الاستعمار العربي Quotes

“امنعوا الصوت المريب ده يغني تاني للوطن

اللي بينافق الحكومة من خلال زيف القضية

اللي بينافق الحكومة باتفاقه المفتعل

زي ما بنزع ملامحه...انزعه

أنا مش طايق اسمعه.. صوته لعين”
― عبد الرحمن الأبنودي, الاستعمار العربي

“إكتم أنينك وغطي الأمه بتيابها
أمه بتقتل صديقها وتحمي كدابها
حنت لجزم الغريب تاني علي ترابها
الأمه لـما يكون مالهاش كبير ياناس
تنتظروا مين عالذنوب تاني يحاسبها
آدي الألم في الفؤاد سهران بيعصر عصر
أنا مجرم القرن ده ولا شهيد العصر”
― عبد الرحمن الأبنودي, الاستعمار العربي

“وإحنا جاهلين فى السياية
بس لينا فى الحنين ..
لأمل يكشف ظلومة المظلومين ...
تقدروا تسمونا عشاق المبادىء ..”
― عبد الرحمن الأبنودي, الاستعمار العربي

“مراكب الهم ترسي ليلاتي في جراحي”
― عبد الرحمن الأبنودي, الاستعمار العربي

“مأساتي إني حزين
أحزان من اللي ماهيش رفاهيه
ودموعي مش ميه
وضلوع عنيدة بتتكي بالجرح عالسكين
أنا الحزين إبن الحلال
أنا الغبي في الخالدين
أنا اللي بأحزن لي لما بكون حزين
مابأجرش عينيه وأقول أحزن لمين”
― عبد الرحمن الأبنودي, الاستعمار العربي

“الإنتحار أعلي قوايم الموت
الانتحار في الكدب
والإنتحار لما نخبي الصوت
ومبنقاتلش العدو
يانعيش نقاتل بعضنا...يانموت
الحزن أتقل من حجارة الصبر
والهم أوسع من فراغ القبر
وأنا الحزين ....الحزين
وأغبي الخالدين
لكن يا إخواني
آنا اول المؤمنين بعودة الصغار
يبوسوا باب الدار
ويحضنوا النهار
مؤمن بإن المعادن تتجلي بالنار
وإن الجديد أجمل من القديم”
― عبد الرحمن الأبنودي, الاستعمار العربي

“تسكت الأصوات فى أمّه .. نُصّ سامعه ..
والقضية .
الانسانية ..
تبقى سلعة
وسط ده كله اذا قلت الحقيقة
حتكرهونى
والسنتكو يشوهونى”
― عبد الرحمن الأبنودي, الاستعمار العربي

“..................وأذكروني
أذكروني لما تصطادني الأيادي
دون ما أصرخ أو أنادي
لما أنزل للتراب الجاي منه في معادي
بإبتسامتي البلها وأنا حاضن ترابي
لما يعجن دمي شبرين من تراب أرض الوطن
وأنا حاضن اللي خانوني......إذكروني”
― عبد الرحمن الأبنودي, الاستعمار العربي

“قد ما ننورها هي مضلمه
قد ما نعلمها مش متعلمه
كل ليله بايته مظلومه وهي الظالمه
قد ما نحجمها تفلت ملاطار
يا صديقي.. الوطن ما خبزش عيشه
والتاريخ لو مش كلام
نرفض أبوه …..نرفض نعيشه
……السلاح من صنع بره
…..والكلام من صنع بره
……والهوا البارد في بيتي ..صنع بره
لا نسجت الهدمه علي نول الخشب
ولا إيدي بتبني بيتي
….جلابيتي …عمامتي…حواديت الصغار
الحلاوه حلوه مره ….شغل بره”
― عبد الرحمن الأبنودي, الاستعمار العربي

“أنا إنتمائي لأمتي ممسخرني
محسوبه في الأحزان عليّ
في الفرح تنكرني
ياللي إنت لا أمه ولا إنت أم
فيه أم ماتعرفش ساعة الألم تضم”
― عبد الرحمن الأبنودي, الاستعمار العربي

“لا يازعيم إنت غاصب..إحساسك بينا غايب
خوفك عالأمه غايب
ولسانك في البذاءة متربي في الزرايب
وحتي لو رجعت ...حتي لوإنسحبت
مش راح نكون حبايب”
― عبد الرحمن الأبنودي, الاستعمار العربي

“عشنا شرفا..نسعى وسط العتمة على نور الغايات

لما يثقبنا الزمن...نصبح نايات”
― عبد الرحمن الأبنودي, الاستعمار العربي

“يا صديقي.. الوطن ما خبزش عيشه
والتاريخ لو مش كلام
نرفض أبوه .....نرفض نعيشه
......السلاح من صنع بره
.....والكلام من صنع بره
......والهوي البارد في بيتي ..صنع بره
لا نسجت الهدمه علي نول الخشب
ولا إيدي بتبني بيتي
....جلابيتي ...عمامتي...حواديت الصغار
الحلاوه حلوه مره ....شغل بره”
― عبد الرحمن الأبنودي, الاستعمار العربي

“:وقال الزعيم
حكايتنا مفهومه ..حكايتكوا ليه فوضي
قيادتنا متهومه منكو بحجج بارده
ما كانش لاحكومه هنا ولا معارضه
ولا سيارات بتسير
ولا طيارات بتطير
لا سوق ولا تجار
لا برلـمان صاخب
ولا برلـمان هادي
لا سفن ولا مطار
ولا سيما ولا نادي
ولا شوارع زفت..بأرصفه ومواسير
ولا خزانات ميه ..بتتملي بمواتير
ولا محلات دهب ولا محلات حرير
ولا كانش فيه صب واي
ولا مطعم تيك اواي
ولا بشر ماشيين
ولا بشر ساكنين
وإذا قالوا فيه دور نشر
فعلي سبيل الفشر
ما كنش فيه مقاهي
أو سنيمات أو ملاهي
أو نهضه مسرحيه
مليانه موهوبين
لا قبس ولا رأي عام
ولا وطن و سياسه
كله ده كان كلام
ولا كانش فيه رياسه ولا مواطنين
ولا فرق كوره
وجوان لها عارضه
حكايتنا مفهومه
حكايتكوا ليه فوضي
وجيوشنا متهومه
منكو بحجج بارده
ماكنش لا حكومه هنا ولا معارضه
جبتوا الكلام ده منين
ناس أغبيا جدا
ومخهم محدود
ماكنش لا فيه وطن
ولا علامات حدود
وماكنش فيه جامعات
ولا أولاد أو بنات
ولا مستشفيــــــــــــــــــــات
تستقبل المولود
إنتوا خلقتوا وهم
وإديتولوا إسم
وهوه مش موجود
وكتبتوه بالغلط
لونتولوا اليفط
ورسمتوه بالورود
وهوه مش موجود
وغنتولوا كتير
وكتبتوا عنه كتير
بحب مش محدود
وهوه مش موجود”
― عبد الرحمن الأبنودي, الاستعمار العربي

“الوداع يا صوتي ما عدتش أًصيل

الوداع يا قلبي ما نتاش قلب نيل

الوداع يا طين بلادي يا مش جميل

الوداع يا نيل أنا مش شاعرك

ولا في إمكاني هز مشاعرك”
― عبد الرحمن الأبنودي, الاستعمار العربي

“ما تخافش...عندك جيش
من اللي بياكلوا العيش
وإذا عزت اللقمه ..جدعان ياكلوا الخيش
بيخافوا من ضلك..ويقبلوا الأقدام
ويهتفوا بفضلك..من الرعب ف الأحلام
ويخلدوا إسمك بكل فعل حرام
ويهتفوا بإسمك ...مع إن ذكروا حرام
ما أخيبك أمه...ما أتعسك أمه
لا عمل ولاهمه
لا مصدقه فعلك..ولا تحفظي كلمه
أمه تدور وتلف
تقيله مش حاتخف
بليده مش بتشف
حماسيه..وحماسها بكتيروا ساعه يجف
أمه بتتخابط....أمه بتتعابط
أمه ومالهاش لا زابط ولا رابط
ولا كبير عيله..ولا قرابة دم
وفكره وهميه ما تورث الا الهم
...............ما تحل عني يا عم
إحنا ورثنا كلام
إحنا تاريخنا كلام
علشان ده لما تقول
علي طول أقول ...وبكام؟
ماهو حب ...دبرني
وتاريخ...فكرني
وطريق....نورني
ومصير بصرني
ده أنا بقيت عربي من قبل مالقي اللي يمصرني”
― عبد الرحمن الأبنودي, الاستعمار العربي

“إزاي نكون أصحاب
وإنتو إنتشيتوا بخمرة الإجتياح
وإنتو سكرتوا بصرخة الإغتصاب
يا إخوتي أنا ف عشق الظلم أخيب ما يكون
والغدر مش طبعي
ليه إنتوا فرحانين وأنا بنعي”
― عبد الرحمن الأبنودي, الاستعمار العربي

“الوطن الكلمة دي
العذاب اللي بنوره بنهتدي
العذاب ما نقولش أخ
ده وطن ده ولا فخ”
― عبد الرحمن الأبنودي, الاستعمار العربي

“كل جندي كان بيحمل عنجهيته
كان بيتكلم بصوته
كان بيكرهني بأصاله
كان يجز علي السنان
يطعن عيون طفل ببسالة
يجرع المأساة لثمالة الثمالة
يطلق الألفاظ قواميس الحثالة
كنت جندي حرب مبعوث في مهمة
ولا بتمارس الوضاعة بكل ذمة”
― عبد الرحمن الأبنودي, الاستعمار العربي

“قدر إزاي يقنعك تشرب دمائي
قدر إزاي يقنعك تكشف ردائي
شفت وجهك في صبيحة الاجتياح
ماكنش وجهك
ولا ده وجهك
وانا ما أعرفش وجهك من غبائي
كلكم شاربين في دنه
ووجوهكم صورة منه
العباد علي دين ملوكها
في عقائدها وسلوكها
العيون اللي شافتها عنيا
نافرة وطافحة بالنفس العدائي”
― عبد الرحمن الأبنودي, الاستعمار العربي

“وإنت تشتم مصر
ماهو في سباق المصالح
يبقي اللي فاسق صالح
إنت أداة إسرائيل
وأنا الكلب العميل
والأمة تبقي لونين...عربين ...غريمين
والإسلام إسلامين
الماء عذب ف شفتك
في شفتي مالح
الحظ جاي ف سكتي
من سكتك رايح
يسكن مابينا البين
وإلا ليه فهمني ...مش قادر أفهمك
ليه اللي الهمني ماهوش نفس اللي الهمك
ليه إنت صاعدللعلا بملابس العسكري
ليه بائن واقول عليك مفتري
يابو الحذاء الميري
ما تبعد الجزمة دايسه علي ضميري
يا مرمل الوليه ..ياقاتل الولد
يامطربق السما علي راس البلد
قائد جيوش السلب
ياناشر الغمه
وياكلب يابن الكلب
صدقت فيه أمه وصدقت كلمة شعب”
― عبد الرحمن الأبنودي, الاستعمار العربي

“وهي الرصاصة اللي إذا جاتلي تزغردلي
لا هاصدها بكفي ولا هامنعها عن قتلي
أنا مت لك ياما
مين في أمتك ماتلي
تيجي الليلادي ..بكرة أو بعده
متأكد ان الضلام عالموت مبيتلي”
― عبد الرحمن الأبنودي, الاستعمار العربي

“ماهو في سباق المصالح
يبقي اللي فاسق صالح
إنت أداة إسرائيل
وأنا الكلب العميل
والأمة تبقي لونين...عربين ...غريمين
والإسلام إسلامين
الماء عذب ف شفتك
في شفتي مالح
الحظ جاي ف سكتي
من سكتك رايح
يسكن مابينا البين
وإلا ليه فهمني ...مش قادر أفهمك
ليه اللي الهمني ماهوش نفس اللي الهمك
ليه إنت صاعدللعلا بملابس العسكري
ليه بائن واقول عليك مفتري
يابو الحذاء الميري
ما تبعد الجزمة دايسه علي ضميري
يا مرمل الوليه ..ياقاتل الولد
يامطربق السما علي راس البلد
قائد جيوش السلب
ياناشر الغمه
وياكلب يابن الكلب
صدقت فيه أمه وصدقت كلمة شعب”
― عبد الرحمن الأبنودي, الاستعمار العربي

“ويارفقتي مادام أجد الأحداث
تقطع الأنفاس....وتلون الكلام
ومدام ماعدش لا حكم ولا إحتكام
فلتختلف علنا" أمام الناس
لإن فيه غلطه مبوظه الخارطه”
― عبد الرحمن الأبنودي, الاستعمار العربي

“يعني لأجل ما استردك تاني من تاني
صديقي ورفيق باقي طريقي لازم اتخلي عن الرأي الحقيقي

لازم اتخلي عن الوعي الحقيقي

لازم اتخلي عن القلب الحقيقي

لازم اتخلي عن الشعر الحقيقي
لازم أتخلص بأيدي من بريقي
لازم أرقص فوق بحور الدم ..أشرب
لازم أعبر فوق أنين الخلق ..ماأتعب.. كله مكسب

لازم أتسلي بأشلاء شعب
أطفال شعب
متنطور في ريح الانتظار
لازم أقلع هدمة الشرفا وأتستر بعار
لازم أتغزل في كاسات المرار
لحظة الظلم أبتسم
لما اشوف الحق أغضب.. كله مكسب”
― عبد الرحمن الأبنودي, الاستعمار العربي

“.................يا صديقي
يسقط الجسد اللي بيزاحم طريقي
واللي بيغرس خطايا في الخطايا
نصحي عاليوم الجديد
نلاقينا فقدنا حريتنا
وتاجرنا من تاني بالنشيد
تسقط الحرية من غير قصد
في عالمنا البليد
تسقط العزة....وأقنعة الكرامة
الاحتراف قتل الهواية
والشرف كما تعلمون شيء مش مفيد
تسقط الحرية
نتخلق باخلاق العبيد
وفمعاصم كل أيد
ينبت القيد الحديد
لا طموح لأي فكر
والوتر مايعدش بكر
لا يعود للعفة ذكر
والضمير يتباع في أسواق النخاسة بالوقية
والمواقف بالدراهم
والنجاسة بالروبية
اللي طاهر يصحي خاين
تصبح الجماهير زباين
حاجة بدعة
تسكت الأصوات
لكن الأمة سامعة
والقضية الإنسانيه
تبقي سلعة

وسط ده كله إذا قلت الحقيقة
............ ها تكرهوني
ولسنتكو يشوهوني
هكذا قال المغني
ثم غني بصوتي...دمّع من عيوني
لما يعجن دمي شبرين
من تراب ارض الوطن
إذكروني”
― عبد الرحمن الأبنودي, الاستعمار العربي

“المثقف..المجفف
اللي فرعه مهما طاطى..عمره ما يشبع تدني
يا صديقي..يسقط الجسد اللي بيزاحم طريقي
و اللي بيغرس خطايا في الخطابا
نصحى ع اليوم الجديد..
نلاقينا فقدنا حريتنا من تاني.. و تاجرنا بالنشيد”
― عبد الرحمن الأبنودي, الاستعمار العربي