المسافر Quotes

“ارتفع صوت احد الركاب خلفى قائلاً:
" يادى النيلة...دى خامس واحدة تطلع تشحت فى نص ساعه...دول ولا كأنهم بيبدلوا مع بعض"
ليجيبه راكب اخر :
" لأ و كلهم بتوع مناديل ....خلاص مفيش حاجة ناقصانا غير المناديل يعنى ؟ "
انتهى الراكب الاخر من جملته ليجيب عليه راكب ثالث كان يستند على طرف المقعد المواجه لمقعدى :
" الناس كلها يا باشا بقت بتبيع مناديل..عشان لا مؤاخذة الوساخة كترت ف البلد دى ”
― إسلام عماد, المسافر

“قوة الدولة مش فى امنها او عملها او تجارتها و صناعتها...قوة

الدولة فى شعبها...و الشعب كان كاره الحجاج...و اغلب

مؤيديه من التجار المستغلين لأوضاع الدولة او وزرائه و حاشيته

و جنده....الحجاج كان دايماً خايف من المؤامرات,كان دايماً

بيفرض الامن بالقوة...لكنه مقدرش فى النهاية انه يمنع قضاء

الله...مات بمرض فى معدته, زى اى انسان عادى...و من

بعدها بدأت دولته فى التساقط...”
― إسلام عماد, المسافر

“انك تقرا عن دخول الاسكندر الاكبر لمصر حاجة, و انك تكون

واقف وسط الجماهير الغفيرة اللى استقبلته حاجة تانية...
إنك تسمع مقطوعه لبيتهوفن فى الراديو حاجة, و إنك تسمعها

منه شخصياً فى حفل كبير مليان شخصيات معروفة وقتها حاجة

تانية خالص...
إنك تقرأ فى كتب المؤرخين المسلمين عن عظمة مملكة العرب

فى الاندلس حاجة, و انك تتفسح فى جناين غرناطه و قرطبه و

ملقة حاجة تانية خالص...”
― إسلام عماد, المسافر

“التاريخ بالنسبة لى كان هدف مش غاية...أنا مسافرتش فى

الزمن علشان اسيطر على العالم, ولا علشان اجمع ثروات و

تحف لا تقدر بثمن فى حاضرنا...انا شفت كل اللى افتكر نفسه

قادر على انه يسيطر على الدنيا, و فى الاخر كان كومة

تراب...الاسكندر, نابليون, هتلر...و كتير و كتير من

الزعماء....كلهم فى الاخر نهايتهم واحده, يا اما الفشل...يا

اما الموت زى بقية البشر و ضياع مملكته اللى تعب فيها من

بعده....”
― إسلام عماد, المسافر

“ربما اذا بحثت قليلاً فى نسب عائلتنا منذ القدم لوجدت ان جد

جد جد جدى كان اغريقياً او بابلياً....احياناً كثيرة يلهو التاريخ

بنا بطريقة مضحكة...”
― إسلام عماد, المسافر

“تاريخ الانسانية منذ ولادتها وهو فى تكرار مستمر...امم تتكون

و تتجمع لتتحد و تنهض ثم تسيطر ثم تشيخ لتموت و تفسح

المجال لأمة أخرى بعدها..و هكذا دواليك..تمر الايام بنا و لا

ندرى اننا تروس صغيرة فى الة كبيرة هى مجرى الزمن”
― إسلام عماد, المسافر

“و لكنها سخرية القدر, نسافر فى الزمن لمئات السنوات, و نعجز عن توفير ساعات قد تبعدنا عن قبضة الموت المحتم.”
― إسلام عماد, المسافر