كلام والسلام Quotes

“بعض الأشخاص و هُما أبعد
بيكون بريقهُم أقوي !”
― دينا ممدوح, كلام والسلام

“الغربة مش إنك تكون في مكان بعيد عن بلدك أو بيتك, الغربة بتكون في البُعد عن الأشخاص اللي بنحبهم واتعودنا أن يومنا ما ينفعش يمشي من غير بصمتهم فيه”
― دينا ممدوح, كلام والسلام

“دايمًا بيبقى فـِ حياه كُل واحد فينا شخصيات مهمة
كل واحد ليه مكانتُه جوانا
اللى يمكن تزيد أو تقل مع مرور الوقت والمواقف والظروف
بس لو حد مشى من حياتك
مفيش حد تانى بيعرف ياخد مكانه أبدًا
يمكن التانى ده يِعمَله مكان أكبر جواك
بس إنه ياخد مكان غيره
وتتصرف معاه بنفس الأسلوب والطريقة بالظبط
يمكن صعبه ...
كل مكان جوانا اتخلق لشخص معين
لما الشخص ده بيمشى
المكان ده بيتقفل
وبيتكتب عليه
كان هنا...فُلان !!”
― دينا ممدوح, كلام والسلام

“العين احيانا بتتعود علي الفراق
وبالتالي بتبطل تبكي
لكن القلب لازم كل مرة فيه حتة تتوجع”
― دينا ممدوح, كلام والسلام

“في فرق بين إنك تقول الحقيقة لحد وإنك تضيع أي أمل جواه
الحقيقة مُرة
لكن ضياع الأمل بيقتل”
― دينا ممدوح, كلام والسلام

“السعادة مش مجرد كلمة
السعادة دي قرار
زي ما التعاسة بردو قرار
ودي القرارات الوحيدة اللي أنت لازم تأخدها بنفسك من غير مساعدة حد”
― دينا ممدوح, كلام والسلام

“الحب مش مجرد ولد و بنت
الحب مفهومه أكبر من كده بكتير
الحب إنك تبوس يد والدتك فى كل يوم عشان هى سبب وجودك
و يد والدك عشان لو فيك صفة واحدة كويسة فهى بـسببه
الحب إنك تكون مُمتَن لأصحابك لأنهم بيلونوا ايامك
الحب إنك تكون مُمتَن جدًا لكل الحاجات الحلوة اللى فى حياتك
الحب إنك تحب ربنا وتحمده على نعم كتير اوى غيرك مش لاقيها”
― دينا ممدوح, كلام والسلام

“أى حد مننا ربنا بيرزقه بنوعين من الشخصيات فى حياته
شخصيات تمدك بـ طاقة سلبية وشخصيات تمدك بـ طاقة إيجابية
الفكرة بقى ..
أنت هتسمح لمين فيهم يأثر فى حياتك أكتر؟”
― دينا ممدوح, كلام والسلام

“على اد ما بيكون دخول أشخاص معينين فى حياتنا بيديها نكهة حلوة فى البداية
على اد ما ده بيعمل لخبطة وكركبة جوانا وقت خروجهم وبيحسسك بالوجع
وبيخليك تسأل نفسك دايماً سؤال
انا هافضل أودع ناس فى حياتى لحد إمتي؟”
― دينا ممدوح, كلام والسلام

“متحاولش تعامل حد على إنه ملاك
عشان لما طبيعته البشرية تغلب.. ماتتصدمش!”
― دينا ممدوح, كلام والسلام

“تأثير بعض الأشخاص فى حياتك
مش بيكون بمدى قُربـهم جسديًا ليك
لكن بمدى قرب روحهم و قلبهم لروحك”
― دينا ممدوح, كلام والسلام