
هو القريب ..
القريب وبس ..
مش كل الناس .”
― نورا خشبة, كلام موزون بزيادة

“يا من عليك التُكال كله
دبّرلي أمري من كله
يا من عليك التُكال كله
يسّرلي سعيي ومسعاي
خليني أحسن ف اللي جاي
يا من عليك التُكال كله .”
― نورا خشبة, كلام موزون بزيادة

“هي صحيح الحياة مبقتش هيّ!
ولا أنا مبقتش أشوف ،
أو يمكن مبقتش أنا ..
من كُتر خوفي م الظروف!”
― نورا خشبة, كلام موزون بزيادة

“من حقي أعيش زي ما بحلم .”
― نورا خشبة, كلام موزون بزيادة

“فيه ناس بتفضل عايشة بالإحساس ،
وفيه ناس معندهاش أصلاً إحساس!”
― نورا خشبة, كلام موزون بزيادة

“يـا رب كَلِّل صبري بفرحة كبيرة ♥
:")”
― نورا خشبة, كلام موزون بزيادة

“بخاف ، من السنين اللي جايّة !
بخاف ، ونفسي حد يخاف عليّا !”
― نورا خشبة, كلام موزون بزيادة

“ولو كل الناس ظلموك ،
وملقتش بشر ينصفوك ..
فـ خالِق البشر موجود .”
― نورا خشبة, كلام موزون بزيادة

“أنا الفقيرة إلىَ الله
أنا أصلاً ولا حاجة
من غيرك يا الله .”
― نورا خشبة, كلام موزون بزيادة

“والمتربي ع الغالي
هيعيش عزيز وغالي
مهما الدُنيا تعمل فيه

مش هيتغيّر
ولا هيتأثّر ..
بأي شيء حواليه

والغالي مش غِلا الفلوس
الغالي ده غِلا النفوس
مهما خده التيار
ومهما الموجة توّديه .”
― نورا خشبة, كلام موزون بزيادة

“لسه الطريق طويل ،
بس الأمل أطول ..
وما دمت أنا ماشي
لازم في يوم هوصل .”
― نورا خشبة, كلام موزون بزيادة

“نفسي أترمي ع الرمل
وأفضل باصّة للسما
وأشيل من كتفي الحِمل
اللي تاعبني ، إنّما
مفيش كام ساعة وبعدها
برجع لهمومي مُرغمة .”
― نورا خشبة, كلام موزون بزيادة

“وفي زحمة التقليد الأعمى ،
الأصل بيفضل أصل .”
― نورا خشبة, كلام موزون بزيادة

“هغسل كل همومي
وأعصرها من الحُزن
وهنشِّف كل دموعي..
وأنشر في عيوني الحُسن .”
― نورا خشبة, كلام موزون بزيادة

“زعلانة أوي من نفسي
ونفسي أتطمِّن عليّا
ومعايا ظلمت نفسي
ومفيش حاجة بإيديّا
مِسلِّمة أمري لربنا
هو اللي عالِم بيّا
تدبيره ليّا طوق نجاة
وحده الأحن عليّا .”
― نورا خشبة, كلام موزون بزيادة

“بلالين ..
ونفسك تفرقعها
طراطير ..
ونفسك تقطّعها
وما بين الفرقعة والتقطيع
عمايلهم دايرة بشكل فظيع
ولا تقدر برضو تمنعها !”
― نورا خشبة, كلام موزون بزيادة