قلم بكرش Quotes

“-
ومين اغلي ؟
من الي اساساً ادالي
سمار العين ؟
وراح علي فين ؟؟
وبعده الدمع جاب اخره
لدرجه اني لما ابكي
سبب دمعي
ناس يه جدا ومش فاكرُه
ما فيش خالص
سبب ابداً يخليني
انزل دمعه من عيني
غير اني اسرح في يوم موتُه
وأفتكرُه”
― محمد عزيز, قلم بكرش

“هذا الصمت الطالع منك
ناتج رغي اليوم الماضي
هذا الشرخ الـ مالي ملامحك
ناتج ملو القلب بماضي
هذا الدمع المالي عينيك
والحزن اللي بيسكن فيك
ناتج ان الضحك فـ طبعك
ديماً ع المليان والفاضي”
― محمد عزيز, قلم بكرش

“ما تغصبونيش وانا زعلان

بإني أفرح

ما تزنقونيش في أي مكان

وأنا ف قلبي 200 مطرح

لا أنا جارح ولا مجروح

ولا عايش حلاوة روح

لكني بعيش يومين مفتوح

وباقي الشهر مش بفتح ..”
― محمد السيد عزيز, قلم بكرش

“انا طرفين لفيشة حلم
لكن نور الامل قاطع
انا سلم يودي بعيد
ونازل بس مش طالع
واحيانا بكون عادي
مؤدب محترم هادي
واحياناً بكون بادي
بشر وببقي واد صايع”
― محمد عزيز, قلم بكرش

“الروح
لما بتتلاقي بروح
تشبهها ف ملامحها بجد
تلقاها تفضفض قوي و تبوح
وتروح وياها لأبعد حد
وف لحظة فِكْر...
يخبط ف دماغك سؤالين بِكر..
عن مين قادر يجمع ارواح
تعشق بعضها للدرجادي
عن مين وزّع ؟
الحب ف قلب الناس احساس
كداهوه عادي .
عن مين حبّب ف فلان الخلق
ومين تاني لما تشوفه
بتحس بفرق
وتحس ان انت قابلته كتير
في زمنٍ ما
علي هذي الارض
ويحس كمان نفس الاحساس هوا
ويدوب احساسكم كداهوا
وتسافرو ف بعض
..”
― محمد عزيز, قلم بكرش