أبابيل Quotes

“لا يمنع إنهيار السماء على الأرض سوى أعمدة خفية اسمها العدالة.. فإذا ما ضاع العدل انهار كل شيء”
― شريف عبدالهادي, أبابيل

“عمر المختار أتعدم بحكم محكمة.. عشان قانون القوة ف العصر ده كان إن المظلوم يتعدم لو فكر يدافع عن نفسه ضد الظلم.. والفلاحين الغلابة اللى أتعدموا ف مدبحة دنشواى.. أتعدموا بحكم من قاضى مصرى.. برضه عشان قانون القوة كان بيقول إن اللى يقول لأ يتعدم.. وصدام حسين اللى عدمه الأمريكان.. أتعدم بقرار من قضاة عراقيين.. لكن مفيش قاضى ف العالم كله قدر يحاكم الرئيس الأمريكى على جرايمه.. على مدار التاريخ كله.. دايماً حق القوة أقوى من قوة الحق..”
― شريف عبدالهادي, أبابيل

“- في مثل ياباني بيقول لا جدوي من لافتة مكتوب عليها "لا تقطف الزهور إذا كانت الرياح لا تستطيع القراءة".. عشان كده الكلام دلوقت مالوش أي معنى.. الريح خلاص جاية في الطريق واللي خايف على الورد بجد لازم يتصرف عملي ويبطل كلام”
― شريف عبدالهادي, أبابيل

“مين قال إن أمن الدولة اتلغت؟.. إحنا بس غيرنا اسمها وخليناها الأمن الوطني عشان تبقى شيك وتليق على الثورة”
― شريف عبدالهادي, أبابيل

“أهم حيلة استخدمها أصحاب السلطة الفعلية عشان ينفذوا مخططاتهم الفترة اللي فاتت إنهم خلوا الناس مش فاهمة حاجة..

زمان كان الشعب فاهم بس ساكت وعامل نفسه مغيب..
دلوقت بقى مش فاهم ومع ذلك صوته عالي وعامل نفسه فاهم..

لأن اللي فاهمين بجد بيوصّلوا ليه الجزء اللي بيتفق مع خططهم من الحقيقة.. وبيخفوا عنه الجزء التاني اللي هيضرهم..

ومع الوقت بدأت الناس تمشي ورا اهوائها واستنتاجاتها..
أما اللي عندهم انتماءات وايديولوجيات فضلت قناعاتهم ثابتة ما بتتغيرش مهما كان. وكل طرف مقتنع برأيه ورؤيته مهما كانت حجة خصومه قوية..

لو قدرنا نوصل للحقيقة الكاملة ونخلي كل الناس تشوفها، الأغلبية الصامتة من الشعب هتتحرك، وكل حاجة حواليك هتتغير، بعد ما هيبان العدو الحقيقي، والصاحب المزيف”
― شريف عبدالهادي, أبابيل

“القضاء زيه زى أى مجال فى الدنيا.. محتاج للرقابة والإصلاح.. وما تنساش حضرتك إننا ف ثورة.. يعنى لازم كل حاجة فى البلد يتعاد فيها النظر.. ويبقى بيضحك على نفسه اللي فاكر إن الفساد دخل كل مؤسسات الدولة من غير يدخل المؤسسة القضائية..”
― شريف عبدالهادي, أبابيل

“إحنا ماشيين فى طريق ممكن بعد 50 سنة كتب التاريخ تكتب عنه إنه كان أكبر غلط عملناه ف حياتنا.. م الآخر كده كان قدام الناس حلين مالهمش تالت.. يا يلعبوا سياسة وكل حاجة تمشي بالقانون وساعتها محدش يشتكي من الأحكام اللي معظمها هيبقى براءة عشان مفيش أدلة، ويحصل تصالح اجتماعي ونبدأ نبني البلد بجد، يا يلعبوها ثورة ومحاكم ثورية ويتحملوا ذنب ناس كتير هتروح في الرجلين وتتعدم ظلم حسب مزاج الثوار وأهوائهم الشخصية زي ما حصل في الثورة الفرنسية والبلشيفية.. إنما نص ثورة ونص قانون ده هجص مش هيودينا لحاجة مفيدة.. لازم نرسى على حل ونمشي فيه لحد أخره بس المهم نوصل لبكرة بدل ما إحنا محلك سر”
― شريف عبدالهادي, أبابيل