خاتم العاصي Quotes

“- في ناس وسطينا في كل شبر ..حواليك هنا وف كل مكان في العالم..الناس دي بيتقال عليهم ناس خياليين...روحانيين...حساسين نفسيا...هبل مجانين متخلفين...سميهم زي ماتسميهم ..! عارف لما بتركز وتكون مستني إشارة أو علامة روحانية لحاجة معينه...ثقة كده غريبة ان في حاجة هاتقوللك إعمل كذا أو متعملش كذا.. ...وتفضل كدة كتير..علطول...هيبتدي الموضوع يقلب معاك بجد..وهتلاقي إن مع الوقت أتكون عندك طبقة وعي تانيه...زي مثلا....لما تبقي رايح تشرب خمرة ...وعربيتك تتعطل مثلا..في غيرك ممكن ياخدها "نحس"...وفي غيرك ممكن ياخدها إشارة...أو مثلا لما تكون رايح تصلي ولا تعمل خير...وتكسل لما تلاقي أكله حلوة ولا فيلم بتحبه شغال في التيلفزيون...أو اللي رايح شغله متضايق ويبص يلاقي يافطة إعلان فيها كلمة "علشان بكره"...ولا حتي نمرة عربية حروفها "ص ب ر"... العالم اللي بتكللم عليه ده مش بعيد.. ده هنا حوالينا في كل مكان... كل لفتة...كل صورة...كل حركة....هي إشارة..بس العميان كتيييير..ملايين...واللي بيفتح بزياده أوي إما بيخرس علشان ميتقالش عليه مجنون أو مقيم أصلا في العباسية لابس قميص الأكتاف..!”
― جمال النشار, خاتم العاصي

“- بس في لذة وانت بتعمل الصح..يكمن معظم البنات كدة...بس مين قاللك أن مافيش إنشالله واحدة بس دماغها حلوة وشبه دماغك المصدية دي... وبتحبك لشخصك علشان شخصك ! وعايزاك تتجوزها حلال علشان تنشلها من دنيا ممله ومكتومة في بيت أهلها.. وهتعيش معاك في اي مصيبة وعايزة تتجنن معاك وتجرب تسكر وتحشش معاك و تروحو معارض فوتوغرافيا و وتسهرو علي قهاوي وسط البلد و تسافر معاك وتطلعو سافاري تِشْوُو ديابة في الجبل وتسمعو عزيز مراقة و كايروكي !!! قوللي بقي زي المتخلفين إن ماينفعش تعمل ده مع مراتك.. لازم تكون واحدة "شمال" أو صاحبتك..!”
― جمال النشار, خاتم العاصي

“عزف الناي قد يقيد روحك للأبد في خلوة لا تتطلب مأكلا أو مشربا...ودورانك في توحد مع دوران الكون بديع صنعه...قد يمزج خلاياك مع خلايا كل الموجودات فترتقي روحك وتسمو للنور"
تقي الدين السليماني”
― جمال النشار, خاتم العاصي