كسر عين Quotes

“ﺑﻜﺴﺮ ﻓﻰ ﻗﻠﺒﻰ ﻛﻞ ﻳﻮﻡ ﺣﺒﺔ ﻭﺟﻊ
ﻭﺍﻋﻤﻞ ﺟﺪﻉ
ﻭﺍﺿﺤﻚ ﻓﻰ ﻭﺵ ﺍﻟﺠﺮﺡ ﻭﺍﺗﺮﻳﻖ ﻋﻠﻴﻪ
ﺑﺪﻓﻦ ﺑﻜﺎﻳﺎ ﺑﺎﻟﺒﻄﺊ
ﻭﺑﻠﻢ ﺩﻣﻌﻰ ﻣﻦ ﺍﻟﻄﺮﻳﻖ ﻭﺃﺗﺪﺍﻭﻯ ﺑﻴﻪ
ﻋﺮﻓﺖ ﺍﻥ ﺍﻟﻤﺸﻜﻠﺔ ﻣﺶ ﻓﻰ ﺍﻟﺪﻣﻮﻉ
ﻭﺍﻥ ﺍﻟﺮﺟﻮﻉ ﻣﻊ ﺍﻯ ( ﺭﺍﺡ ) ﺍﺻﻼ ﺳﺨﻒ
ﺍﻧﺎ ﻟﺴﻪ ﻓﺎﻫﻢ .. ﻟﻸﺳﻒ
ﻭﺍﻛﻴﺪ ﻫﻮﺍﻇﺐ ﻉ ﺍﻟﻠﻰ (ﺟﺎﻯ ) ﺑﺪﻭﻥ ﺑكا”
― محمد السيد, كسر عين

“أرخص ما فيكي الدم و المبدأ
و الغالي كرسي مهما دام زايل
كل اللي تحت غلابة بتصدق
أما اللي فوق بيظبطوا أراايل”
― محمد السيد, كسر عين

“كان نفسي مرة أتوه عن العنوان
و ابدأ في صفحة جديدة م الأول
معرفش ليه فرض الندم طَوّل
بكره اللي صوته في ودني مش سامعه
لسه الزمان واقف على النهايات
جوايا حاجة اتقسمت لحاجات
ولا حاجة منهم فيها بلة ريق
عطشان أوي مع أني مُت غريق
زعلان عشان عاجز أكون فرحان
و أنا اللي ناسي نعمة النسيان”
― محمد السيد, كسر عين

“كان في زمان
عيل في ملكوت ربنا سارح
بس أما فاق
معرفش يرجع تاني لأمبارح”
― محمد السيد, كسر عين

“في أبعد حتة جوايا
قفلت عليكي باب ورا باب
و عامل نفسي بنساكي
و عارف إن أنا كداب”
― محمد السيد, كسر عين