يوميات شاب موكوس Quotes

“انا من جيل لسانه تقيل
نص كلامه محدش فاهمة
جيل التحسين والتعديل
والاتنين صعبيين يتفهموا
انا من جيل الشمعدان
جيل فوازير نيلى وشيرهان
انا واحد من ضمن كتير
احلامهم يا دوب يترسمو”
― أحمد عاطف مجاهد, يوميات شاب موكوس

“عملوا الجنيه
والنص جنيه
دنانير بتخلني ملخوم
وهموت وانا واعرف ليه
اشمعنى الربع جنيه مخروم
دا سؤال مش تافه على فكرة
انا عايز اوصل منه لفكرة
ان محدش فاهم حاجة
ولا كلامى مش مفهوم”
― أحمد عاطف مجاهد, يوميات شاب موكوس

“فى حياتى قابلت
كام بنت !
على بابها فكرت اخبط
دا كتير فى الحب اتكعبلت
ولا عمرى عرفت اظبط
انا اخرى اكون
حد جميل
وكمان يتمنولى الخير
بس اللى تاعبنى
ان امى
نفسها تفرح وتزغرد”
― أحمد عاطف مجاهد, يوميات شاب موكوس