المهزلة الأرضية Quotes

“عاقل جدا لدرجة إن الناس فاهمه إني مجنون .... أو مجنون جدا لدرجة إني فاهم إني عاقل”
― يوسف إدريس, المهزلة الأرضية

“الطبيب: تقدر تقول لى النهارده إيه؟
المجنون: النهاردة السبت يا دكتور.
الطبيب: وبكره؟
المجنون: بكره السبت برضه يا دكتور.
الطبيب: يعنى النهارده السبت وبكره السبت؟! أمّال الأحد يجي امتى؟
المجنون: الأحد يجي لما نحس إن النهارده اختلف عن إمبارح، لما نحس إن الدنيا اتقدمت بينا خطوة، لما عدالة النهارده تبقى أكتر من عدالة امبارح، لما نحس إن ظلم النهارده أقل بكتير من ظلم إمبارح، لما نحس إننا لاقيين مكان فى أتوبيس، لما نحاسب المسؤول وهو لسه مسؤول، لما نحس إننا اتقدمنا خطوة أو اترقينا سنتي.. يجي الأحد يا دكتور.”
― يوسف إدريس, المهزلة الأرضية

“أعمل إيه ؟ ما بلاقيش حد يفهمنى ، أضطر أركب الصعب بقى و أكلم نفسى”
― يوسف إدريس, المهزلة الأرضية

“: هربت. ساعة الجد هربت من دوري ومنكم.. في وسط المعركة بدل ما اضرب فريت واستخبيت جوه نفسي.

: بس لو ما كنتوش تستعملوا الكلام اللي ما بيفهموش حد ده؟ وحتى إذا الناس فهمته عبال ما توصل لمعناه يكون المعنى طار. استخبيت جوه نفسي لما ذاتي حوصرت وانعزلت عن الذوات الأخرى. يا اولاد الذوات اللغوية انتو.”
― يوسف إدريس, المهزلة الأرضية

“: حد يا ابني يفضل يعمل الغلط لمجرد ان الناس بتعمله؟ لمجرد إن الصح ما حدش قبله جربه؟ في شرع مين يحصل كده؟
: في شرع البني آدمين..البني آدمين كده.الناس عارفه ان السجاير مضره ومع كده بتشربها ليه،لأنهم بيشوفوا الناس بتشربها.هات لي حاجة واحدة الناس ما بتعملهاش لأنها في حد ذاتها مضرة،أي حاجة مضرة موش مضرة الواحد بيفضل يعملها مهما اتقال عليها لغاية ما الناس تبطل تعملها فيبطل يعملها.”
― يوسف إدريس, المهزلة الأرضية

“.. نحاكمهم يعني.وعايزهم يقولوا الصدق في المحاكمة؟..دي المحاكم هي المقر الرسمي للكذب.”
― يوسف إدريس, المهزلة الأرضية