نظرة تانية للملامح ع الخريطة Quotes

“كلنا ف الأصل واحد
مخلوقين من ماء مهين
ليه نكون أبيض وإسود
كلنا ف الأصل طين ؟”
― محمد ربيع محمد, نظرة تانية للملامح ع الخريطة

“لساك واقف
وإشارة السكة ما فتحتش ِ ؟
ها تعدي لشارع " شامبليون "
وتلم الورق اللى اتبعتر منك
علي وعد بإنك تكتب لي
عن دار النشر اللى بتحصد أحلامك
وتشاركك دايماً ف القوت
قبل ما ترميك علي رف
وتسلم لـ " أبو جهل " دماغك”
― محمد ربيع محمد, نظرة تانية للملامح ع الخريطة

“مليت من نصحك
ولعلمك
لو سبتك غرقان ف طموحك
مين بس يرسيك على بر
الهامر اللي بتخطف عينك
أبدا مش ليك.”
― محمد ربيع محمد, نظرة تانية للملامح ع الخريطة

“و الضوء الأخضر يضحك لك
علشان ما تعدّي
طيب.. على فين ها تروح؟
حاول بس تفك القدم
اللي اتمسمر ف الأرض
و تلم النظر اللى اتبعتر
ف مشاهدة أحوال الناس
بتدور فيهم على صاحبك؟
كان لسة معدّي
والحلم اللي مراود عينه
كان واخد عقله و سرحان
والركن الخالي اللي اتعود
يجمعكم
على حب ف مقهى البستان
فضّاه النادل من قلبه
لشاشات العرض اللي بتعلن
عن عودة أفلام العار.”
― محمد ربيع محمد, نظرة تانية للملامح ع الخريطة

“ريقك بطعم العسل
إيه اللي قلبه مرار
كان نفسي أكون لك ولي
واطفي بإيدي النار
فستان زفافك دبل
ولا عاد فرح يرويه”
― محمد ربيع محمد, نظرة تانية للملامح ع الخريطة