الغامض Quotes

“لا تسلم نفسك لحلم يشابه الحقيقة، بل عش داخل الحقيقة التي تشابه الحلم”
― عبد الحميد عبد اللطيف, الغامض

“مش مهم إنك تخسر بس المهم إنك تحاول لإنك لو محاولتش هتخسر ولو حاولت هتكسب حتي لو خسرت”
― عبد الحميد عبد اللطيف, الغامض

“لكن تخيل نفسك عارياً بالقطب الشمالي، تموت من البرد ومن ثم وجدت بركة من المياه الساخنة، وبعدما نزلت بها وعرفت كيف هو الشعور بالدفء وتعودت عليه.. اختفت البركة.. ولتعوت أنت إلي الحال السابق.. لكن الألم مضاعف كما هو الآن.. لقد اختفت توا البركة الساخنة، وكان فقط الجليد بكل جانب.. الجليد الذي لم أتوقع أن يكون أبرد مما كان عليه”
― عبد الحميد عبد اللطيف, الغامض

“دايما بيبقي في يوم وانت صغير وانت لسه صفحة بيضاء ملوثكش الناس باللي عملوه في الدنيا، وانت لسه شايف الأمل وجواك الحب بتشوف جزء من مستقبلك في ناس بتصدق وناس بتخاف، وناس مبتعرفش إن اللي أنت شفته ده فعلا وبكل جماله وروعته ممكن يكون فعلا مستقبلك.. بس باتخاذك انت القرار بكده.. عشان أي قرار من قراراتك وتصرف من تصرفاتك النهارده هي اللي بتعمل بكرة وتحقق حلمك.. انت شفت الحلم بس انت اللي بتختار تحققه ولا لأ.. بس انت كنت شايف حلمك وحاطط إيدك علي عينك، كنت بتوصل لنقطة معينة.. نقطة أنت حلمت توصلها عشان تعديها لكن أول ما بتوصلها بتخاف تعدي بتلاقي نفسك بتلف وترجع تاني من الأول، عشان تحاول توصلها مع إنك كنت هناك.. من الخوف كنت بتمسك حاجتك اللي بتحبها تقتلها بإيديك بعد كده تندم عليها وتتألم.. كنت بتعمل الحاجات اللي انت مش عايز تعملها وعارف إنك مش عايز تعملها.. وعارف إنك تقدر متعملهاش.. لكنك كنت بتعملها.. كأنك بتكره نفسك أو بتكره تشوف نفسك نجحت أو حققت حاجة يبقي بأي منطق ده.. يخليك ليك الحق تندم عليها”
― عبد الحميد عبد اللطيف, الغامض

“دايما بنحب نعرف إيه اللي ورا الباب المقفول.. إيه اللي جوا الأوضة دي.. وتبقي هتتجن لو معرفتش.. ولو صعب ومستحيل إننا نفتح الباب.. بيتحول ده لإنه يبقي هدفنا في الحياة.. بس في موقفي أنا مكنتش عايز أعرف إيه اللي ورا الباب.. لأ.. أنا اللي كنت ورا الباب.. كنت فاكر إن الأوضة الصغيرة والأربع حيطان دول هما الدنيا وكنت راضي بكده.. ومكنتش عايز أطلع من العالم الصغير.. لكن هما اللي كانوا عايزين يعرفوا اللي ورا الباب.. واتحولت بقيت قصة.. صدقني انت متتصورش إنك تكون قصة.. قصة أغرب من القصص اللي كانت بتتحكيلك”
― عبد الحميد عبد اللطيف, الغامض

“ساعات بندمج الواقع بالخيال عشان نخلي الواقع أحلي، لكن ساعات الخيال بيدمج نفسه بالواقع، وساعات الخيال بيبقي واقع وساعات الواقع بيبقي خيال، وساعات الخيال في لحظة بيتحول يبقي كابوس، زي الحياة والواقع ما في لحظة ممكن يبقوا كابوس”
― عبد الحميد عبد اللطيف, الغامض